ਸਪੋਰਟਸ ਡੈਸਕ : ਤੀਜਾ ਟੈਸਟ ਆਸਟਰੇਲੀਆਈ ਕ੍ਰਿਕਟ ਟੀਮ ਲਈ ਕਰੋ ਜਾਂ ਮਰੋ ਦੀ ਸਥਿਤੀ ਹੈ। ਮਹਿਮਾਨ ਟੀਮ ਨੂੰ ਚਾਰ ਟੈਸਟ ਮੈਚਾਂ ਦੀ ਲੜੀ ਦੇ ਪਹਿਲੇ ਦੋ ਮੈਚਾਂ ਵਿੱਚ ਇੱਕ ਤਰਫਾ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਹੁਣ ਅਗਲਾ ਮੈਚ ਪਹਿਲੀ ਮਾਰਚ ਤੋਂ ਇੰਦੌਰ 'ਚ ਸ਼ੁਰੂ ਹੋਵੇਗਾ, ਜਿਸ 'ਚ ਮਹਿਮਾਨ ਟੀਮ ਕਿਸੇ ਵੀ ਕੀਮਤ 'ਤੇ ਵਾਪਸੀ ਕਰਨਾ ਚਾਹੇਗੀ ਪਰ ਰਾਹ ਮੁਸ਼ਕਲ ਹੈ ਕਿਉਂਕਿ ਉਨ੍ਹਾਂ ਦੇ ਕਪਤਾਨ ਪੈਟ ਕਮਿੰਸ ਨਿੱਜੀ ਕਾਰਨਾਂ ਕਰਕੇ ਵਾਪਸ ਪਰਤ ਆਏ ਹਨ, ਜਦਕਿ ਡੇਵਿਡ ਵਾਰਨਰ ਸਮੇਤ 6 ਹੋਰ ਖਿਡਾਰੀ ਵੀ ਵਾਪਸ ਪਰਤ ਚੁੱਕੇ ਹਨ। ਹੁਣ ਕਮਾਨ ਸਟੀਵ ਸਮਿਥ ਦੇ ਹੱਥ ਵਿੱਚ ਹੈ। ਉਨ੍ਹਾਂ ਲਈ ਚੰਗੀ ਖ਼ਬਰ ਇਹ ਹੈ ਕਿ ਉਨ੍ਹਾਂ ਦੇ ਦੋ ਵੱਡੇ 'ਯੋਧੇ' ਫਿਲਹਾਲ ਤੀਜਾ ਟੈਸਟ 'ਚ ਖੇਡਣ ਲਈ ਤਿਆਰ ਹਨ।
ਤੀਜੇ ਟੈਸਟ 'ਚ ਦਿਖਾਉਣਗੇ ਤਾਕਤ
ਜੀ ਹਾਂ... ਲਗਾਤਾਰ ਝਟਕੇ ਝੱਲਣ ਤੋਂ ਬਾਅਦ ਹੁਣ ਮਹਿਮਾਨ ਟੀਮ ਲਈ ਰਾਹਤ ਦੀ ਖਬਰ ਸਾਹਮਣੇ ਆਈ ਹੈ। ਦਰਅਸਲ, ਮਿਸ਼ੇਲ ਸਟਾਰਕ ਅਤੇ ਕੈਮਰਨ ਗ੍ਰੀਨ, ਜੋ ਪਹਿਲੇ ਦੋ ਟੈਸਟਾਂ ਤੋਂ ਖੁੰਝ ਗਏ ਸਨ, ਤੀਜੇ ਟੈਸਟ ਵਿੱਚ ਖੇਡਣ ਲਈ ਤਿਆਰ ਹਨ। ਦੋਵਾਂ ਨੂੰ ਉਂਗਲੀ ਦੀ ਸੱਟ ਤੋਂ ਉਭਰਨ ਤੋਂ ਬਾਅਦ ਖੇਡਣ ਲਈ ਮਨਜ਼ੂਰੀ ਮਿਲ ਗਈ ਹੈ। ਸਟਾਰਕ ਹਾਲਾਂਕਿ ਸੱਟ ਤੋਂ ਪੂਰੀ ਤਰ੍ਹਾਂ ਉਭਰ ਨਹੀਂ ਸਕੇ ਹਨ ਪਰ ਫਿਰ ਵੀ ਉਸ ਨੇ ਮੈਦਾਨ 'ਤੇ ਉਤਰਨ ਲਈ ਉਤਸ਼ਾਹ ਦਿਖਾਇਆ ਹੈ।
ਦੂਜੇ ਪਾਸੇ ਕੈਮਰ ਦੀ ਗੱਲ ਕਰੀਏ ਤਾਂ ਪਹਿਲਾਂ ਉਸ ਦੀ ਉਪਲਬਧਤਾ ਨੂੰ ਲੈ ਕੇ ਸਸਪੈਂਸ ਸੀ ਪਰ ਹੁਣ ਉਹ ਪੂਰੀ ਤਰ੍ਹਾਂ ਫਿੱਟ ਹੈ। ਉਸ ਦੀ ਫ੍ਰੈਕਚਰ ਹੋਈ ਉਂਗਲੀ ਦੀ ਸਰਜਰੀ ਹੋਈ ਸੀ ਅਤੇ ਆਲਰਾਊਂਡਰ ਨੂੰ ਪੂਰੀ ਤਰ੍ਹਾਂ ਠੀਕ ਹੋਣ ਲਈ ਸਮਾਂ ਚਾਹੀਦਾ ਸੀ। ਗ੍ਰੀਨ ਨੇ ਕਿਹਾ ਕਿ ਉਹ ਦੂਜਾ ਟੈਸਟ ਖੇਡਣ ਦੇ ਨੇੜੇ ਸੀ, ਪਰ ਵਾਧੂ ਹਫ਼ਤੇ ਦੇ ਮੱਦੇਨਜ਼ਰ, ਉਹ ਪੂਰੀ ਤਰ੍ਹਾਂ ਫਿੱਟਨੈੱਸ 'ਤੇ ਵਾਪਸ ਆ ਗਿਆ ਹੈ ਅਤੇ ਆਖਰੀ ਦੋ ਮੈਚਾਂ ਲਈ ਉਪਲਬਧ ਹੋਵੇਗਾ।
ਬੁਮਰਾਹ ਵਲੋਂ IPL 2023 ਤੇ WTC ਫਾਈਨਲ ਖੇਡਣ 'ਤੇ ਅਨਿਸ਼ਚਿਤਤਾ ਬਰਕਰਾਰ
NEXT STORY 
