ਵਿਨੀਪੈੱਗ/ਕੈਨੇਡਾ (ਏਜੰਸੀ)- ਭਾਰਤੀ ਤੀਰਅੰਦਾਜ਼ੀ ਟੀਮਾਂ ਨੇ ਵਿਸ਼ਵ ਤੀਰਅੰਦਾਜ਼ੀ ਯੂਥ ਚੈਂਪੀਅਨਸ਼ਿਪ-2025 ਵਿਚ ਪੁਰਸ਼ਾਂ ਦੇ ਅੰਡਰ-18 ਤੇ ਅੰਡਰ-21 ਵਰਗ ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਸੋਨ ਤਮਗੇ ਜਿੱਤੇ ਹਨ। ਵਿਸ਼ਵ ਤੀਰਅੰਦਾਜ਼ੀ ਯੂਥ ਚੈਂਪੀਅਨਸ਼ਿਪ-2025 ਵਿਚ ਭਾਰਤ ਨੇ ਪੁਰਸ਼ਾਂ ਦੇ ਅੰਡਰ-18 ਤੇ ਅੰਡਰ-21 ਕੰਪਾਊਂਡ ਟੀਮ ਵਰਗ ਵਿਚ ਕ੍ਰਮਵਾਰ ਜਰਮਨੀ ਤੇ ਅਮਰੀਕਾ ਦੀ ਟੀਮ ਨੂੰ ਹਰਾ ਕੇ ਸੋਨ ਤਮਗੇ ਜਿੱਤੇ। ਕੁਸ਼ਲ ਦਲਾਲ, ਅਪਾਰ ਮਿਹਿਰ ਨਿਤਿਨ ਤੇ ਗਣੇਸ਼ ਮਣੀਰਤਨਮ ਥਿਰੁੂਮੁਰੂ ਦੀ ਅੰਡਰ-21 ਤਿਕੜੀ ਨੇ ਫਾਈਨਲ ਵਿਚ ਜਰਮਨੀ ਦੀ ਟੀਮ ਦੇ ਨਾਲ ਚਾਰ ਸੈੱਟਾਂ ਦੇ ਅੰਤ ਵਿਚ ਸਕੋਰ 233-233 ਰਹਿਣ ਤੋਂ ਬਾਅਦ ਹੋਏ ਇਕ ਤਣਾਅਪੂਰਨ ਸ਼ੂਟਆਫ ਵਿਚ ਹਰਾਇਆ।
ਇਸ ਤੋਂ ਪਹਿਲਾਂ ਭਾਰਤ ਨੇ ਕੁਆਰਟਰ ਫਾਈਨਲ ਵਿਚ ਇਸਰਾਈਲ ਨੂੰ 235-233 ਨਾਲ ਤੇ ਸੈਮੀਫਾਈਨਲ ਵਿਚ ਕੋਰੀਆ ਗਣਰਾਜ ਨੂੰ 233-228 ਨਾਲ ਹਰਾਇਆ ਸੀ। ਉੱਥੇ ਹੀ ਅੰਡਰ-18 ਫਾਈਨਲ ਵਿਚ ਮੋਹਿਤ ਡਾਗਰ, ਯੋਗੇਸ਼ ਜੋਸ਼ੀ ਤੇ ਦੇਵਾਂਸ਼ੇ ਸਿੰਘ ਦੀ ਟੀਮ ਨੇ ਅਮਰੀਕਾ ਵਿਰੁੱਧ ਹਾਫ ਟਾਈਮ ਤੱਕ 9 ਅੰਕਾਂ ਦੀ ਬੜ੍ਹਤ ਬਣਾ ਲਈ ਤੇ ਮੁਕਾਬਲਾ 224-222 ਨਾਲ ਜਿੱਤ ਲਿਅਾ। ਕੁਅਾਲੀਫਿਕੇਸ਼ਨ ਤੋਂ ਚੋਟੀ ਦਰਜਾ ਪ੍ਰਾਪਤ ਹੋਣ ਕਾਰਨ ਟੀਮ ਸਿੱਧੇ ਖਿਤਾਬੀ ਮੁਕਾਬਲੇ ਵਿਚ ਪਹੁੰਚ ਗਈ ਸੀ।
ਇਸ ਵਿਚਾਲੇ, ਭਾਰਤੀ ਅੰਡਰ-18 ਮਹਿਲਾ ਕੰਪਾਊਂਡ ਟੀਮ ਕਾਂਸੀ ਤਮਗਾ ਮੁਕਾਬਲੇ ਵਿਚ ਮੈਕਸੀਕੋ ਹੱਥੋਂ 221-210 ਨਾਲ ਹਾਰ ਗਈ। ਅੰਡਰ-21 ਟੀਮ ਕੁਆਰਟਰ ਫਾਈਨਲ ਵਿਚੋਂ ਬਾਹਰ ਹੋ ਗਈ। ਅਗਲੇ ਦੋ ਦਿਨਾਂ ਵਿਚ ਭਾਰਤ ਵਿਅਕਤੀਗਤ ਤੀਰਅੰਦਾਜ਼ੀ ਪ੍ਰਤੀਯੋਗਿਤਾਵਾਂ ਵਿਚ ਮੁਕਾਬਲਾ ਕਰੇਗਾ। ਅੰਡਰ-18 ਪੁਰਸ਼ ਕੰਪਾਊਂਡ ਸੈਮੀਫਾਈਨਲ ਵਿਚ ਯੋਗੇਸ਼ ਜੋਸ਼ੀ ਦਾ ਸਾਹਮਣਾ ਨਿਊਜ਼ੀਲੈਂਡ ਦੇ ਹੈਕਟਰ ਮੈਕਨੇਲੀ ਨਾਲ ਹੋਵੇਗਾ ਜਦਕਿ ਮਹਿਲਾ ਅੰਡਰ-18 ਕੰਪਾਊਂਡ ਸੈਮੀਫਾਈਨਲ ਵਿਚ ਪ੍ਰਥਿਕਾ ਪ੍ਰਦੀਪ ਤੇ ਸੂਰਯ ਹਮਸਿਨੀ ਮਦਾਲਾ ਵਿਚਾਲੇ ਮੁਕਾਬਲਾ ਹੋਵੇਗਾ। ਮਹਿਲਾ ਅੰਡਰ-21 ਕੰਪਾਊਂਡ ਡਰਾਅ ਵਿਚ ਟਾਪ-4 ਵਿਚ ਚਿਕਿਥਾ ਤਨਿਪਰਥੀ ਦਾ ਸਾਹਮਣਾ ਮੈਕਸੀਕੋ ਦੀ ਪਾਓਲਾ ਡਿਆਜ ਮੋਰਿਲਸ ਨਾਲ ਹੋਵੇਗਾ। ਉੱਥੇ ਹੀ, ਅੰਡਰ-18 ਮਹਿਲਾ ਰਿਕਰਵ ਸੈਮੀਫਾਈਨਲ ਵਿਚ ਸ਼ਾਰਵਰੀ ਸੋਮਨਾਥ ਸ਼ੇਂਡੇ ਦਾ ਸਾਹਮਣਾ ਦੱਖਣੀ ਕੋਰੀਆ ਦੀ ਕਿਮ ਮਿਨਜਿਯੋਂਗ ਨਾਲ ਹੋਵੇਗਾ।
ਏਸ਼ੀਆ ਕੱਪ ਤੋਂ ਪਹਿਲਾਂ ਟੀਮ ਨੂੰ ਲੱਗਾ ਵੱਡਾ ਝਟਕਾ, ਧਾਕੜ ਖਿਡਾਰੀ ਟੂਰਨਾਮੈਂਟ ’ਚੋਂ ਹੋਇਆ ਬਾਹਰ
NEXT STORY 
