ਨਵੀਂ ਦਿੱਲੀ- ਦੁਨੀਆ ਦੀ ਸਭ ਤੋਂ ਮਸ਼ਹੂਰ ਟੀ-20 ਕ੍ਰਿਕਟ ਲੀਗ ਆਈ. ਪੀ. ਐੈੱਲ. ਆਨੇ-ਬਹਾਨੇ ਭ੍ਰਿਸ਼ਟਾਚਾਰ ਨੂੰ ਲੈ ਕੇ ਵੀ ਸੁਰਖੀਆਂ ਵਿਚ ਛਾਈ ਰਹਿੰਦੀ ਹੈ ਤੇ ਇਸ ਵਾਰ ਨਵਾਂ ਮਾਮਲਾ ਆਈ. ਪੀ. ਐੱਲ. ਵਿਚ ਖਿਡਾਰੀਆਂ ਦੀ ਚੋਣ ਬਦਲੇ ਰਿਸ਼ਵਤ ਲੈਣ ਦਾ ਹੈ।
ਆਈ. ਪੀ. ਐੱਲ. ਦੇ ਚੇਅਰਮੈਨ ਰਾਜੀਵ ਸ਼ੁਕਲਾ ਦੇ ਨਿੱਜੀ ਸਟਾਫ ਦਾ ਕਥਿਤ ਤੌਰ 'ਤੇ ਟੀ-20 ਲੀਗ ਵਿਚ ਰਿਸ਼ਵਤ ਲੈ ਕੇ ਖਿਡਾਰੀਆਂ ਦੀ ਚੋਣ ਕਰਵਾਉਣ ਦਾ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ ਨੂੰ ਲੈ ਕੇ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀ. ਸੀ.ਸੀ. ਆਈ.) ਦੀ ਭ੍ਰਿਸ਼ਟਾਚਾਰ ਰੋਕੂ ਇਕਾਈ ਨੇ ਜਾਂਚ ਦਾ ਭਰੋਸਾ ਵੀ ਦਿੱਤਾ ਹੈ।
ਇਕ ਹਿੰਦੀ ਸਮਾਚਾਰ ਚੈਨਲ 'ਤੇ ਸਟਿੰਗ ਆਪ੍ਰੇਸ਼ਨ ਵਿਚ ਇਹ ਦਾਅਵਾ ਕੀਤਾ ਗਿਆ ਹੈ ਕਿ ਆਈ. ਪੀ. ਐੱਲ. ਦੇ ਚੇਅਰਮੈਨ ਸ਼ੁਕਲਾ ਦਾ ਨਿੱਜੀ ਸਟਾਫ ਆਈ. ਪੀ. ਐੱਲ. ਵਿਚ ਖਿਡਾਰੀਆਂ ਦੀ ਚੋਣ ਦੇ ਬਦਲੇ ਰਿਸ਼ਵਤ ਲੈਂਦਾ ਹੈ। ਇਸ ਸਟਿੰਗ ਵਿਚ ਸ਼ੁਕਲਾ ਦਾ ਕਾਰਜਕਾਰੀ ਸਹਾਇਕ ਅਕਰਮ ਸੈਫੀ ਤੇ ਕ੍ਰਿਕਟਰ ਰਾਹੁਲ ਸ਼ਰਮਾ ਵਿਚਾਲੇ ਗੱਲਬਾਤ ਨੂੰ ਦਿਖਾਇਆ ਗਿਆ ਹੈ, ਜਿਸ ਵਿਚ ਸੈਫੀ ਨੇ ਰਾਜ ਦੀ ਟੀਮ ਵਿਚ ਰਾਹੁਲ ਦੀ ਚੋਣ ਕਰਵਾਉਣ ਦੇ ਬਦਲੇ ਰਿਸ਼ਵਤ ਦੀ ਗੱਲ ਕੀਤੀ ਹੈ।
ਰਾਜੀਵ ਸ਼ੁਕਲਾ ਪਿਛਲੇ ਲੰਬੇ ਸਮੇਂ ਤੋਂ ਬੀ. ਸੀ. ਸੀ. ਆਈ. ਦੇ ਸੀਨੀਅਰ ਅਧਿਕਾਰੀ ਹਨ ਅਤੇ ਦੁਨੀਆ ਦੀ ਸਭ ਤੋਂ ਅਮੀਰ ਕ੍ਰਿਕਟ ਲੀਗ ਆਈ. ਪੀ. ਐੱਲ. ਦੇ ਵੀ ਚੇਅਰਮੈਨ ਹਨ। ਉਹ ਨਾਲ ਹੀ ਉੱਤਰ ਪ੍ਰਦੇਸ਼ ਕ੍ਰਿਕਟ ਸੰਘ (ਯੂ. ਪੀ. ਸੀ. ਏ.) ਦੇ ਸਕੱਤਰ ਵੀ ਹਨ। ਅਜਿਹੇ ਵਿਚ ਕਈ ਤਰ੍ਹਾਂ ਦੇ ਸਵਾਲ ਖੜ੍ਹੇ ਹੋ ਰਹੇ ਹਨ। ਬੀ. ਸੀ. ਸੀ. ਆਈ. ਦੀ ਭ੍ਰਿਸ਼ਟਾਚਾਰ ਰੋਕੂ ਸ਼ਾਖਾ (ਏ. ਸੀ. ਯੂ. ) ਨੇ ਇਸ ਮਾਮਲੇ ਵਿਚ ਜਾਂਚ ਦੀ ਗੱਲ ਕਹੀ ਹੈ ਪਰ ਆਈ. ਪੀ. ਐੱਲ. ਦੇ ਇਸ ਨਵੇਂ ਮਾਮਲਾ ਨੇ ਲੀਗ ਦੀ ਈਮਾਨਦਾਰੀ 'ਤੇ ਸਵਾਲ ਜ਼ਰੂਰ ਖੜ੍ਹੇ ਕਰ ਦਿੱਤੇ ਹਨ।
ਸਟਿੰਗ ਆਪ੍ਰੇਸ਼ਨ ਵਿਚ ਦਿਖਾਇਆ ਗਿਆ ਹੈ ਕਿ ਕ੍ਰਿਕਟਰ ਰਾਹੁਲ ਭਾਰਤ ਜਾਂ ਫਿਰ ਕਿਸੇ ਰਾਜ ਦੀ ਟੀਮ ਵੱਲੋਂ ਕਦੇ ਨਹੀਂ ਖੇਡਿਆ ਹੈ ਪਰ ਰਾਹੁਲ ਨੇ ਦੋਸ਼ ਲਾਇਆ ਹੈ ਕਿ ਸੈਫੀ ਨੇ ਉਸ ਨੂੰ ਰਾਜ ਦੀ ਟੀਮ ਵਿਚ ਚੁਣੇ ਜਾਣ ਲਈ ਰਿਸ਼ਵਤ ਦੀ ਮੰਗ ਕੀਤੀ ਸੀ। ਉਸ ਨੇ ਨਾਲ ਹੀ ਸੈਫੀ 'ਤੇ ਝੂਠੇ ਉਮਰ ਦੇ ਪ੍ਰਮਾਣ ਪੱਤਰ ਤਿਆਰ ਕਰਨ ਦਾ ਵੀ ਦੋਸ਼ ਲਾਇਆ ਹੈ ਪਰ ਸੈਫੀ ਨੇ ਇਨ੍ਹਾਂ ਦੋਸ਼ਾਂ ਤੋਂ ਇਨਕਾਰ ਕੀਤਾ ਹੈ।
ਬੀ. ਸੀ. ਸੀ. ਆਈ. ਨੇ ਸਟਿੰਗ 'ਚ ਰਿਸ਼ਵਤ ਲੈਣ ਦੇ ਦੋਸ਼ੀ ਨੂੰ ਕੀਤਾ ਮੁਅੱਤਲ
ਬੀ. ਸੀ. ਸੀ. ਆਈ. ਨੇ ਆਈ. ਪੀ. ਐੱਲ. ਮੁਖੀ ਰਾਜੀਵ ਸ਼ੁਕਲਾ ਦੇ ਨਿੱਜੀ ਸਟਾਫ ਦੇ ਇਕ ਮੈਂਬਰ ਨੂੰ ਖਿਡਾਰੀਆਂ ਦੀ ਚੋਣ ਲਈ ਰਿਸ਼ਵਤ ਮੰਗਣ ਦੇ ਦੋਸ਼ ਵਿਚ ਮਾਮਲੇ ਦੀ ਜਾਂਚ ਤਕ ਮੁਅੱਤਲ ਕਰ ਦਿੱਤਾ ਹੈ।
ਉੱਤਰ ਪ੍ਰਦੇਸ਼ ਕ੍ਰਿਕਟ ਸੰਘ ਨੇ ਕੀਤਾ ਦੋਸ਼ਾਂ ਤੋਂ ਇਨਕਾਰ
ਉੱਤਰ ਪ੍ਰਦੇਸ਼ ਕ੍ਰਿਕਟ ਸੰਘ ਨੇ ਇਨ੍ਹਾਂ ਦੋਸ਼ਾਂ ਤੋਂ ਇਨਕਾਰ ਕੀਤਾ ਹੈ ਤੇ ਦੱਸਿਆ ਹੈ ਕਿ ਰਾਹੁਲ ਕਦੇ ਵੀ ਰਾਜ ਦੀ ਟੀਮ ਵੱਲੋਂ ਨਹੀਂ ਖੇਡਿਆ।
...ਜਦੋਂ ਤਿਰੰਗੇ 'ਚੋਂ ਅਸ਼ੋਕ ਚੱਕਰ ਹੋਇਆ ਗਾਇਬ, FIH ਨੇ ਜਤਾਇਆ ਇਤਰਾਜ਼
NEXT STORY 
