ਯਾਰਾਜੀ 100 ਮੀਟਰ ਅੜਿੱਕਾ ਹੀਟ 'ਚ ਸੱਤਵੇਂ ਸਥਾਨ 'ਤੇ, ਰੇਪੇਚੇਜ 'ਚ ਦੌੜੇਗੀ

Edited By Aarti Dhillon,
Updated: 07 Aug, 2024 04:09 PM

yaraji finished seventh in 100m hurdles heat will run in repechage

ਪੈਰਿਸ- ਰਾਸ਼ਟਰੀ ਰਿਕਾਰਡਧਾਰੀ ਭਾਰਤ ਦੀ 100 ਮੀਟਰ ਅੜਿੱਕਾ ਦੌੜ ਦੀ ਖਿਡਾਰਨ ਜੋਤੀ ਯਾਰਾਜੀ ਬੁੱਧਵਾਰ ਨੂੰ ਪੈਰਿਸ ਓਲੰਪਿਕ ਵਿਚ ਆਪਣੇ ਪਹਿਲੇ ਹੀਟ ਵਿਚ ਖਰਾਬ ਪ੍ਰਦਰਸ਼ਨ ਤੋਂ ਬਾਅਦ ਸੱਤਵੇਂ ਸਥਾਨ 'ਤੇ ਰਹੀ ਅਤੇ ਆਟੋਮੈਟਿਕ ਸੈਮੀਫਾਈਨਲ ਵਿਚ ਜਗ੍ਹਾ ਬਣਾਉਣ ਤੋਂ ਖੁੰਝ ਗਈ। ਪਹਿਲੀ ਵਾਰ ਓਲੰਪਿਕ ਖੇਡ ਰਹੀ ਯਾਰਾਜੀ ਖੇਡਾਂ ਵਿੱਚ 100 ਮੀਟਰ ਅੜਿੱਕਾ ਦੌੜ ਵਿੱਚ ਹਿੱਸਾ ਲੈਣ ਵਾਲੀ ਪਹਿਲੀ ਭਾਰਤੀ ਵੀ ਹਨ। ਉਨ੍ਹਾਂ ਨੇ ਚੌਥੀ ਹੀਟ ਵਿੱਚ 13.16 ਸਕਿੰਟ ਦਾ ਸਮਾਂ ਕੱਢਿਆ ਅਤੇ 40 ਦੌੜਾਕਾਂ ਵਿੱਚੋਂ 35ਵੇਂ ਸਥਾਨ 'ਤੇ ਰਹੀ।
24 ਸਾਲਾ ਯਾਰਾਜੀ ਦਾ ਰਾਸ਼ਟਰੀ ਰਿਕਾਰਡ 12.78 ਸੈਕਿੰਡ ਦਾ ਹੈ। ਡਿਫੈਂਡਿੰਗ ਚੈਂਪੀਅਨ ਪੁਏਰਤੋ ਰੀਕੋ ਦੀ ਜੈਸਮੀਨ ਕਾਮਾਚੋ ਕਿਨ ਨੇ 12.42 ਸਕਿੰਟ ਦਾ ਸਮਾਂ ਲੈ ਕੇ ਸਿਖਰਲਾ ਸਥਾਨ ਹਾਸਲ ਕੀਤਾ। ਪੰਜ ਹੀਟਸ ਦੇ ਸਿਖਰਲੇ ਤਿੰਨ ਖਿਡਾਰੀ ਅਤੇ ਅਗਲੇ ਤਿੰਨ ਸਭ ਤੋਂ ਤੇਜ਼ ਖਿਡਾਰੀ ਸੈਮੀਫਾਈਨਲ ਵਿੱਚ ਪ੍ਰਵੇਸ਼ ਕਰਨਗੇ। ਬਾਕੀ ਪ੍ਰਤੀਯੋਗੀਆਂ ਨੂੰ ਵੀਰਵਾਰ ਨੂੰ ਰੈਪੇਚੇਜ ਰਾਊਂਡ ਰਾਹੀਂ ਸੈਮੀਫਾਈਨਲ 'ਚ ਪਹੁੰਚਣ ਦਾ ਇਕ ਹੋਰ ਮੌਕਾ ਮਿਲੇਗਾ।