ਯਾਂਗੋਨ (ਮਿਆਂਮਾਰ) (ਭਾਸ਼ਾ) ਵਿਨ ਥੇਇੰਗੀ ਤੁਨ ਅਤੇ ਸਾਨ ਥਾਵ ਥਾਵ ਦੇ ਗੋਲਾਂ ਦੀ ਮਦਦ ਨਾਲ ਮਿਆਂਮਾਰ ਦੀ ਮਹਿਲਾ ਫੁੱਟਬਾਲ ਟੀਮ ਨੇ ਮੰਗਲਵਾਰ ਨੂੰ ਇੱਥੇ ਦੋਸਤਾਨਾ ਮੈਚ ਵਿਚ ਭਾਰਤ ਨੂੰ 2-1 ਨਾਲ ਹਰਾਇਆ। ਦੋਵੇਂ ਟੀਮਾਂ ਪੰਜ ਸਾਲ ਦੇ ਵਕਫ਼ੇ ਤੋਂ ਬਾਅਦ ਆਹਮੋ-ਸਾਹਮਣੇ ਸਨ।
ਥਿੰਗੀ ਤੁਨ ਨੇ ਮੈਚ ਦੇ 14ਵੇਂ ਮਿੰਟ ਵਿੱਚ ਗੋਲ ਕਰਕੇ ਮਿਆਂਮਾਰ ਨੂੰ ਬੜ੍ਹਤ ਦਿਵਾਈ। ਪਿਆਰੀ ਖਾਖਾ ਨੇ 58ਵੇਂ ਮਿੰਟ ਵਿੱਚ ਗੋਲ ਕਰਕੇ ਭਾਰਤ ਨੂੰ ਵਾਪਸੀ ਦਿਵਾਈ। ਹਾਲਾਂਕਿ ਭਾਰਤੀ ਟੀਮ ਮਿਆਂਮਾਰ ਨੂੰ ਜ਼ਿਆਦਾ ਦੇਰ ਤੱਕ ਲੀਡ ਲੈਣ ਤੋਂ ਨਹੀਂ ਰੋਕ ਸਕੀ। ਮੈਚ ਦੇ 74ਵੇਂ ਮਿੰਟ ਵਿੱਚ ਮੇ ਥੇਟ ਮੋਨ ਮਿਇੰਟ ਦੀ ਫ੍ਰੀ ਕਿੱਕ ਨੂੰ ਥਾਓ ਥਾਓ ਨੇ ਗੋਲ ਵਿੱਚ ਬਦਲ ਦਿੱਤਾ। ਇਹ ਭਾਰਤ ਦੀ ਮਿਆਂਮਾਰ ਖ਼ਿਲਾਫ਼ ਛੇ ਮੈਚਾਂ ਵਿੱਚ ਪੰਜਵੀਂ ਹਾਰ ਹੈ। ਦੋਵਾਂ ਟੀਮਾਂ ਵਿਚਾਲੇ ਦੂਜਾ ਦੋਸਤਾਨਾ ਮੈਚ ਸ਼ੁੱਕਰਵਾਰ ਨੂੰ ਖੇਡਿਆ ਜਾਵੇਗਾ।
ਤੇਲੰਗਾਨਾ ਸਰਕਾਰ ਸਿਰਾਜ ਨੂੰ ਰਿਹਾਇਸ਼ੀ ਪਲਾਟ ਅਤੇ ਸਰਕਾਰੀ ਨੌਕਰੀ ਦੇਵੇਗੀ
NEXT STORY 
