ਗੁਹਾਟੀ- ਭਾਰਤੀ ਮਹਿਲਾ ਡਬਲਜ਼ ਜੋੜੀ ਤਨੀਸ਼ਾ ਕ੍ਰਾਸਟੋ ਅਤੇ ਅਸ਼ਵਨੀ ਪੋਨੱਪਾ ਨੇ ਐਤਵਾਰ ਨੂੰ ਫਾਈਨਲ 'ਚ ਚੀਨ ਦੀ ਲੀ ਹੂਆ ਝੂ ਅਤੇ ਵਾਂਗ ਜੀ ਮੇਂਗ 'ਤੇ ਸਿੱਧੇ ਗੇਮ 'ਚ ਜਿੱਤ ਦਰਜ ਕਰਕੇ ਗੁਹਾਟੀ ਮਾਸਟਰਸ ਸੁਪਰ 100 ਬੈਡਮਿੰਟਨ ਟੂਰਨਾਮੈਂਟ ਵਿੱਚ ਆਪਣਾ ਖਿਤਾਬ ਬਰਕਰਾਰ ਰੱਖਿਆ। ਪੈਰਿਸ ਓਲੰਪਿਕ 'ਚ ਵੀ ਹਿੱਸਾ ਲੈਣ ਵਾਲੀ ਚੋਟੀ ਦਾ ਦਰਜਾ ਪ੍ਰਾਪਤ ਜੋੜੀ ਨੇ 43 ਮਿੰਟ ਤੱਕ ਚੱਲੇ ਫਾਈਨਲ ਮੁਕਾਬਲੇ 'ਚ ਲੀ ਅਤੇ ਵਾਂਗ ਦੀ ਜੋੜੀ ਨੂੰ 21-18, 21-12 ਨਾਲ ਹਰਾ ਕੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ।
ਵਿਸ਼ਵ ਦੀ 16ਵੇਂ ਨੰਬਰ ਦੀ ਜੋੜੀ ਤਨੀਸ਼ਾ ਅਤੇ ਅਸ਼ਵਿਨੀ ਨੇ ਧਮਾਕੇਦਾਰ ਸ਼ੁਰੂਆਤ ਕੀਤੀ ਅਤੇ 8-2 ਦੀ ਬੜ੍ਹਤ ਬਣਾ ਲਈ। ਹਾਲਾਂਕਿ ਚੀਨੀ ਜੋੜੀ ਨੇ ਖੇਡ ਦੇ ਵਿਚਕਾਰਲੇ ਅੰਤਰਾਲ ਤੱਕ ਅੰਤਰ ਨੂੰ 10-11 ਕਰ ਦਿੱਤਾ ਅਤੇ ਦਬਾਅ ਬਰਕਰਾਰ ਰੱਖਿਆ। ਇਹ ਜੋੜੀ 18-19 ਤੱਕ ਪਿੱਛੇ ਰਹੀ। ਇਸ ਤੋਂ ਬਾਅਦ ਭਾਰਤੀ ਜੋੜੀ ਨੇ ਆਖਰੀ ਦੋ ਅੰਕ ਜਿੱਤ ਕੇ ਪਹਿਲੀ ਗੇਮ ਜਿੱਤ ਲਈ। ਦੂਸਰੀ ਗੇਮ ਦੀ ਸ਼ੁਰੂਆਤ ਮੁਕਾਬਲੇ ਵਾਲੀ ਰਹੀ। ਪਰ ਭਾਰਤੀਆਂ ਨੇ ਸੱਤ ਅੰਕਾਂ ਦੀ ਲੀਡ ਦੇ ਨਾਲ 15-6 ਦੀ ਬੜ੍ਹਤ ਬਣਾ ਲਈ। ਉਨ੍ਹਾਂ ਨੇ ਗਤੀ ਬਣਾਈ ਰੱਖੀ ਅਤੇ ਖਿਤਾਬ ਬਰਕਰਾਰ ਰੱਖਿਆ।
ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਨੇ ਚੈਂਪੀਅਨਜ਼ ਟਰਾਫੀ 'ਤੇ ਪੀਸੀਬੀ ਨੂੰ ਪੂਰਾ ਸਮਰਥਨ ਦੇਣ ਦਾ ਦਿੱਤਾ ਭਰੋਸਾ : ਸੂਤਰ
NEXT STORY 
