ਸਪੋਰਟਸ ਡੈਸਕ- ਆਈਸੀਸੀ ਚੈਂਪੀਅਨਜ਼ ਟਰਾਫੀ ਦੀ ਸ਼ੁਰੂਆਤ 19 ਫਰਵਰੀ ਤੋਂ ਹੋ ਰਹੀ ਹੈ। ਚੈਂਪੀਅਨਜ਼ ਟਰਾਫੀ ਇਸ ਵਾਰ 'ਹਾਈਬ੍ਰਿਡ ਮਾਡਲ' ਤਹਿਤ ਖੇਡੀ ਜਾਵੇਗੀ। ਇਸ ਦੇ ਮੁਕਾਬਲੇ ਪਾਕਿਸਤਾਨ ਦੇ ਤਿੰਨ ਸ਼ਹਿਰਾਂ (ਰਾਵਲਪਿੰਡੀ, ਲਾਹੌਰ, ਕਰਾਚੀ) ਤੇ ਦੁਬਈ 'ਚ ਆਯੋਜਿਤ ਹੋਣਗੇ।
ਇਹ ਵੀ ਪੜ੍ਹੋ : ਹੱਦ ਹੋ ਗਈ! ਭਾਰਤੀ ਕ੍ਰਿਕਟਰ ਤੇ ਸਿੰਗਰ ਦੇ ਅਫ਼ੇਅਰ ਦੀ ਉੱਡੀ ਅਫ਼ਵਾਹ, ਅਸਲ 'ਚ ਨਿਕਲੇ 'ਭੈਣ-ਭਰਾ'
ਚੈਂਪੀਅਨਜ਼ ਟਰਾਫੀ ਲਈ ਭਾਰਤੀ ਟੀਮ ਦਾ ਐਲਾਨ 18 ਜਨਵਰੀ ਨੂੰ ਹੋਇਆ ਸੀ। ਟੀਮ 'ਚ ਮੁਹੰਮਦ ਸਿਰਾਜ ਨੂੰ ਸ਼ਾਮਲ ਨਹੀਂ ਕੀਤਾ ਗਿਆ, ਜੋ ਕਾਫੀ ਹੈਰਾਨੀਜਨਕ ਸੀ। ਹਾਲਾਂਕਿ ਹੁਣ ਸੱਜੇ ਹੱਥ ਦੇ ਫਾਸਟ ਬਾਲਰ ਮੁਹੰਮਦ ਸਿਰਾਜ ਦੀ ਚੈਂਪੀਅਨਜ਼ ਟਰਾਫੀ ਲਈ 'ਵਾਈਲਡਕਾਰਡ' ਐਂਟਰੀ ਹੋ ਸਕਦੀ ਹੈ। ਜਿਸ ਦਾ ਕਾਰਨ ਫਾਸਟ ਬਾਲਰ ਜਸਪ੍ਰੀਤ ਬੁਮਰਾਹ ਹੈ, ਜਿਸ ਦਾ ਚੈਂਪੀਅਨਜ਼ ਟਰਾਫੀ 'ਚ ਖੇਡਣਾ ਤੈਅ ਨਹੀਂ ਹੈ।
ਇਹ ਵੀ ਪੜ੍ਹੋ : Cricket ਦਾ ਨਵਾਂ ਨਿਯਮ- 6 ਗੇਂਦਾਂ ਖਾਲੀ ਗਈਆਂ ਤਾਂ ਬੱਲੇਬਾਜ਼ OUT!
ਬੁਮਰਾਹ ਨੂੰ ਲੈ ਕੇ ਚੀਫ ਸਿਲੈਕਟਰ ਅਜੀਤ ਅਗਰਕਰ ਨੇ ਕਿਹਾ ਸੀ ਕਿ ਉਸ 'ਤੇ ਫੈਸਲਾ ਆਉਣ ਵਾਲੇ ਸਮੇਂ 'ਚ ਲਿਆ ਜਾਵੇਗਾ। ਇਕ ਰਿਪੋਰਟ ਮੁਤਾਬਕ ਜੇਕਰ ਬੁਮਰਾਹ ਟੂਰਨਾਮੈਂਟ ਲਈ 100 ਫੀਸਦੀ ਫਿਟ ਨਹੀਂ ਹੁੰਦਾ ਤਾਂ ਸਿਰਾਜ ਦੀ ਐਂਟਰੀ ਹੋ ਸਕਦੀ ਹੈ। ਬੀਸੀਸੀਆਈ ਇਸ ਲਈ ਬੈਕਅਪ ਪਲਾਨ ਤਿਆਰ ਕਰ ਰਿਹਾ ਹੈ। ਰਿਪੋਰਟ ਮੁਤਾਬਕ ਬੀਸੀਸੀਆਈ ਦੇ ਸੂਤਰ ਨੇ ਦੱਸਿਆ, 'ਫਿਟਨੈੱਸ ਰਿਪੋਰਟ ਆਉਣ ਤੋਂ ਬਾਅਦ ਹੀ ਪਤਾ ਲੱਗੇਗਾ ਕਿ ਬੁਮਰਾਹ ਮੈਦਾਨ 'ਤੇ ਉਤਰ ਸਕੇਗਾ ਜਾਂ ਨਹੀਂ। ਚੋਣਕਰਤਾਵਾਂ ਨੂੰ ਉਸ ਲਈ ਬੈਕਅਪ ਪਲਾਨ ਤਿਆਰ ਰੱਖਣਾ ਹੋਵੇਗਾ। ਜੇਕਰ ਬੁਮਰਾਹ ਮੈਦਾਨ 'ਤੇ ਉਤਰਦਾ ਹੈ ਤਾਂ ਇਹ ਚਮਤਕਾਰ ਹੋਵੇਗਾ। ਬੁਮਰਾਹ ਨਿਊਜ਼ੀਲੈਂਡ ਦੇ ਡਾਕਟਰ ਰੋਵਨ ਸਕੋਟਨ ਤੋਂ ਫੀਡਬੈਕ ਦਾ ਇੰਤਜ਼ਾਰ ਕਰ ਰਿਹਾ ਹੈ, ਜੋ ਚੈਂਪੀਅਨਜ਼ ਟਰਾਫੀ 'ਚ ਉਸ ਦੀ ਹਿੱਸੇਦਾਰੀ 'ਤੇ ਫੈਸਲਾ ਕਰੇਗਾ।
ਇਹ ਵੀ ਪੜ੍ਹੋ : ਕ੍ਰਿਕਟਰ ਪੁੱਤ ਦੇ ਕਰੋੜਾਂ ਰੁਪਏ ਦੇ ਬੰਗਲੇ 'ਚ ਨਹੀਂ ਰਹਿਣਾ ਚਾਹੁੰਦੇ ਮਾਪੇ! ਆਪ ਦੱਸੀ ਵਜ੍ਹਾ
ਚੈਂਪੀਅਨਜ਼ ਟਰਾਫੀ ਲਈ ਟੀਮ 'ਚ 12 ਫਰਵਰੀ ਤਕ ਬਦਲਾਅ ਕੀਤੇ ਜਾ ਸਕਦੇ ਹਨ। ਅਜਿਹੇ 'ਚ ਬੁਮਰਾਹ ਜੇਕਰ ਫਿਟ ਨਹੀਂ ਹੁੰਦਾ ਤਾਂ ਤਜਰਬੇ ਨੂੰ ਦੇਖਦੇ ਹੋਏ ਸਿਰਾਜ ਦੀ ਐਂਟਰੀ ਸੰਭਵ ਹੈ। ਮੁਹੰਮਦ ਸਿਰਾਜ ਨੇ ਸਾਲ 2023 ਤੋਂ ਹੁਣ ਤਕ 28 ਵਨਡੇ ਮੈਚਾਂ 'ਚ 47 ਵਿਕਟਾਂ ਲਈਆਂ ਹਨ। ਇਨ੍ਹਾਂ 'ਚੋਂ 14 ਵਿਕਟਾਂ ਤਾਂ ਉਸ ਨੇ 2023 ਦੇ ਵਨਡੇ ਵਿਸ਼ਵ ਕੱਪ 'ਚ ਲਈਆਂ। ਦੇਖਿਆ ਜਾਵੇ ਤਾਂ ਸਾਲ 2022 ਤੋਂ ਹੁਣ ਤਕ ਕਿਸੇ ਵੀ ਤੇਜ਼ ਗੇਂਦਬਾਜ਼ ਨੇ ਵਨਡੇ 'ਚ ਸਿਰਾਜ (71) ਤੋਂ ਵੱਧ ਵਿਕਟਾਂ ਨਹੀਂ ਲਈਆਂ ਹਨ।
ਇਹ ਵੀ ਪੜ੍ਹੋ : ਕਮਾਲ ਹੋ ਗਈ! 5 Player ਜ਼ੀਰੋ 'ਤੇ OUT, INDIA ਨੇ 4.2 ਓਵਰਾਂ 'ਚ ਜਿੱਤਿਆ ਮੁਕਾਬਲਾ
ਚੈਂਪੀਅਨਜ਼ ਟਰਾਫੀ ਲਈ ਭਾਰਤੀ ਟੀਮ
ਰੋਹਿਤ ਸ਼ਰਮਾ (ਕਪਤਾਨ), ਸ਼ੁਭਮਨ ਗਿੱਲ (ਉਪ ਕਪਤਾਨ), ਵਿਰਾਟ ਕੋਹਲੀ, ਸ਼੍ਰੇਅਸ ਅਈਅਰ, ਕੇਐੱਲ ਰਾਹੁਲ, ਰਿਸ਼ਭ ਪੰਤ, ਹਾਰਦਿਕ ਪੰਡਯਾ, ਯਸ਼ਸਵੀ ਜਾਇਸਵਾਲ, ਰਵਿੰਦਰ ਜਡੇਜਾ, ਅਕਸ਼ਰ ਪਟੇਲ, ਕੁਲਦੀਪ ਯਾਦਵ, ਜਸਪ੍ਰੀਤ ਬੁਮਰਾਹ, ਮੁਹੰਮਦ ਸ਼ੰਮੀ, ਅਰਸ਼ਦੀਪ ਸਿੰਘ, ਵਾਸ਼ਿੰਗਟਨ ਸੁੰਦਰ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਕ੍ਰਿਕਟ ਛੱਡ ਹੀਰੋ ਬਣਿਆ ਇਹ ਕਲਾਕਾਰ, ਗੰਦੀ ਆਦਤ ਨੇ ਖੁਸ਼ਹਾਲ ਪਰਿਵਾਰ ਕੀਤਾ ਬਰਬਾਦ
NEXT STORY 
