ਸਪੋਰਟਸ ਡੈਸਕ— ਫਰਾਂਸ ਦੇ ਪੈਰਿਸ 'ਚ ਸ਼ੁੱਕਰਵਾਰ ਤੋਂ ਸ਼ੁਰੂ ਹੋ ਰਹੇ ਮਹਿਲਾ ਫੁੱਟਬਾਲ ਵਿਸ਼ਵ ਕੱਪ ਦੇ ਮੌਕੇ 'ਤੇ ਗੂਗਲ ਨੇ ਖਾਸ ਡੂਡਲ ਬਣਾਇਆ ਹੈ। ਡੂਡਲ 'ਚ ਵਿਸ਼ਵ ਕੱਪ 'ਚ ਹਿੱਸਾ ਲੈ ਰਹੀਆਂ ਸਾਰੀਆਂ ਟੀਮਾਂ ਦੀ ਜਰਸੀ ਦੇ ਰੰਗ ਦਿਖਾਏ ਗਏ ਹਨ। ਡੂਡਲ 'ਚ ਇਕ ਖਿਡਾਰਨ ਫੁੱਟਬਾਲ ਨੂੰ 'ਕਿੱਕ' ਮਾਰਦੇ ਹੋਏ ਦਿਖਾਈ ਦੇ ਰਹੀ ਹੈ ਜਦਕਿ ਇਕ ਹੋਰ ਖਿਡਾਰਨ ਆਪਣੇ ਦੋਵੇਂ ਹੱਥਾਂ ਨਾਲ ਫੁੱਟਬਾਲ ਨੂੰ ਰੋਕਣ ਦੀ ਕੋਸ਼ਿਸ਼ 'ਚ ਨਜ਼ਰ ਆ ਰਹੀ ਹੈ।
ਇਸ ਖਾਸ ਮੌਕੇ 'ਤੇ ਡੂਡਲ 'ਚ ਕਾਫੀ ਸਾਰੇ ਰੰਗਾਂ ਦਾ ਵੀ ਇਸਤੇਮਾਲ ਕੀਤਾ ਗਿਆ ਹੈ ਜੋ ਇਸ ਨੂੰ ਹੋਰ ਵੀ ਦਿਲਖਿੱਚਵਾਂ ਬਣਾ ਰਹੇ ਹਨ। ਇਸ ਤੋਂ ਇਲਾਵਾ ਡੂਡਲ 'ਚ ਕਈ ਦੇਸ਼ਾਂ ਦੇ ਸੱਭਿਆਚਾਰ ਵੀ ਦਿਖਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ ਅਤੇ ਇਸ 'ਚ ਹਰ ਦੇਸ਼ ਦੀ ਜਰਸੀ ਵੀ ਸ਼ਾਮਲ ਹੈ ਜੋ ਇਸ ਨੂੰ ਹੋਰ ਵੀ ਸੋਹਣਾ ਬਣਾ ਰਹੀ ਹੈ। ਇਹ ਅੱਠਵਾਂ ਮਹਿਲਾ ਫੁੱਟਬਾਲ ਵਿਸ਼ਵ ਕੱਪ ਹੈ ਜਿਸ ਦਾ ਆਯੋਜਨ ਫਰਾਂਸ ਪਹਿਲੀ ਵਾਰ ਕਰ ਰਿਹਾ ਹੈ। ਇਹ ਟੂਰਨਾਮੈਂਟ 7 ਜੂਨ ਤੋਂ ਲੈ ਕੇ 7 ਜੁਲਾਈ ਤਕ ਚੱਲੇਗਾ ਜਿਸ 'ਚ 24 ਟੀਮਾਂ ਖਿਤਾਬ ਨੂੰ ਜਿੱਤਣ ਲਈ ਹਿੱਸਾ ਲੈਣਗੀਆਂ।
ਜਬਰ-ਜ਼ਨਾਹ ਦਾ ਦੋਸ਼ ਲਾਉਣ ਵਾਲੀ ਦੀਆਂ ਅਸ਼ਲੀਲ ਤਸਵੀਰਾਂ ਪੋਸਟ ਕਰਕੇ ਫਸੇ ਨੇਮਾਰ
NEXT STORY 
