ਨਵੀਂ ਦਿੱਲੀ- ਆਸਟਰੇਲੀਆ ਦੀ ਮਸ਼ਹੂਰ ਟੀ20 ਲੀਗ ਬਿੱਗ ਬੈਸ਼ ਲੀਗ ਦੀ ਟੀਮ ਮੈਲਬੋਰਨ ਰੇਨੇਗੇਡਸ ਨੂੰ ਝਟਕਾ ਲੱਗਾ ਹੈ। ਟੀਮ ਦੇ ਸਟਾਰ ਖਿਡਾਰੀ ਅਤੇ ਦੱਖਣੀ ਅਫਰੀਕਾ ਦੇ ਸਪਿਨਰ ਇਮਰਾਨ ਤਾਹਿਰ ਨੇ ਬੀ. ਬੀ. ਐੱਲ. ਤੋਂ ਆਪਣਾ ਨਾਂ ਵਾਪਸ ਲੈ ਲਿਆ ਹੈ। ਤਾਹਿਰ ਨੇ ਬੀ. ਬੀ. ਐੱਲ. ਤੋਂ ਆਪਣਾ ਨਾਂ ਕਿਸ ਕਾਰਨ ਲਿਆ ਹੈ ਇਸ ਬਾਰੇ ’ਚ ਜਾਣਕਾਰੀ ਨਹੀਂ ਹੈ ਪਰ ਉਨ੍ਹਾਂ ਨੇ ਨਿੱਜੀ ਕਾਰਨਾਂ ਦਾ ਹਵਾਲਾ ਦਿੰਦੇ ਹੋਏ ਇਹ ਕਦਮ ਚੁੱਕਿਆ ਹੈ।
ਦਸੰਬਰ ’ਚ ਤਾਹਿਰ ਨੇ ਬੀ. ਬੀ. ਐੱਲ. ’ਚ ਦੇਰੀ ਨਾਲ ਪਹੁੰਚਣ ਤੋਂ ਬਾਅਦ ਉਨ੍ਹਾਂ ਦੇ ਸੀਰੀਜ਼ ਤੋਂ ਹਟਨ ਦੀ ਜਾਣਕਾਰੀ ਸਾਹਮਣੇ ਆ ਰਹੀ ਸੀ। ਆਸਟਰੇਲੀਆ ਨੇ ਵਿਦੇਸ਼ੀ ਖਿਡਾਰੀਆਂ ਦੀ ਲਈ ਕੋਰੋਨਾ ਵਾਇਰਸ ਨੂੰ ਦੇਖਦੇ ਹੋਏ 14 ਦਿਨਾਂ ਦਾ ਕੁਆਰੰਟੀਨ ਰੱਖਿਆ ਹੈ। ਮੈਲਬੋਰਨ ਦੇ ਕੋਲ ਮੁਹੰਮਦ ਨਬੀ, ਅਹਿਮਦ ਅਤੇ ਇਮਾਦ ਵਸੀਮ ਦੇ ਰੂਪ ’ਚ ਸਪਿਨਰਾਂ ਦੀ ਤਿਕੜੀ ਹੈ। ਮੈਲੋਬਰਨ ਦੇ ਕੋਚ ਮਾਈਕਲ ਕਲਿੰਗਰ ਨੇ ਕਿਹਾ ਕਿ ਤਾਹਿਰ ਨੂੰ ਖੋਹਣਾ ਦੁਖਦ ਹੈ, ਹੁਣ ਨੂਰ ਅਹਿਮਦ ਨੂੰ ਮੌਕਾ ਦੇਵਾਂਗੇ।
ਕਲਿੰਗਰ ਨੇ ਕਿਹਾ ਕਿ ਤਾਹਿਰ ਇਕ ਸ਼ਾਨਦਾਰ ਖਿਡਾਰੀ ਹੈ ਅਤੇ ਇਹ ਇਕ ਨੁਕਸਾਨ ਹੈ ਪਰ ਇਸ ਦੇ ਨਾਲ ਹੀ ਸਾਡੇ ਕੋਲ ਨੂਰ ਅਹਿਮਦ ਹੈ, ਉਹ ਗੇਂਦਬਾਜ਼ ਹੈ, ਜਿਸ ਨੂੰ ਲੋਕਾਂ ਨੇ ਜ਼ਿਆਦਾ ਨਹੀਂ ਦੇਖਿਆ ਹੈ ਜੋ ਸਾਡੇ ਪੱਖ ’ਚ ਹੋਵੇਗਾ। ਨਬੀ ਨੂੰ ਅੰਤਰਰਾਸ਼ਟਰੀ ਡਿਊਟੀ ਦੇ ਲਈ ਘਰ ਜਾਣਾ ਹੈ। ਇਹ ਇਕ ਨੁਕਸਾਨ ਹੈ ਪਰ ਨਾਲ ਹੀ ਨੌਜਵਾਨ ਨੂਰ ਦਾ ਆਉਣਾ ਅਤੇ ਬੀ. ਬੀ. ਐੱਲ. ’ਤੇ ਦਬਾਅ ਪਾਉਣਾ ਇਕ ਵੱਡਾ ਮੌਕਾ ਹੈ।
ਨੋਟ- ਇਸ ਖਬਰ ਸਬੰਧੀ ਕੁਮੈਂਟ ਕਰਕੇ ਦਿਓ ਆਪਣੀ ਰਾਏ।
ਲਾਕਡਾਊਨ ’ਚ ਸ਼ਤਰੰਜ ਦੀ ਪ੍ਰਸਿੱਧੀ ਵਧੀ : ਆਨੰਦ
NEXT STORY 
