ਨਵੀਂ ਦਿੱਲੀ : ਪੰਜਾਬ ਕਿੰਗਜ਼ 'ਤੇ 50 ਦੌੜਾਂ ਦੀ ਸ਼ਾਨਦਾਰ ਜਿੱਤ ਤੋਂ ਬਾਅਦ, ਰਾਜਸਥਾਨ ਰਾਇਲਜ਼ ਦੇ ਕਪਤਾਨ ਸੰਜੂ ਸੈਮਸਨ ਫਰੈਂਚਾਇਜ਼ੀ ਦੇ ਸਭ ਤੋਂ ਸਫਲ ਕਪਤਾਨ ਬਣ ਗਏ ਹਨ। ਮੁੱਲਾਂਪੁਰ ਦੇ ਮਹਾਰਾਜਾ ਯਾਦਵਿੰਦਰ ਸਿੰਘ ਅੰਤਰਰਾਸ਼ਟਰੀ ਕ੍ਰਿਕਟ ਸਟੇਡੀਅਮ ਵਿੱਚ ਖੇਡੇ ਗਏ ਇਸ ਮੈਚ ਵਿੱਚ, ਸੈਮਸਨ ਨੇ ਕਪਤਾਨ ਵਜੋਂ ਆਪਣੀ 32ਵੀਂ ਜਿੱਤ ਦਰਜ ਕੀਤੀ, ਜਿਸ ਨਾਲ ਮਹਾਨ ਸ਼ੇਨ ਵਾਰਨ ਦੀਆਂ 31 ਜਿੱਤਾਂ ਨੂੰ ਪਛਾੜ ਦਿੱਤਾ। 2008 ਵਿੱਚ ਆਈਪੀਐਲ ਦੇ ਪਹਿਲੇ ਸੀਜ਼ਨ ਵਿੱਚ ਰਾਜਸਥਾਨ ਨੂੰ ਖਿਤਾਬ ਦਿਵਾਉਣ ਵਾਲੇ ਵਾਰਨ ਨੇ 55 ਮੈਚਾਂ ਵਿੱਚ 31 ਜਿੱਤਾਂ ਦਰਜ ਕੀਤੀਆਂ ਸਨ। ਸੈਮਸਨ ਨੇ ਹੁਣ 62 ਮੈਚਾਂ ਵਿੱਚ 32 ਜਿੱਤਾਂ ਦਰਜ ਕੀਤੀਆਂ ਹਨ, ਜਿਸ ਨਾਲ ਰਾਇਲਜ਼ ਦੇ ਸਭ ਤੋਂ ਸਫਲ ਕਪਤਾਨ ਵਜੋਂ ਆਪਣੀ ਵਿਰਾਸਤ ਨੂੰ ਮਜ਼ਬੂਤ ਕੀਤਾ ਹੈ।
ਰਾਜਸਥਾਨ ਰਾਇਲਜ਼ ਦੇ ਕਪਤਾਨ ਵਜੋਂ ਆਈਪੀਐਲ ਵਿੱਚ ਸਭ ਤੋਂ ਵੱਧ ਜਿੱਤਾਂ
32 - ਸੰਜੂ ਸੈਮਸਨ (62 ਮੈਚ)
31 - ਸ਼ੇਨ ਵਾਰਨ (55 ਮੈਚ)
18 - ਰਾਹੁਲ ਦ੍ਰਾਵਿੜ (34 ਮੈਚ)
15 - ਸਟੀਵਨ ਸਮਿਥ (27 ਮੈਚ)
9. ਅਜਿੰਕਿਆ ਰਹਾਣੇ (24 ਮੈਚ)
IPL ਕਪਤਾਨ ਵਜੋਂ ਸਭ ਤੋਂ ਵੱਧ ਲਗਾਤਾਰ ਜਿੱਤਾਂ
10. ਗੌਤਮ ਗੰਭੀਰ (2014-15)
8. ਸ਼ੇਨ ਵਾਰਨ (2008)
8 - ਸ਼੍ਰੇਅਸ ਅਈਅਰ (2024-25)
7 - ਐਮਐਸ ਧੋਨੀ (2013)
ਮੈਚ ਦੀ ਗੱਲ ਕਰੀਏ ਤਾਂ ਘਰੇਲੂ ਮੈਦਾਨ 'ਤੇ ਆਪਣਾ ਪਹਿਲਾ ਮੈਚ ਖੇਡਣ ਵਾਲੀ ਪੰਜਾਬ ਕਿੰਗਜ਼ ਨੂੰ ਰਾਜਸਥਾਨ ਰਾਇਲਜ਼ ਤੋਂ ਸ਼ਰਮਨਾਕ ਹਾਰ (50 ਦੌੜਾਂ) ਦਾ ਸਾਹਮਣਾ ਕਰਨਾ ਪਿਆ। ਮੁੱਲਾਂਪੁਰ ਸਟੇਡੀਅਮ ਵਿੱਚ ਪੰਜਾਬ ਕਿੰਗਜ਼ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ, ਰਾਜਸਥਾਨ ਨੇ ਜਾਇਸਵਾਲ ਦੇ ਅਰਧ ਸੈਂਕੜੇ ਅਤੇ ਰਿਆਨ ਪਰਾਗ ਦੇ ਮਹੱਤਵਪੂਰਨ ਦੌੜਾਂ ਦੀ ਬਦੌਲਤ 4 ਵਿਕਟਾਂ 'ਤੇ 205 ਦੌੜਾਂ ਬਣਾਈਆਂ। ਜਵਾਬ ਵਿੱਚ ਪੰਜਾਬ ਨੇ ਸਿਰਫ਼ 43 ਦੌੜਾਂ 'ਤੇ 4 ਵਿਕਟਾਂ ਗੁਆ ਦਿੱਤੀਆਂ। ਨੇਹਲ ਵਡੇਹਰਾ ਅਤੇ ਮੈਕਸਵੈੱਲ ਨੇ ਕੁਝ ਦੌੜਾਂ ਜੋੜੀਆਂ ਪਰ ਇਹ ਜਿੱਤ (155-9) ਲਈ ਕਾਫ਼ੀ ਨਹੀਂ ਸਨ। ਇਹ ਸੀਜ਼ਨ ਵਿੱਚ ਪੰਜਾਬ ਦੀ ਪਹਿਲੀ ਹਾਰ ਵੀ ਹੈ। ਇਸ ਤੋਂ ਪਹਿਲਾਂ ਖੇਡੇ ਗਏ ਦੋ ਮੈਚਾਂ ਵਿੱਚ, ਉਨ੍ਹਾਂ ਨੇ ਗੁਜਰਾਤ ਟਾਈਟਨਸ ਨੂੰ 11 ਦੌੜਾਂ ਨਾਲ ਅਤੇ ਲਖਨਊ ਸੁਪਰ ਜਾਇੰਟਸ ਨੂੰ 8 ਵਿਕਟਾਂ ਨਾਲ ਹਰਾਇਆ। ਇਹ ਰਾਜਸਥਾਨ ਦੀ ਚਾਰ ਮੈਚਾਂ ਵਿੱਚ ਦੂਜੀ ਜਿੱਤ ਹੈ। ਉਹ ਹੈਦਰਾਬਾਦ ਅਤੇ ਕੋਲਕਾਤਾ ਤੋਂ ਪਹਿਲੇ ਦੋ ਮੈਚ ਹਾਰ ਗਏ ਸਨ।
ਰਾਜਸਥਾਨ ਰਾਇਲਜ਼ ਕੋਲ ਸ਼ਾਨਦਾਰ ਓਪਨਿੰਗ ਜੋੜੀ ਹੈ : ਮਾਈਕਲ ਕਲਾਰਕ
NEXT STORY 
