ਦੁਬਈ: ਭਾਰਤ ਦੇ ਸਟਾਰ ਬੱਲੇਬਾਜ਼ ਸੂਰਿਆਕੁਮਾਰ ਯਾਦਵ ਨੂੰ ਬੁੱਧਵਾਰ ਨੂੰ ਆਈਸੀਸੀ ਪੁਰਸ਼ਾਂ ਦੇ 'ਟੀ-20 ਕ੍ਰਿਕਟਰ ਆਫ ਦਿ ਈਅਰ' ਲਈ ਚਾਰ ਨਾਮਜ਼ਦਗੀਆਂ ਵਿੱਚ ਸ਼ਾਮਲ ਕੀਤਾ ਗਿਆ। ਭਾਰਤ ਦੇ ਇਸ 33 ਸਾਲਾ ਖਿਡਾਰੀ ਨੇ 2022 ਵਿੱਚ ਇਹ ਐਵਾਰਡ ਜਿੱਤਿਆ ਸੀ। ਸਾਲ 2023 ਵਿੱਚ, ਸੂਰਿਆਕੁਮਾਰ ਨੇ ਦਬਦਬਾ ਬਣਾਉਂਦੇ ਹੋਏ 17 ਪਾਰੀਆਂ ਵਿੱਚ 48.86 ਦੀ ਔਸਤ ਅਤੇ 155.95 ਦੀ ਸਟ੍ਰਾਈਕ ਰੇਟ ਨਾਲ 733 ਦੌੜਾਂ ਬਣਾਈਆਂ ਹਨ। ਸੂਰਿਆਕੁਮਾਰ ਨੇ 2023 ਦੀ ਸ਼ੁਰੂਆਤ ਸ਼੍ਰੀਲੰਕਾ ਖਿਲਾਫ ਸਿਰਫ ਸੱਤ ਦੌੜਾਂ ਨਾਲ ਕੀਤੀ ਸੀ ਪਰ ਇਸ ਤੋਂ ਬਾਅਦ ਅਗਲੇ ਦੋ ਮੈਚਾਂ 'ਚ ਉਨ੍ਹਾਂ ਨੇ 51 (36 ਗੇਂਦਾਂ) ਅਤੇ ਨਾਬਾਦ 112 ਦੌੜਾਂ (51 ਗੇਂਦਾਂ) ਦੀ ਪਾਰੀ ਖੇਡੀ। ਸੂਰਿਆਕੁਮਾਰ ਦੀ 51 ਗੇਂਦਾਂ ਵਿੱਚ 112 ਦੌੜਾਂ ਦੀ ਅਜੇਤੂ ਪਾਰੀ ਵਿੱਚ ਨੌਂ ਛੱਕੇ ਅਤੇ ਸੱਤ ਚੌਕੇ ਸ਼ਾਮਲ ਸਨ ਅਤੇ ਉਨ੍ਹਾਂ ਨੇ ਲਗਭਗ ਹਰ ਤਿੰਨ ਗੇਂਦਾਂ ਵਿੱਚ ਇੱਕ ਚੌਕਾ ਲਗਾਇਆ। ਇਸ ਨਾਲ ਉਹ ਰੋਹਿਤ ਸ਼ਰਮਾ ਤੋਂ ਬਾਅਦ ਪੁਰਸ਼ਾਂ ਦੇ ਟੀ-20 ਮੈਚਾਂ ਵਿੱਚ ਭਾਰਤ ਲਈ ਦੂਜੇ ਸਭ ਤੋਂ ਤੇਜ਼ ਸੈਂਕੜਾ ਬਣਾਉਣ ਵਾਲੇ ਖਿਡਾਰੀ ਬਣ ਗਏ।
ਇਹ ਵੀ ਪੜ੍ਹੋ- ਰੋਹਿਤ ਨੇ ਕੀਤਾ ਗਿੱਲ ਦਾ ਸਮਰਥਨ, ਕਿਹਾ- ਉਹ ਨੰਬਰ 3 'ਤੇ ਭਾਰਤ ਲਈ ਚੰਗਾ ਪ੍ਰਦਰਸ਼ਨ ਕਰ ਸਕਦੇ ਹਨ
ਰੋਹਿਤ ਨੇ 2017 'ਚ ਇਸੇ ਵਿਰੋਧੀ ਖਿਲਾਫ 35 ਗੇਂਦਾਂ 'ਚ ਇਹ ਉਪਲੱਬਧੀ ਹਾਸਲ ਕੀਤੀ ਸੀ। ਫਿਰ ਉਹ ਲਗਾਤਾਰ 20 ਤੋਂ 40 ਦੌੜਾਂ ਬਣਾਉਂਦੇ ਰਹੇ, ਜਿਸ ਤੋਂ ਬਾਅਦ ਪ੍ਰੋਵਿਡੈਂਸ 'ਚ ਵੈਸਟਇੰਡੀਜ਼ ਖਿਲਾਫ 44 ਗੇਂਦਾਂ 'ਚ 83 ਦੌੜਾਂ ਦੀ ਪਾਰੀ ਨੇ ਉਨ੍ਹਾਂ ਦੀ 'ਕਲਾਸ' ਸਾਬਤ ਕਰ ਦਿੱਤੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਫਲੋਰਿਡਾ ਵਿੱਚ ਵੈਸਟਇੰਡੀਜ਼ ਖ਼ਿਲਾਫ਼ 45 ਗੇਂਦਾਂ ਵਿੱਚ 61 ਦੌੜਾਂ ਬਣਾ ਕੇ ਲੜੀ ਖ਼ਤਮ ਕੀਤੀ। ਕਪਤਾਨੀ ਦੇ ਬੋਝ ਦੇ ਬਾਵਜੂਦ ਸੂਰਿਆਕੁਮਾਰ ਦੇ ਬੱਲੇ ਤੋਂ ਦੌੜਾਂ ਨਿਕਲਦੀਆਂ ਰਹੀਆਂ। ਉਨ੍ਹਾਂ ਨੇ ਸਾਲ ਦੇ ਅੰਤ ਵਿੱਚ ਭਾਰਤੀ ਨੌਜਵਾਨ ਟੀਮ ਦੀ ਕਮਾਨ ਸੰਭਾਲੀ ਸੀ।
ਇਹ ਵੀ ਪੜ੍ਹੋ- ਓਸਾਕਾ ਬ੍ਰਿਸਬੇਨ ਇੰਟਰਨੈਸ਼ਨਲ ਦੇ ਦੂਜੇ ਦੌਰ 'ਚ ਹਾਰੀ
ਉਨ੍ਹਾਂ ਨੇ ਜੋਹਾਨਸਬਰਗ ਵਿੱਚ ਸਾਲ ਦੇ ਆਖਰੀ ਟੀ-20 ਵਿੱਚ ਆਸਟ੍ਰੇਲੀਆ ਖ਼ਿਲਾਫ਼ 42 ਗੇਂਦਾਂ ਵਿੱਚ 80 ਦੌੜਾਂ, ਦੱਖਣੀ ਅਫ਼ਰੀਕਾ ਖ਼ਿਲਾਫ਼ 36 ਗੇਂਦਾਂ ਵਿੱਚ 56 ਦੌੜਾਂ ਅਤੇ ਫਿਰ ਦੱਖਣੀ ਅਫ਼ਰੀਕਾ ਖ਼ਿਲਾਫ਼ ਸਿਰਫ਼ 56 ਗੇਂਦਾਂ ਵਿੱਚ 100 ਦੌੜਾਂ ਬਣਾਈਆਂ ਸਨ। ਇਸ ਪੁਰਸਕਾਰ ਲਈ ਨਾਮਜ਼ਦ ਕੀਤੇ ਗਏ ਤਿੰਨ ਹੋਰ ਖਿਡਾਰੀਆਂ ਵਿੱਚ ਜ਼ਿੰਬਾਬਵੇ ਦਾ ਸਿਕੰਦਰ ਰਜ਼ਾ (11 ਪਾਰੀਆਂ ਵਿੱਚ 515 ਦੌੜਾਂ, 17 ਵਿਕਟਾਂ), ਯੁਗਾਂਡਾ ਦਾ ਅਲਪੇਸ਼ ਰਾਮਜਾਨੀ (55 ਵਿਕਟਾਂ) ਅਤੇ ਨਿਊਜ਼ੀਲੈਂਡ ਦਾ ਮਾਰਕ ਚੈਪਮੈਨ (17 ਪਾਰੀਆਂ ਵਿੱਚ 556 ਦੌੜਾਂ) ਸ਼ਾਮਲ ਹਨ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਵਾਡਾ ਨੇ ਸਪੇਨ ਦੀ ਡੋਪਿੰਗ ਰੋਕੂ ਏਜੰਸੀ ਦੀ ਜਾਂਚ ਕੀਤੀ ਸ਼ੁਰੂ
NEXT STORY 
