ਫਰਨੀਚਰ ਕੰਪਨੀ ਇਕਾ ਨੇ ਚੀਨ ਵਿੱਚ ਆਪਣੇ ਸਾਰੇ 33 ਸਟੋਰ ਬੰਦ ਕਰ ਦਿੱਤੇ ਹਨ
ਕੋਰੋਨਾਵਾਇਰਸ ਨਾਲ ਜਿੱਥੇ ਜਾਨੀ ਨੁਕਸਾਨ ਲਗਾਤਾਰ ਵਧ ਰਿਹਾ ਹੈ ਉੱਥੇ ਇਸ ਕਾਰਨ ਹੋ ਰਿਹਾ ਆਰਥਿਕ ਨੁਕਸਾਨ ਵੀ ਦੁਨੀਆਂ ਭਰ ਵਿੱਚ ਵਧ ਰਿਹਾ ਹੈ।
ਸਮਾਰਟਫੋਨ, ਕੌਸਮੈਟਿਕਸ ਤੇ ਹੋਰ ਬਹੁਤ ਸਾਰੀਆਂ ਚੀਜ਼ਾਂ ਦਾ ਉਤਪਾਦਨ ਬੰਦ ਹੈ। ਇਸ ਕੰਮ ਬੰਦੀ ਦੀ ਵਜ੍ਹਾ ਹੈ ਕਿ ਕਾਮਿਆਂ ਨੂੰ ਲਾਗ ਫੈਲਣ ਤੋਂ ਰੋਕਣ ਲਈ ਘਰਾਂ ਵਿੱਚ ਰਹਿਣ ਲਈ ਕਿਹਾ ਗਿਆ ਹੈ।
ਇੱਥੇ ਅਸੀਂ ਕੁਝ ਖੇਤਰਾਂ ਦਾ ਜ਼ਿਕਰ ਕਰ ਰਹੇ ਹਾਂ ਜਿਨ੍ਹਾਂ ’ਤੇ ਇਸ ਵਾਇਰਸ ਕਾਰਨ ਅਸਰ ਪਿਆ ਹੈ।
ਇਹ ਵੀ ਪੜ੍ਹੋ:
ਸਮਾਰਟ ਫੋਨਾਂ ਦਾ ਉਤਪਾਦਨ
ਕਈ ਕੰਪਨੀਆਂ ਦੇ ਮੋਬਾਈਲ ਫੋਨ ਤੇ ਕੰਪਿਊਟਰ ਚੀਨ ਵਿੱਚ ਬਣਦੇ ਹਨ ਜਾਂ ਫਿਰ ਇਨ੍ਹਾਂ ਵਿੱਚ ਵਰਤੇ ਜਾਣ ਵਾਲੇ ਕਲ-ਪੁਰਜ਼ਿਆਂ ਚੀਨ ਵਿੱਚ ਤਿਆਰ ਹੁੰਦੇ ਹਨ।
![ਕੋਰੋਨਾਵਾਇਰਸ ਦਾ ਮੋਬਾਈਲ ਫੋਨ ਦੀ ਵਿਕਰੀ ਨੂੰ ਖ਼ਤਰਾ. ਮਾਹਰਾਂ ਮੁਤਾਬਕ ਸਾਲ ਦੀ ਪਹਿਲੀ ਤਿਮਾਹੀ ਦੌਰਾਨ ਸਮਾਰਟਫੋਨਾਂ ਦੀ ਵਿਕਰੀ ’ਤੇ ਪੈਣ ਵਾਲਾ ਅਸਰ [] 40 ਲੱਖ ਆਈਫੋਨ ਦੀ ਸ਼ਿਪਮੈਂਟ ਵਿੱਚ ਅੰਦਾਜਨ ਕਮੀ ] [] 32% 2020 ਦੇ ਸ਼ੁਰੂ ’ਚ ਆਈਫੋਨ ਦੀ ਸ਼ਿਪਮੈਂਟ ਵਿੱਚ ਅੰਦਾਜਨ ਕਮੀ ],[] 5% 2020 ਦੌਰਾਨ ਚੀਨੀ ਸਮਾਰਟ ਫੋਨਾਂ ਦੀ ਸ਼ਿਪਮੈਂਟ ਵਿੱਚ ਅੰਦਾਜਨ ਕਮੀ ], Source: Source: TF International Securities, Strategy Analytics, Image: A Chinese woman in a shopping mall in Shenyang wears a face mask.](https://ichef.bbci.co.uk/news/amp/idt2/470/c8bdad5c-d72d-49c5-90e4-9ac54b625b6f)
ਆਈਫੋਨ ਬਣਾਉਣ ਵਾਲੀ ਫੌਕਸਕੌਨ ਨੇ ਫਿਲਹਾਲ ਮੋਬਾਈਲ ਫੋਨਾਂ ਦੇ ਉਤਪਾਦਨ ਨੂੰ ਕੁਝ ਹੱਦ ਤੱਕ ਰੋਕ ਕੇ ਵਧਦੀ ਮੰਗ ਨੂੰ ਧਿਆਨ ਵਿੱਚ ਰੱਖਦਿਆਂ ਸਰਜੀਕਲ ਮਾਸਕ ਬਣਾਉਣੇ ਸ਼ੁਰੂ ਕੀਤੇ ਹਨ।
ਕੰਪਨੀ ਨੇ ਪਹਿਲਾ ਨਵੇਂ ਸਾਨ ਦੇ ਜਸ਼ਨਾਂ ਕਾਰਨ ਕੁਝ ਸਮੇਂ ਲਈ ਕੰਮ ਬੰਦ ਕੀਤਾ ਸੀ ਪਰ ਵਾਇਰਸ ਫੈਲਣ ਤੋਂ ਬਾਅਦ ਕੰਮਬੰਦੀ ਦਾ ਸਮਾਂ ਵਧ ਗਿਆ ਤੇ ਹੁਣ ਕੰਪਨੀ ਦੇ ਇੱਕ ਹਿੱਸੇ ਵਿੱਚ ਸਰਜੀਕਲ ਮਾਸਕ ਬਣਾਏ ਜਾ ਰਹੇ ਹਨ।
ਫਰਮ ਦਾ ਕਹਿਣਾ ਹੈ ਕਿ ਮਾਸਕ ਕੰਪਨੀ ਦੇ ਆਪਣੇ ਵਰਕਰਾਂ ਨੂੰ ਵੀ ਲਾਗ ਤੋਂ ਬਚਾਉਣ ਵਿੱਚ ਵੀ ਮਦਦਗਾਰ ਹਨ। ਆਪਣੇ ਵਰਕਰਾਂ ਦੀ ਮਾਸਕਾਂ ਦੀ ਮੰਗ ਪੂਰੀ ਕਰਨ ਤੋਂ ਬਾਅਦ ਕੰਪਨੀ ਦਾ ਕਹਿਣਾ ਹੈ ਕਿ ਬਾਹਰੀ ਲੋਕਾਂ ਨੂੰ ਵੀ ਉਹ ਮਾਸਕ ਮੁਹਈਆ ਕਰਵਾਏਗੀ।
ਯਾਤਰਾ ਤੇ ਪਾਾਬੰਦੀਆਂ
ਚੀਨੀ ਨਾਗਰਿਕਾਂ ਉੱਪਰ ਬਹੁਤ ਸਾਰੇ ਦੇਸ਼ਾਂ ਨੇ ਦਾਖ਼ਲੇ ਦੀਆਂ ਪਾਬੰਦੀਆਂ ਲਾ ਦਿੱਤੀਆਂ ਹਨ। ਉਨ੍ਹਾਂ ਨੂੰ ਕੁਆਰੰਟੀਨ ਕਰਕੇ ਰੱਖਿਆ ਜਾਂਦਾ ਹੈ। ਲੋਕ ਆਪਣੇ ਸੈਰ-ਸਪਾਟੇ ਦੇ ਪ੍ਰੋਗਰਮ ਅੱਗੇ ਪਾ ਰਹੇ ਹਨ। ਹੋਟਲਾਂ ਨੇ ਆਪਣੀਆਂ ਕੈਂਸਲੇਸ਼ਨ ਨੀਤੀਆਂ ਵਿੱਚ ਬਦਲਾਅ ਕੀਤੇ ਹਨ।
ਇਸ ਸਭ ਦਾ ਅਸਰ ਵਿਸ਼ਵ ਦੀ ਸੈਰ-ਸਪਾਟਾ ਸਨਅਤ ਉੱਪਰ ਪੈ ਰਿਹਾ ਹੈ।
![ਚੀਨੀ ਸੈਲਾਨੀ ਵਿਸ਼ਵ ਦੀ ਉੱਘੀਆਂ ਥਾਵਾਂ ਤੋਂ ਅਲੋਪ ਹੋ ਗਏ ਹਨ. [] 40% ਜਪਾਨ ’ਚ ਵਿਦੇਸ਼ੀ ਸੈਲਾਨੀਆਂ ਵੱਲੋਂ ਕੀਤਾ ਜਾਂਦਾ ਖ਼ਰਚੇ ਵਿੱਚ ਚੀਨ ਦਾ ਹ ] [] $17.5 ਕਰੋੜ ਚੀਨੀ ਸੈਲਾਨੀਆਂ ਵੱਲੋਂ ਥਾਈਲੈਂਡ ਵਿੱਚ 2019 ਦੌਰਾਨ ਕੀਤਾ ਗਿਆ ਖ਼ਰਚ ],[] $2.6 ਤੋ $3.2 ਕਰੋੜ ਕੋਰੋਨਾਵਾਇਰਸ ਕਾਰਨ ਥਾਈਲੈਂਡ ਨੂੰ ਹੋਣ ਵਾਲਾ ਅੰਦਾਜਨ ਘਾਟਾ ], Source: Source: Bloomberg Economics, Thai Chamber of Commerce, Tourism Authority of Thailand, Image: Chinese tourists take photos in Thailand.](https://ichef.bbci.co.uk/news/amp/idt2/470/99ea0ddf-72ed-4e81-b479-2e736391a97e)
ਵੁਹਾਨ ਜਿੱਥੋਂ ਵਾਇਰਸ ਸਾਹਮਣੇ ਆਇਆ ਸੀ। ਉੱਥੋਂ ਦੇ ਲੋਕਾਂ ਤੇ ਘਰੋਂ ਬਾਹਰ ਨਿਕਲਣ ਤੇ ਪਾਬੰਦੀ ਹੈ। ਸ਼ਹਿਰ ਦੀ ਇੱਕ ਕਰੋੜ 10 ਲੱਖ ਅਬਾਦੀ ਹੈ, ਜੋ ਘਰਾਂ ਵਿੱਚ ਤੜੀ ਬੈਠੀ ਹੈ।
ਇਸ ਪਬੰਦੀ ਨੂੰ ਹੁਣ ਹੁਬੇਈ ਸੂਬੇ ਤੋਂ ਇਲਾਵਾ ਹੋਰ ਵੀ ਸੂਬਿਆਂ ਵਿੱਚ ਵਧਾ ਦਿੱਤਾ ਗਿਆ ਹੈ। ਜਿਸ ਕਾਰਨ ਚੀਨ ਵਿੱਚ ਆਂਤਰਿਕ ਕਾਰੋਬਾਰ ਨੂੰ ਵੀ ਧੱਕਾ ਲੱਗਿਆ ਹੈ।
ਚੀਨ ਵਿੱਚ ਜਿਸ ਸਮੇਂ ਇਹ ਵਾਇਰਸ ਫੁੱਟਿਆ ਉਸ ਸਮੇਂ ਚੀਨ ਵਿੱਛ ਲੂਨਰ ਨਵਾਂ ਸਾਲ ਚੜ੍ਹਨ ਵਾਲਾ ਸੀ ਤੇ ਜਸ਼ਨਾਂ ਦੀਆਂ ਤਿਆਰੀਆਂ ਚੱਲ ਰਹੀਆਂ ਸਨ। ਇਸ ਮੌਕੇ ਚੀਨ ਦੇ ਲੋਕ ਆਪੋ-ਆਪਣੀਆਂ ਕੰਮ ਵਾਲੀਆਂ ਥਾਵਾਂ ਤੋਂ ਨਵਾਂ ਸਾਲ ਮਨਾਉਣ ਆਪਣੇ ਪਰਿਵਾਰਾਂ ਕੋਲ ਜਾਂਦੇ ਹਨ। ਬਹੁਤ ਸਾਰੇ ਚੀਨੀ ਨਾਗਰਿਕ ਵਿਦੇਸ਼ਾਂ ਤੋਂ ਵੀ ਇਸ ਮੌਕੇ ਚੀਨ ਪਹੁੰਚਦੇ ਹਨ।
ਸਫ਼ਰ ਦੀਆਂ ਪਾਬੰਦੀਆਂ ਕਾਰਨ ਇਹ ਲੋਕ ਹੁਣ ਆਪਣੇ ਘਰਾਂ ਵਿੱਚ ਬੰਦ ਹਨ ਅਤੇ ਕਾਮਿਆਂ ਤੇ ਵਸਤਾਂ ਦੀ ਆਵਾਜਾਈ ਪ੍ਰਭਾਵਿਤ ਹੋਈ ਹੈ।
ਜੂਏ ’ਤੇ ਆਰਜੀ ਰੋਕ
ਚੀਨ ਦਾ ਸ਼ਹਿਰ ਮਕਾਓ ਦੁਨੀਆਂ ਵਿੱਚ ਜੂਏ ਦਾ ਸਭ ਤੋਂ ਵੱਡਾ ਕੇਂਦਰ ਹੈ। ਇੱਥੇ ਪ੍ਰਸ਼ਾਸਨ ਨੇ ਜੂਏ ਉੱਪਰ 5 ਫਰਵਰੀ ਤੋਂ 15 ਦਿਨਾਂ ਲਈ ਪਾਬੰਦੀ ਲਾ ਦਿੱਤੀ ਹੈ।
ਇਸ ਤੋਂ ਵੀ ਪਹਿਲਾਂ, ਚੀਨ ਵਿੱਚ ਨਵੇਂ ਸਾਲ ਲਈ ਆਉਣ ਵਾਲੇ ਵਿਦੇਸ਼ੀਆਂ ਦੀ ਗਿਣਤੀ ਵਿੱਚ ਵੀ ਕਮੀ ਦਰਜ ਕੀਤੀ ਗਈ। ਚੀਨ ਵਿੱਚ ਨਵੇਂ ਸਾਲ ਦੇ ਇਸ ਹਫ਼ਤੇ ਨੂੰ ਸੁਨਹਿਰੀ ਹਫ਼ਤਾ ਸਮਝਿਆ ਜਾਂਦਾ ਹੈ। ਜਦਕਿ ਇਸ ਵਾਰ ਵਾਇਰਸ ਦੇ ਡਰ ਕਾਰਨ ਵਿਦੇਸ਼ੀ ਇਹ ਰੌਣਕਾਂ ਦੇਖਣ ਚੀਨ ਨਹੀਂ ਪਹੁੰਚੇ।
ਮਕਾਓ ਵਿੱਚ ਹੋਟਲ ਅਤੇ ਜੂਆਘਰ ਦੀ ਮਾਲਕ ਕੰਪਨੀ ਵਾਇਨ ਰਿਜ਼ੋਰਟਸ ਮੁਤਾਬਕ ਕੰਪਨੀ ਨੂੰ ਬੰਦ ਰਹਿਣ ਕਾਰਨ ਹਰ ਰੋਜ਼ ਪੱਚੀ ਲੱਖ ਡਾਲਰ ਦਾ ਨੁਕਸਾਨ ਹੋ ਰਿਹਾ ਹੈ।
![ਮਕਾਓ ’ਤੇ ‘ਸੁਨਹਿਰੀ ਹਫ਼ਤੇ’ ਦੌਰਾਨ ਪਿਆ ਅਸਰ. [] 83% 2019 ’ਚ ਚੀਨ ਆਏ ਸੈਲਾਨੀਆਂ ਦੇ ਮੁਕਾਬਲੇ ਕਮੀ ] [] 9, 40, 123 2019 ਨਾਲੋਂ ਘੱਟ ਸੈਲਾਨੀ ],[] 43.8% ਹੋਟਲਾਂ ਵਿੱਚ ਔਸਤ ਮਹਿਮਾਨਾਂ ਦੀ ਦਰ ਨਾਲੋਂ ਕਮੀ ], Source: Source: Macao Government Tourism Office, Image: Casino Lisboa in Macau.](https://ichef.bbci.co.uk/news/amp/idt2/470/7716f42c-e15d-464b-b2e5-9d062b962b9c)
ਕਸੀਨੋ ਦੋ ਖੇਤਰ ਵਿੱਚ ਲਗਭਗ 12 ਹਜ਼ਾਰ ਮੁਲਾਜ਼ਮ ਹਨ।
ਬਹੁਕੌਮੀ ਕੰਪਨੀਆਂ ਦਾ ਹਰਜਾ
ਵਾਇਰਸ ਦਾ ਅਸਰ ਚੀਨ ਤੋਂ ਬਾਹਰ ਵਾ ਫੈਲ ਗਿਆ ਹੈ।
ਦੱਖਣੀ ਕੋਰੀਆ ਦੀ ਕੰਪਨੀ ਹੁੰਡਾਈ ਨੇ ਕਾਰਾਂ ਦਾ ਉਤਪਾਦਨ ਰੋਕ ਦਿੱਤਾ ਹੈ। ਕਿਉਂਕਿ ਚੀਨ ਤੋਂ ਮਿਲਣ ਵਾਲੇ ਕਲ-ਪੁਰਜ਼ੇ ਨਹੀਂ ਆ ਰਹੇ। ਇਸ ਨੂੰ ਆਉਣ ਵਾਲੀ ਮੰਦੀ ਦਾ ਇੱਕ ਸੰਕੇਤ ਹੀ ਸਮਝਿਆ ਜਾ ਸਕਦਾ ਹੈ।
![ਕੋਰੋਨਾਵਾਇਰਸ: ਚੀਨ ਦੀ ਕਾਰ ਸਨਅਤ ’ਤੇ ਅਸਰ. ਹੁੰਡਾਈ ਨੇ ਦ. ਕੋਰੀਆ ਵਿੱਚ ਆਪਣੀਆਂ ਫੈਕਟਰੀਆਂ ’ਚ ਚੀਨ ਤੋਂ ਆਉਣ ਵਾਲੇ ਕਲ-ਪੁਰਜ਼ਿਆਂ ਦੀ ਕਮੀ ਕਾਰਨ ਉਤਪਾਦਨ ਰੋਕਿਆ। ਜਦਕਿ ਫੋਕਸਵੈਗਨ ਤੇ BMW ਚੀਨ ’ਚ ਉਤਪਾਦਨ ਰੋਕ ਦਿੱਤਾ ਹੈ [] 37% ਹੁੰਡਾਈ ਕਾਰਾਂ ਦੱਖਣੀ ਕੋਰੀਆ ’ਚ ਬਣਦੀਆਂ ਹਨ ] [] $660m ਕਿਸੇ ਕੰਮ ਵਾਲੇ ਦਿਨ ਜਰਮਨ ਕਾਰ ਕੰਪਨੀਆਂ ਦੀ ਚੀਨ ’ਚ ਕਮਾਈ ],[] 40 ਜਰਮਨ ਕਾਰ ਕੰਪਨੀਆਂ ਦੇ ਚੀਨ ਵਿੱਚ ਪਲਾਂਟ ],[] 100,000 ਫੋਕਸਵੈਗਨ ਦੇ ਚੀਨ ਵਿੱਚ ਮੁਲਾਜ਼ਮ ], Source: Source: Hyundai, Bernstein, Image: A worker in Hyundai's Cangzhou factory in China tightens screws on a vehicle.](https://ichef.bbci.co.uk/news/amp/idt2/470/b2dfb892-6dcf-4036-a8d0-e6841a28f2c3)
ਕੌਮਾਂਤਰੀ ਕੰਪਨੀਆਂ ਨੇ ਆਪਣੇ ਸ਼ੋਰੂਮ ਬੰਦ ਕਰ ਦਿੱਤੇ ਹਨ। ਜਿਨ੍ਹਾਂ ਵਿੱਚ ਫਰਨੀਚਰ ਵਿਕਰੇਤਾ ਇਕਾ ਤੇ ਸਟਾਰਬੱਕਸ ਵਰਗੀਆਂ ਕੰਪਨੀਆਂ ਸ਼ਾਮਲ ਹਨ।
ਸ਼ੇਅਰ ਬਜ਼ਾਰਾਂ ਤੇ ਵੀ ਇਸ ਸਿਹਤ ਐਮਰਜੈਂਸੀ ਦਾ ਅਸਰ ਪੈਣਾ ਸ਼ੁਰੂ ਹੋ ਗਿਆ ਹੈ।
ਸ਼ੰਘਾਈ ਸ਼ੇਅਰ ਬਜ਼ਾਰ ਦੇ ਬਾਹਰ ਵਾਇਰਸ ਨਾਸ਼ਕਾਂ ਦਾ ਛਿੜਕਾਅ ਕੀਤਾ ਜਾ ਰਿਹਾ ਹੈ
ਤੇਲ ਕੀਤਮਾਂ ਵਿੱਚ ਨਿਘਾਰ
ਕੱਚੇ ਤੇਲ ਦੀਆਂ ਕੀਮਤਾਂ ਇਸ ਸਾਲ ਦੇ ਸਭ ਤੋਂ ਹੇਠਲੇ ਪੱਧਰ ’ਤੇ ਹਨ।
![ਕੌਫ਼ੀ, ਤੇਲ ਤੇ ਧਾਤਾਂ ਵਿੱਚ ਕਮੀ. ਕੋਰੋਨਾਵਾਇਰਸ ਦਾ ਕਈ ਵਸਤੀਆਂ ’ਤੇ ਅਸਰ ਪਿਆ ਹੈ। ਜਿਸ ਕਾਰਨ ਜਿਸ ਕਾਰਨ ਚੀਜ਼ਾਂ ਦੇ ਮੁੱਲ ਸਾਲ ਦੇ ਸ਼ੁਰੂ ਵਿੱਚ ਹੀ ਗਿਰ ਗਏ ਹਨ [] 24% 2020 ਵਿੱਚ ਅਰੈਬਿਕਾ ਕੌਫ਼ੀ ਦੇ ਮੁੱਲ ਵਿੱਚ ਕਮੀ ] [] 17% 2020 ਵਿੱਚ ਬਰੈਂਟ ਆਇਲ ਦੇ ਮੁੱਲ ਵਿੱਚ ਕਮੀ ],[] 8% 2020 ਵਿੱਚ ਤਾਂਬੇ ਦੇ ਮੁੱਲ ਵਿੱਚ ਕਮੀ ], Source: Source: IFC Markets (as of 7 February 2020), Image: A barista in a Chinese cafe wears a facemask.](https://ichef.bbci.co.uk/news/amp/idt2/470/25ef9433-b9a8-487d-ab4a-a24d7905f732)
ਕੱਚੇ ਤੇਲ ਦੀਆਂ ਕੀਮਤਾਂ ਵਿੱਚ ਪਿਛਲੇ ਦੋ ਹਫ਼ਤਿਆਂ ਦੌਰਾਨ 15 ਫੀਸਦੀ ਦੀ ਗਿਰਾਵਟ ਆਈ ਹੈ। ਜਿਸ ਦਾ ਕਾਰਨ ਚੀਨ ਤੋਂ ਦਰਾਮਦ ਹੋਣ ਵਾਲੇ ਤੇਲ ਦੀ ਮੰਗ ਵਿੱਚ ਕਮੀ ਆਉਣਾ ਹੈ। ਚੀਨ ਦੀ ਉੱਘੀ ਤੇਲ ਕੰਪਨੀ ਸਿਨੋਪੈਕ ਨੇ ਉਤਪਾਦਨ ਵਿੱਚ ਕਮੀ ਕੀਤੀ ਹੈ।
ਤੇਲ ਉਤਪਾਦਕ ਦੇਸ਼ਾਂ ਦਾ ਇੱਕ ਸਮੂਹ ਤੇਲ ਦੀਆਂ ਕੀਮਤਾਂ ਵਧਾਉਣ ਦੇ ਯਤਨਾਂ ਵਜੋਂ ਉਤਪਾਦਨ ਵਿੱਚ ਕਮੀ ਕਰਨ ਬਾਰੇ ਵਿਚਾਰ ਕਰ ਰਿਹਾ ਹੈ।
ਚੀਨ ਦੇ ਬਜ਼ਾਰਾਂ ਵਿੱਚ ਪੂਰੀ ਸਰਗਮਰੀ ਹੁੰਦੀ ਹੈ ਪਰ ਵਾਇਰਸ ਕਾਰਨ ਸੁੰਨ ਪਸਰੀ ਹੋਈ ਹੈ
ਦੂਰ ਰਸੀ ਪ੍ਰਭਾਵ
ਕੁਝ ਪੇਸ਼ੇਨਗੋਆਂ ਨੇ ਵਾਇਰਸ ਕਾਰਨ ਹੋਣ ਵਾਲੇ ਨੁਕਸਾਨ ਦਾ ਅੰਦਾਜ਼ਾ ਲਾਉਣ ਦੀ ਕੋਸ਼ਿਸ਼ ਕੀਤੀ ਹੈ।
ਇਸ ਦੀ ਇੱਕ ਮਿਸਾਲ ਔਕਸਫੋਰਡ ਇਕਨੌਮਿਕਸ ਜਿਸ ਨੇ ਅਨੁਮਾਨ ਲਾਇਆ ਹੈ ਕਿ ਚੀਨੀ ਅਰਥਚਾਰਾ ਇਸ ਸਾਲ 5.6 ਫੀਸਦੀ ਦੀ ਦਰ ਨਾਲ ਵਧੇਗਾ। ਜਦਕਿ ਪਹਿਲਾਂ ਇਹ ਅਨੁਮਾਨ 6 ਫੀਸਦੀ ’ਤੇ ਰੱਖਿਆ ਗਿਆ ਸੀ।
ਵਿਸ਼ਵੀ ਆਰਥਿਕਤਾ ਵਿੱਚ ਵੀ 0.2 ਪ੍ਰਤੀਸ਼ਤ ਦੀ ਕਮੀ ਆਉਣ ਦੀ ਵੀ ਸੰਭਾਵਨਾ ਹੈ।
ਹਾਲਾਂਕਿ ਸੰਸਥਾਨ ਦਾ ਕਹਿਣਾ ਹੈ ਕਿ ਇਹ ਅਨੁਮਾਨ ਸਭ ਤੋਂ ਬਦਤਰ ਹਾਲਤ ਨੂੰ ਧਿਆਨ ਵਿੱਚ ਰੱਖੇ ਕੇ ਲਾਏ ਗਏ ਹਨ। ਇਸ ਕਾਰਨ ਕਿਹਾ ਜਾ ਸਕਦਾ ਹੈ ਕਿ ਇਸ ਵਾਇਰਸ ਦੇ ਆਰਥਿਕ ਅਸਰ ਹੋਰ ਵੀ ਗੰਭੀਰ ਹੋ ਸਕਦੇ ਹਨ।
ਇਹ ਵੀ ਪੜ੍ਹੋ:
ਵੀਡੀਓ: ਵੀਡੀਓ:ਬੀਬੀਸੀ ਪੰਜਾਬੀ ਨੂੰ ਲਿਆਓ ਆਪਣੇ ਮੋਬਾਈਲ 'ਤੇ
https://youtu.be/xWw19z7Edrs
ਵੀਡਿਓ: ਬਠਿੰਡੇ ਦੇ ਇਨ੍ਹਾਂ ਦੋ ਕਿਸਾਨਾਂ ਦੇ ਖੇਤੀ ਤਜਰਬੇ ਤੁਹਾਨੂੰ ਹੈਰਾਨ ਕਰ ਦੇਣਗੇ
https://www.youtube.com/watch?v=O4jRRnEAA0k
ਵੀਡੀਓ: ਕੋਰੋਨਾਵਾਇਰਸ ਬਾਰੇ ਲੋਕਾਂ ਲਈ ਕੀ ਹਨ ਹਦਾਇਤਾਂ
https://www.youtube.com/watch?v=xJFnyrBH6Aw
(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)
ਕੋਰੋਨਾ ਵਾਇਰਸ: ਦੁਨੀਆਂ ਦੀ ਕਾਰੋਬਾਰੀ ਸ਼ਕਤੀ ਕਹਾਉਣ ਵਾਲੇ ਚੀਨ ਤੋਂ ਕੀ ਮਾਸਕ ਪੂਰੇ ਨਹੀਂ ਹੋ ਰਹੇ
NEXT STORY 
