ਨਵੀਂ ਦਿੱਲੀ : ਟੀਮ ਇੰਡੀਆ ਦੇ ਲੈਗ ਸਪਿਨਰ ਯੁਜਵੇਂਦਰ ਚਾਹਲ ਕੋਰਿਓਗ੍ਰਾਫਰ ਧਨਾਸ਼੍ਰੀ ਵਰਮਾ ਨਾਲ ਮੰਗਲਵਾਰ ਨੂੰ ਗੁੜਗਾਂਓ ਵਿਚ ਵਿਆਹ ਦੇ ਬੰਧਨ ਵਿਚ ਬੱਝ ਗਏ। ਚਾਹਲ ਦਾ ਵਿਆਹ ਪਰਿਵਾਰਕ ਸਮਾਰੋਹ ਰਿਹਾ।
ਇਸ ਵਿਆਹ ਸਮਾਰੋਹ ਵਿਚ ਯੁਜਵੇਂਦਰ ਚਾਹਲ ਦੇ ਪਾਰਟਨਰ ਸਿਖ਼ਰ ਧਵਨ ਵੀ ਪੁੱਜੇ ਸਨ, ਜਿਸ ਦੀ ਤਸਵੀਰ ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ ’ਤੇ ਸਾਂਝੀ ਕੀਤੀ ਹੈ। ਆਪਣੀ ਹਲਦੀ ਦੇ ਪ੍ਰੋਗਰਾਮ ਵਿਚ ਧਨਾਸ਼੍ਰੀ ਅਤੇ ਚਾਹਲ ਪੀਲੇ ਰੰਗ ਦੇ ਕੱਪੜੇ ਪਹਿਨੇ ਹੋਏ ਨਜ਼ਰ ਆਏ।
ਦੱਸ ਦੇਈਏ ਕਿ ਚਾਹਲ ਅਤੇ ਧਨਾਸ਼੍ਰੀ ਦੀ ਇਸ ਸਾਲ 8 ਅਗਸਤ ਨੂੰ ਮੰਗਣੀ ਹੋਈ ਸੀ। ਚਾਹਲ ਹਾਲ ਹੀ ਵਿਚ ਆਸਟਰੇਲੀਆ ਵਿਚ ਵਨਡੇ ਅਤੇ ਟੀ-20 ਸੀਰੀਜ਼ ਖੇਡ ਕੇ ਭਾਰਤ ਪਰਤੇ ਸਨ। ਚਾਹਲ ਦੀ ਪਤਨੀ ਕੋਰਿਓਗ੍ਰਾਫਰ ਹੋਣ ਦੇ ਨਾਲ ਹੀ ਡਾਕਟਰ ਅਤੇ ਯੂ-ਟਿਊਬਰ ਵੀ ਹੈ।
ਦਰਸ਼ਕਾਂ ਦੇ ਬਿਨਾਂ ਖੇਡਣਾ ਅਭਿਆਸ ਸੈਸ਼ਨ ਵਰਗਾ : ਮੇਸੀ
NEXT STORY 
