ਨਵੀਂ ਦਿੱਲੀ : ਪਹਿਲੇ 2 ਮੈਚਾਂ ਵਿਚ ਮੌਜੂਦਾ ਚੈਂਪੀਅਨ ਆਸਟਰੇਲੀਆ ਅਤੇ ਬੰਗਲਾਦੇਸ਼ ’ਤੇ ਜਿੱਤ ਨਾਲ ਉਤਸ਼ਾਹ ਭਰਪੂਰ ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਵੀਰਵਾਰ ਨੂੰ ਇੱਥੇ ਨਿਊਜ਼ੀਲੈਂਡ ਖਿਲਾਫ ਆਈ. ਸੀ. ਸੀ. ਮਹਿਲਾ ਟੀ-20 ਵਿਸ਼ਵ ਕੱਪ ਦੇ ਆਪਣੇ ਅਗਲੇ ਮੈਚ ਵਿਚ ਜਿੱਤ ਦੀ ਹੈਟ੍ਰਿਕ ਪੂਰੀ ਕਰ ਕੇ ਸੈਮੀਫਾਈਨਲ ਦੇ ਨੇੜੇ ਪਹੁੰਚਣ ਦੀ ਕੋਸ਼ਿਸ਼ ਕਰੇਗੀ। ਭਾਰਤੀ ਟੀਮ ਨੂੰ ਆਸਟਰੇਲੀਆ ’ਤੇ 17 ਦੌੜਾਂ ਨਾਲ ਅਤੇ ਬੰਗਲਾਦੇਸ਼ ’ਤੇ 18 ਦੌੜਾਂ ਨਾਲ ਜਿੱਤ ਦਰਜ ਕਰਨ ਲਈ ਬਹੁਤ ਜ਼ਿਆਦਾ ਮੁਸ਼ਕਤ ਨਵੀਂ ਕਰਨੀ ਪਈ। ਭਾਰਤ ਅਜੇ 5 ਟੀਮਾਂ ਦੇ ਗਰੁੱਪ-ਏ ਵਿਚ 2 ਮੈਚਾਂ ਵਿਚ 4 ਅੰਕ ਲੈ ਕੇ ਚੌਟੀ ’ਤੇ ਹੈ। ਨਿਊਜ਼ੀਲੈਂਡ ਖਿਲਾਫ ਜਿੱਤ ਨਾਲ ਹਰਮਨਪ੍ਰੀਤ ਕੌਰ ਦੀ ਅਗਵਾਈ ਵਾਲੀ ਟੀਮ ਸੈਮੀਫਾਈਨਲ ਨੇੜੇ ਪਹੁੰਚ ਜਾਵੇਗੀ, ਜੋ ਗਰੁੱਪ-ਏ ਅਤੇ ਗਰੁੱਪ-ਬੀ ਨਾਲ ਚੌਟੀ ’ਤੇ ਰਹਿਣ ਵਾਲੀਆਂ 2 ਟੀਮਾਂ ਵਿਚਾਲੇ ਖੇਡਿਆ ਜਾਵੇਗਾ।
ਪਹਿਲੇ 2 ਮੈਚਾਂ ਵਿਚ ਭਾਰਤ ਨੇ ਗੇਂਦਬਾਜ਼ੀ ਵਿਚ ਪ੍ਰਭਾਵਸ਼ਾਲੀ ਪ੍ਰਦਰਸ਼ਨ ਕੀਤਾ ਪਰ ਬੱਲੇਬਾਜ਼ੀ ਵਿਚ ਹਰਮਨਪ੍ਰੀਤ ਕੌਰ ਅਤੇ ਸਮਿ੍ਰਤੀ ਮੰਧਾਨਾ ਕੋਲੋਂ ਵੱਡੇ ਸਕੋਰ ਦੀ ਉਮੀਦ ਹੈ। 16 ਸਾਲਾ ਸ਼ੈਫਾਲੀ ਵਰਮਾ ਨੇ ਹੁਣ ਤੱਕ ਆਪਣੇ ਹਮਲਾਵਰ ਤੇਵਰਾਂ ਦਾ ਸ਼ਾਨਦਾਰ ਨਜ਼ਾਰਾ ਪੇਸ਼ ਕੀਤਾ ਹੈ। ਉਸ ਨੇ ਆਸਟਰੇਲੀਆ ਖਿਲਾਫ 29 ਦੌੜਾਂ ਬਣਾਉਣ ਤੋਂ ਇਲਾਵਾ ਬੰਗਲਾਦੇਸ਼ ਖਿਲਾਫ 17 ਗੇਂਦਾਂ ’ਤੇ 39 ਦੌੜਾਂ ਦੀ ਪਾਰੀ ਖੇਡੀ। ਤੀਜੇ ਨੰਬਰ ’ਤੇ ਬੱਲੇਬਾਜ਼ੀ ਕਰਨ ਵਾਲੀ ਜੇਮਿਮਾ ਰੋਡਿ੍ਰਗਜ਼ ਨੇ ਵੀ 26 ਅਤੇ 34 ਦੌੜਾਂ ਦੀਆਂ 2 ਉਪਯੋਗੀ ਪਾਰੀਆਂ ਖੇਡੀਆਂ ਪਰ ਕਪਤਾਨ ਹਰਮਨਪ੍ਰੀਤ ਵੱਡਾ ਸਕੋਰ ਨਹÄ ਬਣਾ ਸਕੀ। ਟੀਮ ਨੂੰ ਉਸ ਕੋਲੋਂ ਵੀ ਵੱਡੀ ਪਾਰੀ ਦੀ ਉਮੀਦ ਰਹੇਗੀ। ਭਾਰਤੀ ਟੀਮ ਵਿਚ ਤਜ਼ੁਰਬੇਕਾਰ ਮੰਧਾਨਾ ਦੀ ਵਾਪਸੀ ਹੋਣ ਦੀ ਸੰਭਾਵਨਾ ਹੈ, ਜੋ ਬੁਖਾਰ ਕਾਰਣ ਬੰਗਲਾਦੇਸ਼ ਖਿਲਾਫ ਨਹੀਂ ਖੇਡ ਸਕੀ ਸੀ। ਮੱਧ¬ਕ੍ਰਮ ਵਿਚ ਦੀਪਤੀ ਸ਼ਰਮਾ ਨੇ ਆਸਟਰੇਲੀਆ ਖਿਲਾਫ ਅਜੇਤੂ 49 ਦੌੜਾਂ ਬਣਾ ਕੇ ਉਪਯੋਗੀ ਯੋਗਦਾਨ ਦਿੱਤਾ ਸੀ ਜਦਕਿ ਬੰਗਲਾਦੇਸ਼ ਖਿਲਾਫ ਵੇਦਾ ਕ੍ਰਿਸ਼ਣਮੂਰਤੀ ਨੇ 11 ਗੇਂਦਾਂ ’ਤੇ ਅਜੇਤੂ 20 ਦੌੜਾਂ ਦੀ ਪਾਰੀ ਖੇਡੀ ਸੀ। ਗੇਂਦਬਾਜ਼ੀ ਵਿਭਾਗ ਵਿਚ ਪੂਨਮ ਯਾਦਵ ਨੇ ਦੋਨੋਂ ਮੈਚਾਂ ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਉਸ ਨੇ ਹੁਣ ਤੱਕ 7 ਵਿਕਟਾਂ ਲਈਆਂ ਹਨ। ਉਸ ਨੂੰ ਮੱਧ ਗਤੀ ਦੀ ਗੇਂਦਬਾਜ਼ ਸ਼ਿਖਾ ਪਾਂਡੇ ਕੋਲੋਂ ਪੂਰਾ ਸਹਿਯੋਗ ਮਿਲਿਆ। ਸ਼ਿਖਾ ਨੇ ਹੁਣ ਤੱਕ 5 ਵਿਕਟਾਂ ਹਾਸਲ ਕੀਤੀਆਂ ਹਨ।
ਭਾਰਤ ਦਾ ਰਿਕਾਰਡ ਵਧੀਆ ਨਹੀਂ
ਨਿਊਜ਼ੀਲੈਂਡ ਦਾ ਹਾਲਾਂਕਿ ਹਾਲ ਹੀ ਵਿਚ ਭਾਰਤ ਖਿਲਾਫ ਰਿਕਾਰਡ ਵਧੀਆ ਰਿਹਾ ਹੈ। ਉਸ ਨੇ ਇਨ੍ਹਾਂ ਦੋਵੇਂ ਟੀਮਾਂ ਵਿਚਾਲੇ ਖੇਡੇ ਗਏ ਪਿਛਲੇ 3 ਮੈਚ ਜਿੱਤੇ ਸਨ। ਠੀਕ 1 ਸਾਲ ਪਹਿਲਾਂ ਉਸ ਨੇ 3 ਟੀ-20 ਮੈਚਾਂ ਦੀ ਘਰੇਲੂ ਸੀਰੀਜ਼ ਵਿਚ ਭਾਰਤੀ ਟੀਮ ਨੂੰ 3-0 ਨਾਲ ਹਰਾਇਆ ਸੀ। ਭਾਰਤ ਹਾਲਾਂਕਿ ਵੈਸਟਇੰਡੀਜ਼ ਵਿਚ 2018 ਨੂੰ ਖੇਡੇ ਗਏ ਟੀ-20 ਵਿਸ਼ਵ ਕੱਪ ਵਿਚ ਨਿਊਜ਼ੀਲੈੈਂਡ ਖਿਲਾਫ 34 ਦੌੜਾਂ ਦੀ ਵੱਡੀ ਜਿੱਤ ਤੋਂ ਪ੍ਰੇਰਣਾ ਲੈਣੀ ਚਾਹੇਗਾ। ਹਰਮਨਪ੍ਰੀਤ ਨੇ ਉਸ ਮੈਚ ਵਿਚ 103 ਦੌੜਾਂ ਦੀ ਯਾਦਗਾਰ ਪਾਰੀ ਖੇਡੀ ਸੀ।
ਟੀਮਾਂ ਇਸ ਤਰ੍ਹਾਂ ਹਨ:
ਭਾਰਤ : ਹਰਮਨਪ੍ਰੀਤ ਕੌਰ (ਕਪਤਾਨ), ਸਮਿ੍ਰਤੀ ਮੰਧਾਨਾ, ਜੇਮਿਮਾ ਰੋਡਿ੍ਰਗਜ਼, ਦੀਪਤੀ ਸ਼ਰਮਾ, ਸ਼ੈਫਾਲੀ ਵਰਮਾ, ਪੂਨਮ ਯਾਦਵ, ਰਾਧਾ ਯਾਦਵ, ਤਾਨੀਆ ਭਾਟੀਆ (ਵਿਕਟਕੀਪਰ), ਹਰਲੀਨ ਦਿਓਲ, ਰਾਜੇਸ਼ਵਰੀ ਗਾਇਕਵਾੜ, ਰੀਚਾ ਘੋਸ਼, ਵੇਦਾ ਕ੍ਰਿਸ਼ਣਮੂਰਤੀ, ਸ਼ਿਖਾ ਪਾਂਡੇ, ਅਰੂੰਧਤੀ ਰੈੱਡੀ, ਪੂਜਾ ਵਸਤਰਾਕਰ।
ਨਿਊਜ਼ੀਲੈਂਡ : ਸੋਫੀ ਡਿਵਾਈਨ (ਕਪਤਾਨ), ਰੋਜਮੈਰੀ ਮੇਅਰ, ਅਮੇਲੀਆ ਕੇਰ, ਸੂਜੀ ਬੇਟਸ, ਲਾਰੇਨ ਡਾਊਨ, ਮੈਡੀ ਗ੍ਰੀਨ, ਹੋਲੀ ਹਡਲਸਟਨ, ਹੇਲੇ ਜੇਨਸੇਨ, ਲੀਗ ਕਾਸਪੇਰੇਕ, ਜੇਸ ਕੇਰ, ਕੈਟੀ ਮਾਰਟਿਨ (ਵਿਕਟਕੀਪਰ), ਕੇਟੀ ਪਕ੍ਰਿੰਸ, ਅੰਨਾ ਪੀਟਰਸਨ, ਰੇਚੇਲ ਪ੍ਰੀਸਟ, ਲੀ ਤਾਹੁਹੁ।
ਟੋਕੀਓ ਓਲੰਪਿਕ 'ਤੇ ਕੋਈ ਖਤਰਾ ਨਹੀਂ : ਆਈ. ਓ. ਸੀ.
NEXT STORY 
