ਸਪੋਰਟਸ ਡੈਸਕ— ਜਰਮਨੀ ਦੀ ਅਲਾਇਕਾ ਸ਼ਿਮਟ ਨੂੰ ਟੋਕੀਓ ਓਲੰਪਿਕ 2020 ਦੀ ਸਭ ਤੋਂ ਸੁੰਦਰ ਐਥਲੀਟ ਮੰਨਿਆ ਜਾ ਰਿਹਾ ਹੈ। 21 ਸਾਲ ਦੀ ਇਹ ਐਥਲੀਟ ਅਗਲੇ ਸਾਲ ਹੋਣ ਵਾਲੀਆਂ ਓਲੰਪਿਕ ਖੇਡਾਂ ਦੀ 4 ਗੁਣਾ 400 ਰਿਲੇਅ ਰੇਸ 'ਚ ਹਿੱਸਾ ਲੈਂਦੀ ਨਜ਼ਰ ਆਵੇਗੀ। ਆਸਟਰੇਲੀਆਈ ਮੈਗਜ਼ੀਨ ਉਸ ਨੂੰ 'ਸੈਕਸੀਏਟ ਐਥਲੀਟ ਇਨ ਦਿ ਵਰਲਡ' ਦਾ ਖਿਤਾਬ ਵੀ ਦੇ ਚੁੱਕੀ ਹੈ। ਉਸ ਨੂੰ ਜਰਮਨੀ 'ਚ ਰਨਿੰਗ ਦਾ ਭਵਿੱਖ ਮੰਨਿਆ ਜਾਂਦਾ ਹੈ। ਉਹ ਸਭ ਤੋਂ ਪਹਿਲਾਂ ਉਦੋਂ ਚਰਚਾ ਵਿਚ ਆਈ ਸੀ, ਜਦੋਂ ਉਸ ਨੇ ਅੰਡਰ-20 ਚੈਂਪੀਅਨਸ਼ਿਪ ਦੀ 4 ਗੁਣਾ 400 ਰਿਲੇਅ 'ਚ ਚਾਂਦੀ ਤਮਗਾ ਜਿੱਤਿਆ। ਇਸ ਤੋਂ ਬਾਅਦ ਅੰਡਰ-23 ਯੂਰਪੀਅਨ ਚੈਂਪੀਅਨਸ਼ਿਪ 'ਚ ਵੀ ਉਹ ਕਾਂਸੀ ਤਮਗਾ ਜਿੱਤੀ।
ਸੈਕਸੀਏਟ ਐਥਲੀਟ ਅਖਵਾਉਣ 'ਤੇ ਅਲਾਇਕਾ ਖੁਸ਼ ਨਹੀਂ ਹੈ। ਉਸ ਦਾ ਕਹਿਣਾ ਹੈ ਕਿ ਉਹ ਖੁਦ ਨੂੰ ਕਦੇ ਮਾਡਲ ਦੇ ਰੂਪ 'ਚ ਨਹੀਂ ਦੇਖਦੀ। ਉਹ ਜਿਹੋ ਜਿਹੀ ਜ਼ਿੰਦਗੀ ਜਿਊਂਦੀ ਹੈ, ਉਸਦੀਆਂ ਫੋਟੋਆਂ ਸ਼ੇਅਰ ਕਰਦੀ ਰਹਿੰਦੀ ਹੈ। ਉਹ ਚਾਹੁੰਦੀ ਹੈ ਲੋਕ ਉਸ ਨੂੰ ਖਿਡਾਰੀ ਦੇ ਤੌਰ 'ਤੇ ਯਾਦ ਰੱਖਣ। ਦੱਸਿਆ ਜਾਂਦਾ ਹੈ ਕਿ ਅਲਾਇਕਾ ਨੂੰ ਵਪਾਰਕ ਪੱਤ੍ਰਿਕਾ 'ਪਲੇਅ ਬੁਆਏ' ਨੇ ਵੀ ਫੋਟੋਸ਼ੂਟ ਦਾ ਆਫਰ ਦਿੱਤਾ ਸੀ ਪਰ ਉਸ ਨੇ ਇਸ ਨੂੰ ਇਹ ਕਹਿ ਕੇ ਰੱਦ ਕਰ ਦਿੱਤਾ ਸੀ ਕਿ ਉਹ ਖੇਡ ਤੋਂ ਉਪਰ ਕਿਸੇ ਹੋਰ ਕਾਰੋਬਾਰ ਨੂੰ ਨਹੀਂ ਰੱਖ ਸਕਦੀ। ਅਲਾਇਕਾ 21 ਸਾਲ ਦੀ ਉਮਰ 'ਚ ਹੀ ਕਈ ਨਾਮੀ ਬ੍ਰਾਂਡਜ਼ ਤੋਂ ਸਪਾਂਸਰਸ਼ਿਪ ਹਾਸਲ ਕਰ ਚੁੱਕੀ ਹੈ। ਬੀਤੇ ਦਿਨੀਂ ਹੀ ਉਸ ਨੂੰ ਇਕ ਵੱਡੀ ਸਪਾਂਸਰਸ਼ਿਪ ਮਿਲੀ ਸੀ, ਜਿਸ ਦਾ ਬ੍ਰਾਂਡ ਅੰਬੈਸਡਰ ਧਾਕੜ ਦੌੜਾਕ ਓਸੈਨ ਬੋਲਟ ਹੈ।
ਜ਼ਿਕਰਯੋਗ ਹੈ ਕਿ ਅਲਾਇਕਾ ਸੋਸ਼ਲ ਮੀਡੀਆ 'ਤੇ ਵੀ ਕਾਫੀ ਐਕਟਿਵ ਰਹਿੰਦੀ ਹੈ। ਉਸ ਦਾ ਇੰਸਟਾਗ੍ਰਾਮ ਅਕਾਊਂਟ ਗਲੈਮਰਸ ਫੋਟੋਆਂ ਨਾਲ ਭਰਿਆ ਹੋਇਆ ਹੈ। ਉਹ ਆਪਣੇ ਤਕਰੀਬਨ ਸਵਾ 6 ਲੱਖ ਫਾਲੋਅਰਸ ਲਈ ਪ੍ਰੈਕਟਿਸ, ਜਿਮ, ਫੂਡ ਆਦਿ ਦੀਆਂ ਫੋਟੋਆਂ ਪੋਸਟ ਕਰਦੀ ਰਹਿੰਦੀ ਹੈ।
ਰਾਮ ਅਤੇ ਸੇਲਿਸਬਰੀ ਨੂੰ ਆਸਟਰੇਲੀਅਨ ਓਪਨ ਦਾ ਡਬਲਜ਼ ਖਿਤਾਬ
NEXT STORY 
