ਸਪੋਰਟਸ ਡੈਸਕ— ਆਸਟ੍ਰੇਲੀਆ ਅਤੇ ਭਾਰਤ ਵਿਚਾਲੇ ਬਾਰਡਰ-ਗਾਵਸਕਰ ਸੀਰੀਜ਼ ਦਾ ਚੌਥਾ ਅਤੇ ਆਖਰੀ ਟੈਸਟ ਮੈਚ ਸੋਮਵਾਰ ਨੂੰ ਡਰਾਅ 'ਤੇ ਖਤਮ ਹੋਇਆ। ਇਸੇ ਦੇ ਨਾਲ ਭਾਰਤ ਨੇ ਚਾਰ ਮੈਚਾਂ ਦੀ ਸੀਰੀਜ਼ 2-1 ਨਾਲ ਜਿੱਤ ਲਈ ਹੈ। ਚੌਥੇ ਮੈਚ 'ਚ ਭਾਰਤ ਲਈ ਵਿਰਾਟ ਕੋਹਲੀ ਦਾ ਸ਼ਾਨਦਾਰ ਪ੍ਰਦਰਸ਼ਨ ਦੇਖਣ ਨੂੰ ਮਿਲਿਆ। ਉਸ ਨੇ ਪਹਿਲੀ ਪਾਰੀ ਵਿੱਚ 186 ਦੌੜਾਂ ਦੀ ਪਾਰੀ ਖੇਡੀ, ਜੋ ਨਵੰਬਰ 2019 ਤੋਂ ਬਾਅਦ ਬੱਲੇ ਨਾਲ ਉਸ ਦਾ ਪਹਿਲਾ ਟੈਸਟ ਸੈਂਕੜਾ ਸੀ। ਮੈਚ ਖ਼ਤਮ ਹੋਣ ਤੋਂ ਬਾਅਦ, ਉਸ ਨੂੰ 'ਪਲੇਅਰ ਆਫ਼ ਦ ਮੈਚ' ਦਾ ਪੁਰਸਕਾਰ ਵੀ ਦਿੱਤਾ ਗਿਆ।
ਪਲੇਅਰ ਆਫ ਦਿ ਮੈਚ ਬਣੇ ਵਿਰਾਟ ਕੋਹਲੀ ਨੇ ਕਿਹਾ, "ਇਮਾਨਦਾਰੀ ਨਾਲ ਕਹਾਂ ਤਾਂ, ਇੱਕ ਖਿਡਾਰੀ ਦੇ ਤੌਰ 'ਤੇ ਮੈਨੁੰ ਖੁਦ ਤੋਂ ਜੋ ਉਮੀਦਾਂ ਹਨ, ਉਹ ਮੇਰੇ ਲਈ ਜ਼ਿਆਦਾ ਮਾਇਨੇ ਰੱਖਦੀਆਂ ਹਨ। ਮੈਨੂੰ ਲੱਗਾ ਕਿ ਮੈਂ ਨਾਗਪੁਰ 'ਚ ਪਹਿਲੀ ਪਾਰੀ ਤੋਂ ਚੰਗੀ ਬੱਲੇਬਾਜ਼ੀ ਕਰ ਰਿਹਾ ਸੀ। ਅਸੀਂ ਲੰਬੇ ਸਮੇਂ ਤੱਕ ਬੱਲੇਬਾਜ਼ੀ 'ਤੇ ਧਿਆਨ ਦਿੱਤਾ। ਮੈਂ ਇਹ ਕੁਝ ਹੱਦ ਤੱਕ ਕੀਤਾ ਪਰ ਉਸ ਸਮਰਥਾ ਨਾਲ ਲਈ ਨਹੀਂ ਜੋ ਮੈਂ ਅਤੀਤ ਵਿੱਚ ਕੀਤਾ ਹੈ। ਇਸ ਲਈ ਥੋੜ੍ਹਾ ਨਿਰਾਸ਼ ਸੀ। ਇਸ ਗੱਲ ਤੋਂ ਰਾਹਤ ਮਿਲੀ ਕਿ ਮੈਂ ਜਿਸ ਤਰ੍ਹਾਂ ਖੇਡਣਾ ਚਾਹੁੰਦਾ ਸੀ, ਉਸੇ ਤਰ੍ਹਾਂ ਖੇਡ ਸਕਿਆ।''
ਇਹ ਵੀ ਪੜ੍ਹੋ : ਭਾਰਤ-ਆਸਟ੍ਰੇਲੀਆ ਦਰਮਿਆਨ ਚੌਥਾ ਟੈਸਟ ਡਰਾਅ, ਟੀਮ ਇੰਡੀਆ ਨੇ ਸੀਰੀਜ਼ 'ਤੇ ਕੀਤਾ ਕਬਜ਼ਾ
ਕੋਹਲੀ ਨੇ ਅੱਗੇ ਕਿਹਾ, ''ਮੈਂ ਹੁਣ ਅਜਿਹੀ ਜਗ੍ਹਾ 'ਤੇ ਨਹੀਂ ਹਾਂ ਜਿੱਥੇ ਮੈਂ ਬਾਹਰ ਜਾ ਕੇ ਕਿਸੇ ਨੂੰ ਗਲਤ ਸਾਬਤ ਕਰਾਂ। ਮੈਨੂੰ ਇਹ ਵੀ ਦੱਸਣਾ ਹੋਵੇਗਾ ਕਿ ਮੈਂ ਮੈਦਾਨ 'ਤੇ ਕਿਉਂ ਹਾਂ। ਜਦੋਂ ਮੈਂ ਅਜੇਤੂ 60 ਦੌੜਾਂ 'ਤੇ ਸੀ ਤਾਂ ਮੈਂ ਸਕਾਰਾਤਮਕ ਖੇਡਣ ਦਾ ਫੈਸਲਾ ਕੀਤਾ। ਪਰ ਅਸੀਂ ਸ਼੍ਰੇਅਸ ਨੂੰ ਸੱਟ ਕਾਰਨ ਗੁਆ ਦਿੱਤਾ ਅਤੇ ਬੱਲੇਬਾਜ਼ ਘੱਟ ਰਹੇ। ਇਸ ਲਈ, ਅਸੀਂ ਲੰਬੇ ਸਮੇਂ ਤੱਕ ਖੇਡਣ ਦਾ ਫੈਸਲਾ ਕੀਤਾ। ਉਹ ਗੇਂਦ ਨਾਲ ਚੰਗਾ ਸੀ ਅਤੇ ਕੁਝ ਚੰਗੀ ਫੀਲਡਿੰਗ ਵੀ ਕੀਤੀ। ਸਾਨੂੰ ਥੋੜ੍ਹੀ ਬੜ੍ਹਤ ਮਿਲੀ ਅਤੇ ਅਸੀਂ ਆਪਣੇ ਆਪ ਨੂੰ ਇੱਕ ਤਰ੍ਹਾਂ ਦਾ ਮੌਕਾ ਦਿੱਤਾ।
ਸੀਰੀਜ਼ 'ਚ ਇੰਨੀਆਂ ਦੌੜਾਂ ਬਣਾਈਆਂ
ਕੋਹਲੀ ਨੇ ਇਸ ਸੀਰੀਜ਼ 'ਚ ਖੇਡੀਆਂ 6 ਪਾਰੀਆਂ 'ਚ 48.93 ਦੀ ਔਸਤ ਨਾਲ 297 ਦੌੜਾਂ ਬਣਾਈਆਂ, ਜਿਸ 'ਚ ਉਨ੍ਹਾਂ ਦਾ ਸਰਵੋਤਮ ਸਕੋਰ 186 ਰਿਹਾ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ 5 ਕੈਚ ਵੀ ਲਏ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
ਆਲ ਇੰਗਲੈਂਡ ਚੈਂਪੀਅਨਸ਼ਿਪ ਵਿੱਚ ਭਾਰਤੀ ਬੈਡਮਿੰਟਨ ਖਿਡਾਰੀਆਂ ਦੇ ਸਾਹਮਣੇ ਸਖ਼ਤ ਚੁਣੌਤੀ
NEXT STORY 
