ਲੰਡਨ : ਇੰਗਲੈਂਡ ਵੱਲੋਂ ਰਿਕਾਰਡ ਗੋਲ ਕਰਨ ਵਾਲੇ ਵਾਇਨੇ ਰੂਨੀ ਵੀਰਵਾਰ ਨੂੰ ਇੰਗਲਿਸ਼ ਫੁੱਟਬਾਲ ਦੀ ਦੂਜੀ ਸ਼੍ਰੇਣੀ ਦੀ ਟੀਮ ਡਰਬੀ ਵੱਲੋਂ ਡੈਬਿਊ ਕਰਨਗੇ। ਇਹ ਮੈਚ ਬਰਨਸਲੇ ਖਿਲਾਫ ਖੇਡਿਆ ਜਾਵੇਗਾ। ਰੂਨੀ ਅਜੇ 34 ਸਾਲ ਦੇ ਹਨ ਅਤੇ ਉਹ ਡਰਬੀ ਤੋਂ ਖਿਡਾਰੀ ਅਤੇ ਕੋਚ ਦੇ ਰੂਪ 'ਚ ਜੁੜੇ ਹਨ।
ਉਹ ਐੱਮ. ਐੱਲ. ਐੱਸ. ਟੀਮ ਡੀ. ਸੀ. ਯੂਨਾਈਟਿਡ ਤੋਂ ਡਰਬੀ ਨਾਲ ਜੁੜੇ ਸਨ ਪਰ ਜਨਵਰੀ ਤਕ ਉਹ ਆਪਣੀ ਨਵੀਂ ਟੀਮ ਵੱਲੋਂ ਨਹੀਂ ਖੇਡ ਸਕਦੇ ਸੀ। ਡਰਬੀ ਦੇ ਮੈਨੇਜਰ ਫਿਲਿਪ ਕੋਕੂ ਨੇ ਕਿਹਾ, ''ਜੇਕਰ ਉਸ ਦੇ ਵਰਗਾ ਤਜ਼ਰਬੇਕਾਰ ਖਿਡਾਰੀ ਹਾਜ਼ਰ ਹੋਵੇ ਤਾਂ ਤੁਹਾਡੇ ਲਈ ਇਹ ਖੁਸ਼ੀ ਦੀ ਗੱਲ ਹੈ ਅਤੇ ਅਸੀਂ ਖੁਸ਼ ਹਾਂ ਕਿ ਉਹ ਇੱਥੇ ਹੈ। ਡਰਬੀ ਨੇ ਸੋਮਵਾਰ ਨੂੰ ਆਪਣੇ ਘਰੇਲੂ ਮੈਦਾਨ 'ਤੇ ਚਾਰਲਟਨ ਨੂੰ 2-1 ਨਾਲ ਹਰਾਇਆ, ਜਿਸ ਨਾਲ ਉਸ ਦੀ ਟੀਮ ਚੈਂਪੀਅਨਸ਼ਿਪ ਵਿਚ 17ਵੇਂ ਸਥਾਨ 'ਤੇ ਪਹੁੰਚ ਗਈ ਹੈ।
ਬ੍ਰਿਸਬੇਨ 'ਚ ਵਾਪਸੀ ਕਰੇਗੀ ਮਹਿਲਾ ਟੈਨਿਸ ਖਿਡਾਰੀ ਮਾਰੀਆ ਸ਼ਾਰਾਪੋਵਾ
NEXT STORY