ਸਪੋਰਟਸ ਡੈਸਕ- ਅੰਤਰਰਾਸ਼ਟਰੀ ਕ੍ਰਿਕਟ ਪ੍ਰੀਸ਼ਦ (ਆਈ.ਸੀ.ਸੀ.) ਵੱਲੋਂ ਪੁਰਸ਼ ਟੀ-20 ਕ੍ਰਿਕਟ ਦੇ ਨਿਯਮਾਂ 'ਚ ਕੁਝ ਨਵੇਂ ਬਦਲਾਅ ਕੀਤੇ ਗਏ ਹਨ, ਜਿਨ੍ਹਾਂ ਅਨੁਸਾਰ ਹੁਣ ਮੀਂਹ ਤੋਂ ਪ੍ਰਭਾਵਿਤ ਮੈਚਾਂ ਵਿੱਚ ਪਾਵਰਪਲੇ ਦਾ ਫ਼ੈਸਲਾ ਓਵਰਾਂ ਦੇ ਆਧਾਰ 'ਤੇ ਤੈਅ ਕੀਤਾ ਜਾਵੇਗਾ। ਆਈ.ਸੀ.ਸੀ. ਨੇ ਕਿਹਾ ਕਿ ਜੇਕਰ ਮੀਂਹ ਜਾਂ ਕਿਸੇ ਹੋਰ ਕਾਰਨ ਕਰਕੇ ਮੈਚ ਦੇ ਓਵਰ ਘਟਾਏ ਜਾਂਦੇ ਹਨ ਤਾਂ ਪਾਵਰਪਲੇ ਓਵਰਾਂ ਦਾ ਫੈਸਲਾ ਵੀ ਉਸੇ ਆਧਾਰ 'ਤੇ ਕੀਤਾ ਜਾਵੇਗਾ।
ਮੌਜੂਦਾ ਨਿਯਮਾਂ ਦੇ ਅਨੁਸਾਰ 20 ਓਵਰਾਂ ਦੀ ਪਾਰੀ ਵਿੱਚ ਪਹਿਲੇ 6 ਓਵਰ ਪਾਵਰਪਲੇ ਹੁੰਦੇ ਹਨ, ਜਦਕਿ ਨਵੇਂ ਨਿਯਮਾਂ ਦੇ ਤਹਿਤ, ਮੀਂਹ ਤੋਂ ਪ੍ਰਭਾਵਿਤ ਮੈਚਾਂ ਵਿੱਚ, ਪੰਜ ਓਵਰਾਂ ਦੇ ਮੈਚ ਲਈ 1.3 ਓਵਰਾਂ ਦਾ ਪਾਵਰਪਲੇ ਹੋਵੇਗਾ। 6 ਓਵਰਾਂ ਲਈ ਪਾਵਰਪਲੇ 1.5 ਓਵਰ, 7 ਓਵਰਾਂ ਲਈ 2.1, 8 ਓਵਰਾਂ ਲਈ 2.2, 9 ਓਵਰਾਂ ਲਈ 2.4, 10 ਓਵਰਾਂ ਲਈ 3 ਓਵਰ, 11 ਓਵਰਾਂ ਲਈ 3.2, 12 ਓਵਰਾਂ ਲਈ 3.4, 13 ਓਵਰਾਂ ਲਈ 3.5, 14 ਓਵਰਾਂ ਲਈ 4.1, 15 ਓਵਰਾਂ ਲਈ 4.3, 16 ਓਵਰਾਂ ਲਈ 4.5, 17 ਓਵਰਾਂ ਲਈ 5.1, 18 ਓਵਰਾਂ ਲਈ 5.2 ਅਤੇ 19 ਓਵਰਾਂ ਲਈ 5.4 ਹੋਵੇਗਾ। ਇਸ ਦੌਰਾਨ ਅੰਪਾਇਰ ਓਵਰਾਂ ਵਿਚਕਾਰ ਹੋਈਆਂ ਤਬਦੀਲੀਆਂ ਬਾਰੇ ਸੰਕੇਤ ਦੇਵੇਗਾ।
ਇਹ ਵੀ ਪੜ੍ਹੋ- 'ਜੈ ਹਿੰਦ, ਜੈ ਭਾਰਤ !', ISS ਪਹੁੰਚਦਿਆਂ ਹੀ ਸ਼ੁਭਾਂਸ਼ੂ ਨੇ ਦੇਸ਼ ਵਾਸੀਆਂ ਦੇ ਨਾਂ ਹਿੰਦੀ 'ਚ ਭੇਜਿਆ 'ਖ਼ਾਸ' ਸੰਦੇਸ਼
ਆਈ.ਸੀ.ਸੀ. ਵੱਲੋਂ ਜਾਰੀ ਕੀਤੇ ਗਏ ਇਹ ਨਿਯਮ ਜੁਲਾਈ ਤੋਂ ਲਾਗੂ ਕੀਤੇ ਜਾਣਗੇ। ਇਹ ਨਿਯਮ ਇੰਗਲੈਂਡ ਦੇ ਟੀ-20 ਬਲਾਸਟ ਟੂਰਨਾਮੈਂਟ ਵਿੱਚ ਕਈ ਸਾਲਾਂ ਤੋਂ ਵਰਤਿਆ ਜਾ ਰਿਹਾ ਹੈ, ਜਿੱਥੇ ਓਵਰਾਂ ਵਿਚਕਾਰ ਪਾਵਰਪਲੇਅ ਖ਼ਤਮ ਹੋਣ ਨਾਲ ਖਿਡਾਰੀਆਂ ਜਾਂ ਮੈਚ ਅਧਿਕਾਰੀਆਂ ਨੂੰ ਕੋਈ ਸਮੱਸਿਆ ਨਹੀਂ ਹੁੰਦੀ।
ਇਸ ਤੋਂ ਇਲਾਵਾ, ਟੈਸਟ ਕ੍ਰਿਕਟ ਵਿੱਚ ਓਵਰ-ਰੇਟ ਨੂੰ ਕੰਟਰੋਲ ਕਰਨ ਲਈ ਸਟਾਪ ਕਲਾਕ ਦੀ ਵਰਤੋਂ, ਨੋ-ਬਾਲਾਂ 'ਤੇ ਵੀ ਕੈਚਾਂ ਦੀ ਜਾਂਚ ਤੇ ਦੌੜ, ਘਰੇਲੂ ਫਸਟ ਕਲਾਸ ਕ੍ਰਿਕਟ ਵਿੱਚ ਖਿਡਾਰੀਆਂ ਦੇ ਸਬਸਟੀਚਿਊਟ ਨੂੰ ਮਨਜ਼ੂਰੀ ਦੇਣਾ ਅਤੇ ਪੁਰਸ਼ਾਂ ਦੇ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਕੁਝ ਹੋਰ ਵੱਡੇ ਬਦਲਾਅ ਕੀਤੇ ਗਏ ਹਨ।
ਇਨ੍ਹਾਂ ਵਿੱਚੋਂ ਕੁਝ ਨਵੇਂ ਨਿਯਮ ਪਹਿਲਾਂ ਹੀ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ (2025-27) ਦੇ ਨਵੇਂ ਚੱਕਰ ਵਿੱਚ ਲਾਗੂ ਕੀਤੇ ਜਾ ਚੁੱਕੇ ਹਨ। ਚਿੱਟੀ ਗੇਂਦ ਦੇ ਕ੍ਰਿਕਟ ਨਾਲ ਸਬੰਧਤ ਨਿਯਮ 2 ਜੁਲਾਈ ਤੋਂ ਲਾਗੂ ਹੋਣਗੇ। ਟੀ-20 ਫਾਰਮੈਟ ਵਿੱਚ ਪਾਵਰਪਲੇ ਦੌਰਾਨ ਸਿਰਫ਼ ਦੋ ਖਿਡਾਰੀ 30 ਗਜ਼ ਦੇ ਘੇਰੇ ਤੋਂ ਬਾਹਰ ਹੁੰਦੇ ਹਨ। ਇਸ ਦੇ ਬਾਵਜੂਦ ਟੀ-20 ਮੈਚਾਂ ਨੂੰ ਹੋਰ ਸਪੱਸ਼ਟ ਅਤੇ ਨਿਰਪੱਖ ਬਣਾਉਣ ਲਈ ਇਨ੍ਹਾਂ ਨਿਯਮਾਂ ਨੂੰ ਸਖ਼ਤੀ ਨਾਲ ਲਾਗੂ ਕਰਨ ਦੀ ਗੱਲ ਕਹੀ ਗਈ ਹੈ।
ਇਹ ਵੀ ਪੜ੍ਹੋ- ''ਇੰਗਲੈਂਡ ਨੂੰ ਜ਼ਿਆਦਾ ਸਮਾਂ ਫੀਲਡਿੰਗ ਕਰਵਾਓ...'', ਧਾਕੜ ਖਿਡਾਰੀ ਨੇ ਦਿੱਤਾ ਭਾਰਤ ਨੂੰ ਜਿੱਤ ਦਾ 'ਮੰਤਰ'
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
''ਇੰਗਲੈਂਡ ਨੂੰ ਜ਼ਿਆਦਾ ਸਮਾਂ ਫੀਲਡਿੰਗ ਕਰਵਾਓ...'', ਧਾਕੜ ਖਿਡਾਰੀ ਨੇ ਦਿੱਤਾ ਭਾਰਤ ਨੂੰ ਜਿੱਤ ਦਾ 'ਮੰਤਰ'
NEXT STORY 
