ਮੈਲਬੌਰਨ (ਆਸਟਰੇਲੀਆ), (ਭਾਸ਼ਾ)- ਰਾਫੇਲ ਨਡਾਲ ਨੇ ਸੱਟ ਕਾਰਨ ਆਸਟ੍ਰੇਲੀਅਨ ਓਪਨ ਤੋਂ ਹਟਣ ਦਾ ਫੈਸਲਾ ਕੀਤਾ ਹੈ ਜਦਕਿ ਉਸ ਨੇ 12 ਮਹੀਨੇ ਤੱਕ ਖੇਡ ਤੋਂ ਬਾਹਰ ਰਹਿਣ ਤੋਂ ਬਾਅਦ ਆਪਣੀ ਵਾਪਸੀ ਦੌਰਾਨ ਸਿਰਫ ਇੱਕ ਟੂਰਨਾਮੈਂਟ ਖੇਡਿਆ ਹੈ। ਨਡਾਲ ਨੇ ਕਿਹਾ ਕਿ ਉਹ ਆਪਣੇ ਕਮਰ ਦੀ ਸਰਜਰੀ ਨਾਲ ਠੀਕ ਹੋਣ ਬਾਰੇ ਚਿੰਤਤ ਸੀ ਕਿਉਂਕਿ ਉਸ ਨੂੰ ਸ਼ੁੱਕਰਵਾਰ ਨੂੰ ਬ੍ਰਿਸਬੇਨ ਅੰਤਰਰਾਸ਼ਟਰੀ ਕੁਆਰਟਰ ਫਾਈਨਲ ਮੈਚ ਦੇ ਤੀਜੇ ਸੈੱਟ ਵਿੱਚ 'ਮੈਡੀਕਲ ਟਾਈਮ ਆਊਟ' ਲੈਣਾ ਪਿਆ ਜਿਸ ਵਿੱਚ ਉਹ ਜੌਰਡਨ ਥਾਮਸਨ ਤੋਂ ਹਾਰ ਗਿਆ ਸੀ।
ਇਹ ਵੀ ਪੜ੍ਹੋ : ਹੁੱਕਾ ਪੀਂਦੇ ਨਜ਼ਰ ਆਏ ਮਹਿੰਦਰ ਸਿੰਘ ਧੋਨੀ, ਸੋਸ਼ਲ ਮੀਡੀਆ 'ਤੇ ਅੱਗ ਵਾਂਗ ਫੈਲੀ ਵੀਡੀਓ
22 ਵਾਰ ਦੇ ਗ੍ਰੈਂਡ ਸਲੈਮ ਜੇਤੂ ਨੇ ਕਿਹਾ ਸੀ ਕਿ ਉਸ ਨੇ ਸ਼ੁਰੂ ਵਿੱਚ ਸੋਚਿਆ ਕਿ ਇਹ 'ਟੇਂਡਨ ਇਸ਼ੂ' ਦੀ ਬਜਾਏ ਮਾਸਪੇਸ਼ੀਆਂ ਵਿੱਚ ਖਿਚਾਅ ਹੈ। ਪਿਛਲੇ ਸਾਲ ਇਸ ਸਮੇਂ ਦੌਰਾਨ ਉਨ੍ਹਾਂ ਨੂੰ 'ਟੇਂਡਨ' ਦੀ ਸਮੱਸਿਆ ਕਾਰਨ ਕਾਫੀ ਦਰਦ ਝੱਲਣਾ ਪਿਆ ਸੀ। ਪਰ ਉਸਨੇ ਐਤਵਾਰ ਨੂੰ ਸੋਸ਼ਲ ਮੀਡੀਆ 'ਤੇ ਪੋਸਟ ਕੀਤਾ ਕਿ ਮੈਲਬੌਰਨ ਤੋਂ ਆਉਣ ਤੋਂ ਬਾਅਦ ਸਕੈਨ ਤੋਂ ਪਤਾ ਲੱਗਿਆ ਹੈ ਕਿ ਉਸਦੀ ਮਾਸਪੇਸ਼ੀ ਵਿੱਚ ਇੱਕ ਛੋਟਾ ਜਿਹਾ ਜ਼ਖ਼ਮ ਹੈ ਅਤੇ ਉਹ ਇਲਾਜ ਲਈ ਸਪੇਨ ਵਾਪਸ ਜਾ ਰਿਹਾ ਹੈ। ਉਸ ਨੇ ਕਿਹਾ, ''ਇਸ ਸਮੇਂ ਮੈਂ ਉੱਚ ਪੱਧਰ 'ਤੇ ਪੰਜ ਸੈੱਟਾਂ ਦੇ ਮੈਚਾਂ 'ਚ ਹਿੱਸਾ ਲੈਣ ਲਈ ਤਿਆਰ ਨਹੀਂ ਹਾਂ। ਆਸਟਰੇਲੀਅਨ ਓਪਨ 14 ਜਨਵਰੀ ਤੋਂ ਮੈਲਬੋਰਨ ਪਾਰਕ ਵਿੱਚ ਸ਼ੁਰੂ ਹੋਵੇਗਾ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜ਼ਖਮੀ ਰਾਸ਼ਿਦ ਖਾਨ ਦੀ ਜਗ੍ਹਾ MI ਕੇਪਟਾਊਨ ਨੂੰ ਮਿਲਿਆ ਨਵਾਂ ਕਪਤਾਨ
NEXT STORY 
