ਸਪੋਰਟਸ ਡੈਸਕ— ਨਿਊਜ਼ੀਲੈਂਡ ਅਤੇ ਭਾਰਤ ਵਿਚਾਲੇ ਟੀ-20 ਸੀਰੀਜ਼ ਦਾ ਦੂਜਾ ਮੁਕਾਬਲਾ 26 ਜਨਵਰੀ ਨੂੰ ਨਿਊਜ਼ੀਲੈਂਡ ਆਕਲੈਂਡ ਦੇ ਈਡਨ ਪਾਰਕ ਸਟੇਡੀਅਮ 'ਚ ਖੇਡਿਆ ਜਾ ਰਿਹਾ ਹੈ। ਸੀਰੀਜ਼ ਦੇ ਪਹਿਲੇ ਮੈਚ ਨੂੰ ਟੀਮ ਇੰਡੀਆਂ ਨੇ 6 ਵਿਕਟਾਂ ਨਾਲ ਆਪਣੇ ਨਾਂ ਕੀਤਾ ਸੀ। 5 ਮੈਚਾਂ ਦੀ ਸੀਰੀਜ਼ 'ਚ ਇਸ ਮੈਚ ਨੂੰ ਜਿੱਤ ਕੇ ਟੀਮ ਇੰਡੀਆ ਟੀ-20 ਸੀਰੀਜ਼ 'ਚ ਨਿਊਜ਼ੀਲੈਂਡ ਖਿਲਾਫ ਆਪਣੀ ਬੜ੍ਹਤ ਨੂੰ ਹੋਰ ਵੀ ਮਜ਼ਬੂਤ ਕਰਨਾ ਚਾਹੇਗੀ। ਉਥੇ ਹੀ ਨਿਊਜ਼ੀਲੈਂਡ ਦੀ ਟੀਮ ਇਸ ਸੀਰੀਜ਼ 'ਚ ਬਰਾਬਰੀ ਕਰਨ ਦੇ ਇਰਾਦੇ ਨਾਲ ਮੈਦਾਨ 'ਤੇ ਉਤਰੇਗੀ। ਭਾਰਤ ਨੇ ਹੁਣ ਤਕ ਨਿਊਜ਼ੀਲੈਂਡ ਖਿਲਾਫ ਲਗਾਤਾਰ ਦੋ ਟੀ-20 ਮੁਕਾਬਲੇ ਨਹੀਂ ਜਿੱਤੇ ਹਨ।
ਮੌਸਮ ਅਤੇ ਪਿੱਚ ਦਾ ਹਾਲ
26 ਜਨਵਰੀ ਨੂੰ ਆਕਲੈਂਡ ਦੇ ਅਸਮਾਨ 'ਚ ਬਾਦਲ ਛਾਏ ਰਹਿਣ ਦੀ ਉਮੀਦ ਹੈ ਪਰ ਮੀਂਹ ਦੀ ਕੋਈ ਸੰਭਾਵਨਾ ਨਹੀਂ ਹੈ। ਇਸ ਦੇ ਨਾਲ ਹੀ 26 ਕਿ. ਮੀ. ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਹਵਾ ਚੱਲ ਸਕਦੀ ਹੈ। ਨਿਊਜ਼ੀਲੈਂਡ 'ਚ ਹੋਣ ਵਾਲੇ ਮੈਚਾਂ 'ਚ ਹਵਾ ਵੱਡੀ ਭੂਮਿਕਾ ਨਿਭਾਉਂਦੀ ਹੈ ਪਰ ਇਹ ਸਟੇਡੀਅਮ ਹਰ ਪਾਸਿਓਂ ਘਿਰਿਆ ਹੋਇਆ ਹੈ ਅਤੇ ਇਸ ਵਜ੍ਹਾ ਕਰਕੇ ਹਵਾ ਦਾ ਅਸਰ ਘੱਟ ਹੀ ਦੇਖਣ ਨੂੰ ਮਿਲੇਗਾ। ਮੈਚ ਦੀ ਸ਼ੁਰੂਆਤ 'ਚ ਗੇਂਦਬਾਜ਼ਾਂ ਨੂੰ ਪਿੱਚ ਤੋਂ ਮਦਦ ਮਿਲ ਸਕਦੀ ਹੈ। ਇਸ ਤੋਂ ਬਾਅਦ ਇੱਥੇ ਬੱਲੇਬਾਜ਼ੀ ਕਰਨੀ ਆਸਾਨ ਹੋਵੇਗੀ। ਟਾਸ ਜਿੱਤਣ ਵਾਲੀ ਟੀਮ ਪਹਿਲਾਂ ਗੇਂਦਬਾਜ਼ੀ ਕਰਨਾ ਪਸੰਦ ਕਰੇਗੀ। ਇਸ ਮੈਦਾਨ 'ਤੇ ਹੁਣ ਤੱਕ 21 ਟੀ-20 ਮੈਚ ਹੋ ਚੁੱਕੇ ਹਨ। ਜਿਨ੍ਹਾਂ 'ਚ ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀ ਟੀਮ 9 ਮੈਚ ਜਿੱਤੀ, ਜਦ ਕਿ ਇਨ੍ਹੇ ਹੀ ਹਾਰੀ ਹੈ।
ਗਣਤੰਤਰ ਦਿਵਸ ਦੇ ਦਿਨ ਟੀਮ ਇੰਡੀਆ ਦਾ ਰਿਕਾਰਡ
ਭਾਰਤ ਨੇ ਦੋ ਵਾਰ 26 ਜਨਵਰੀ ਨੂੰ ਟੀ-20 ਮੈਚ ਖੇਡਿਆ ਹੈ। ਪਹਿਲੀ ਵਾਰ 2016 'ਚ ਆਸਟਰੇਲੀਆ ਖਿਲਾਫ ਐਡੀਲੇਡ ਦੇ ਐਡੀਲੇਡ ਓਵਲ 'ਚ ਮੁਕਾਬਲਾ ਹੋਇਆ ਸੀ। ਵਿਰਾਟ ਕੋਹਲੀ ਵਲੋਂ 90 ਦੌੜਾਂ ਦੀ ਪਾਰੀ ਨਾਲ ਭਾਰਤ ਨੇ ਉਸ ਮੈਚ ਨੂੰ 37 ਦੌੜਾਂ ਨਾਲ ਜਿੱਤ ਲਿਆ ਸੀ। ਭਾਰਤ ਨੇ 26 ਜਨਵਰੀ 2017 ਨੂੰ ਦੂਜਾ ਟੀ-20 ਮੁਕਾਬਲਾ ਇੰਗਲੈਂਡ ਖਿਲਾਫ ਕਾਨਪੁਰ ਦੇ ਗ੍ਰੀਨ ਪਾਰਕ ਸਟੇਡੀਅਮ 'ਚ ਖੇਡਿਆ ਗਿਆ ਸੀ। ਇਸ ਮੈਚ ਇੰਗਲੈਂਡ ਨੇ 19ਵੇਂ ਓਵਰ 'ਚ 3 ਵਿਕਟਾਂ ਖੁੰਝ ਕੇ ਟੀਚਾ ਹਾਸਲ ਕਰ ਲਿਆ ਸੀ। ਉਨ੍ਹਾਂ ਦੇ ਲਈ ਕਪਤਾਨ ਇਓਨ ਮਾਰਗਨ ਨੇ 38 ਗੇਂਦਾਂ 'ਤੇ 51 ਦੌੜਾਂ ਦੀ ਪਾਰੀ ਖੇਡੀ ਸੀ। ਇਸ ਵਾਰ ਭਾਰਤ ਕੋਲ 26 ਜਨਵਰੀ (ਗਣਤੰਤਰ ਦਿਵਸ) ਦੇ ਇਸ ਖਾਸ ਮੌਕੇ 'ਤੇ 2 ਸਾਲ ਬਾਅਦ ਮੈਚ ਜਿੱਤਣ ਦਾ ਇਹ ਤੀਜਾ ਮੌਕਾ ਹੈ।-ll.jpg)
ਨਿਊਜ਼ੀਲੈਂਡ ਦੇ ਚਾਰੋਂ ਮੈਦਾਨਾਂ 'ਚ ਖੇਡੀ ਹੈ ਟੀਮ ਇੰਡੀਆ
ਭਾਰਤੀ ਕ੍ਰਿਕਟ ਟੀਮ ਨੇ ਨਿਊਜ਼ੀਲੈਂਡ 'ਚ ਕ੍ਰਾਇਸਟਚਰਚ, ਵੇਲਿੰਗਟਨ, ਆਕਲੈਂਡ ਅਤੇ ਹੈਮਿਲਟਨ ਇਨ੍ਹਾਂ ਚਾਰ ਮੈਦਾਨਾਂ 'ਚ ਖੇਡੇ ਗਏ ਮੁਕਾਬਲਿਆ ਨੂੰ ਮਿਲਾ ਕੇ ਕੁੱਲ 6 ਟੀ-20 ਮੈਚ ਭਾਰਤ ਨੇ ਕੀਵੀ ਜ਼ਮੀਨ 'ਤੇ ਖੇਡੇ। ਇਨ੍ਹਾਂ 'ਚੋਂ 2 ਮੈਚਾਂ 'ਚ ਟੀਮ ਇੰਡੀਆ ਨੂੰ ਜਿੱਤ ਮਿਲੀ ਜਦ ਕਿ ਚਾਰ ਮੈਚ ਹਾਰ ਗਈ ਸੀ। ਇਹ ਚਾਰ ਮੈਚ ਭਾਰਤ ਨੇ ਕ੍ਰਾਇਸਟਚਰਚ 'ਚ ਇਕ, ਵੇਲਿੰਗਟਨ 'ਚ ਦੋ ਅਤੇ ਹੈਮਿਲਟਨ 'ਚ ਇਕ ਮੈਚ ਹਾਰਿਆ ਹੈ।
ਆਕਲੈਂਡ 'ਚ ਹੁਣ ਤੱਕ ਹਨ ਅਜੇਤੂ ਹੈ ਟੀਮ ਇੰਡੀਆ
ਆਕਲੈਂਡ 'ਚ ਨਿਊਜ਼ੀਲੈਂਡ ਦਾ ਇਕਲੌਤਾ ਮੈਦਾਨ ਹੈ ਜਿੱਥੇ ਭਾਰਤ ਦਾ ਟੀ-20 'ਚ ਅਜੇਤੂ ਰਿਕਾਰਡ ਹੈ। ਆਕਲੈਂਡ ਦੇ ਈਡਨ ਪਾਰਕ 'ਚ ਹੋਣ ਵਾਲਾ ਇਹ ਭਾਰਤ ਦਾ ਤੀਜਾ ਟੀ-20 ਮੈਚ ਹੈ। ਇਸ ਤੋਂ ਪਹਿਲਾਂ ਟੀਮ ਇੰਡੀਆ ਨੇ ਇੱਥੇ 2 ਮੈਚ ਖੇਡੇ ਹਨ ਭਾਰਤ ਨੂੰ ਇੱਥੇ ਦੋ ਵਾਰ ਜਿੱਤ ਮਿਲੀ। ਪਹਿਲੀ ਜਿੱਤ 2019 'ਚ ਅਤੇ ਦੂਜੀ ਜਿੱਤ ਇਕ ਦਿਨ ਪਹਿਲਾਂ ਹੋਏ ਮੈਚ 'ਚ ਮਿਲੀ। ਇਨ੍ਹਾਂ ਦੋਵਾਂ ਜਿੱਤ ਦਾ ਐਕਸ ਫੈਕਟਰ ਇਕ ਵਰਗਾ ਹੈ। ਦੋਵਾਂ ਵਾਰ ਭਾਰਤ ਨੇ ਟੀਚੇ ਦਾ ਪਿੱਛਾ ਕਰਦੇ ਹੋਏ ਜਿੱਤ ਹਾਸਲ ਕੀਤੀ।
ਦੋਵਾਂ ਟੀਮਾਂ ਵਿਚਾਲੇ ਹੁਣ ਤੱਕ ਹੋਏ ਮੁਕਾਬਲੇ
ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਾਲੇ ਹੁਣ ਤਕ 12 ਟੀ-20 ਮੁਕਾਬਲੇ ਹੋਏ ਹਨ, ਜਿਨਾਂ ਚੋਂ ਟੀਮ ਇੰਡੀਆ ਨੇ 4 'ਚ ਜਿੱਤ ਦਰਜ ਕੀਤੀ, ਜਦ ਕਿ 8 ਮੈਚ ਹਾਰ ਮਿਲੀ ਹੈ। ਨਿਊਜ਼ੀਲੈਂਡ 'ਚ ਟੀਮ ਇੰਡੀਆ ਨੇ ਹੁਣ ਤਕ 6 ਟੀ-20 ਖੇਡੇ ਹਨ, ਪਰ ਜਿਤ ਸਿਰਫ 2 'ਚ ਹੀ ਮਿਲੀ। ਭਾਰਤ ਨੇ 8 ਫਰਵਰੀ 2019 ਨੂੰ ਆਕਲੈਂਡ 'ਚ ਪਹਿਲਾ ਟੀ-20 ਖੇਡਿਆ ਸੀ। ਇਸ 'ਚ ਮੇਜ਼ਬਾਨ ਨੂੰ 7 ਵਿਕਟਾਂ ਨਾਲ ਹਰਾਇਆ ਸੀ।
ਫਿਰੋਜਾ ਨੂੰ ਹਰਾ ਕੇ ਆਨੰਦ ਸਾਂਝੇ ਤੌਰ 'ਤੇ 6ਵੇਂ ਸਥਾਨ 'ਤੇ ਪਹੁੰਚਿਆ
NEXT STORY 
