ਕੇਂਦਰੀ ਮੰਤਰੀ ਵਜੋਂ ਸਤੰਬਰ 2024 ਵਿਚ ਮੇਰਾ ਪਹਿਲਾ ਵਰਲਡ ਫੂਡ ਇੰਡੀਆ (ਡਬਲਿਊ. ਐੱਫ. ਆਈ.) ਮੇਰੇ ਲਈ ਯਾਦਗਾਰ ਅਨੁਭਵ ਰਿਹਾ। ਉਨ੍ਹਾਂ ਚਾਰ ਦਿਨਾਂ ਦੌਰਾਨ ਮੈਂ ਖੇਤ ਤੋਂ ਲੈ ਕੇ ਭੋਜਨ ਦੀ ਥਾਲੀ ਤੱਕ ਦੇ ਪੂਰੇ ਈਕੋਸਿਸਟਮ-ਆਲਮੀ ਖਰੀਦਦਾਰਾਂ ਨਾਲ ਰਾਜਾਂ ਦੇ ਪਵੇਲੀਅਨ, ਤਕਨਾਲੋਜੀ ਦੇ ਪ੍ਰਦਰਸ਼ਨਾਂ ਦੇ ਨਾਲ-ਨਾਲ ਐੱਫ. ਪੀ. ਓ. ਅਤੇ ਐੱਸ. ਐੱਚ. ਜੀ. ਅਤੇ ਨਿਵੇਸ਼ ਐਲਾਨਾਂ ਦੇ ਨਾਲ-ਨਾਲ ਨੀਤੀਗਤ ਸੰਵਾਦ ਨੂੰ –ਇਕੱਠਿਆਂ ਆਉਂਦੇ ਦੇਖਿਆ। ਇਸ ਨੇ ਪ੍ਰਧਾਨ ਮੰਤਰੀ ਸ਼੍ਰੀ ਨਰਿੰਦਰ ਮੋਦੀ ਜੀ ਦੇ ਦ੍ਰਿਸ਼ਟੀਕੋਣ ਅਨੁਸਾਰ ਭਾਰਤ ਨੂੰ ਗਲੋਬਲ ਫੂਡ ਬਾਸਕਿਟ ਬਣਾਉਣ ਦੇ ਇਕ ਰਣਨੀਤਿਕ ਮੰਚ ਵਜੋਂ ਡਬਲਿਊ. ਐੱਫ. ਆਈ. ਦੀ ਭੂਮਿਕਾ ਦੀ ਪੁਸ਼ਟੀ ਕੀਤੀ।
ਉਸ ਅਨੁਭਵ ਨੇ 2025 ਦੀ ਰੂਪ-ਰੇਖਾ ਤਿਆਰ ਕੀਤੀ। ਫੂਡ ਪ੍ਰੋਸੈਸਿੰਗ ਯੂਨਿਟਾਂ ਦੀਆਂ ਯਾਤਰਾਵਾਂ, ਉਦਯੋਗ ਜਗਤ ਦੇ ਦਿੱਗਜਾਂ ਦੇ ਨਾਲ ਸੰਵਾਦ ਅਤੇ ਗਲਫੂਡ ਅਤੇ ਡਬਲਿਊ. ਈ. ਐੱਫ. ਵਰਗੇ ਆਲਮੀ ਮੰਚਾਂ ’ਤੇ ਸ਼ਿਰਕਤ ਨਾਲ ਮੇਰੀ ਇਹ ਧਾਰਨਾ ਹੋਰ ਜ਼ਿਆਦਾ ਮਜ਼ਬੂਤ ਹੋਈ ਕਿ ਦੁਨੀਆ ਨੂੰ ਭਾਰਤ ਦੀ ਖੇਤੀਬਾੜੀ-ਖੁਰਾਕ ਵਿਭਿੰਨਤਾ ਅਤੇ ਸਮਰੱਥਾਵਾਂ ਨੂੰ ਦੇਖਣ ਦੀ ਲੋੜ ਪਹਿਲਾਂ ਨਾਲੋਂ ਕਿਤੇ ਵੱਧ ਹੈ। ਅਸੀਂ ਅਗਲੇ ਐਡੀਸ਼ਨ ਨੂੰ ਹੋਰ ਵੀ ਜ਼ਿਆਦਾ ਸਾਹਸੀ ਅਤੇ ਨਤੀਜਾ-ਮੁਖੀ ਬਣਾਉਣ, ਇਨੋਵੇਸ਼ਨ ਨੂੰ ਨਿਵੇਸ਼ ਵਿਚ ਬਦਲਣ ਅਤੇ ਭਾਰਤ ਨੂੰ ਭਰੋਸੇਯੋਗ ਆਲਮੀ ਖੁਰਾਕ ਕੇਂਦਰ ਦੇ ਰੂਪ ਵਿਚ ਸਥਾਪਿਤ ਕਰਨ ਦਾ ਸੰਕਲਪ ਲਿਆ।
ਇਸ ਇੱਛਾ ਨੂੰ ਅਨੁਕੂਲ ਨੀਤੀਗਤ ਸਥਿਤੀਆਂ, ਖਾਸ ਕਰ ਕੇ ਅਗਲੀ ਪੀੜ੍ਹੀ ਦੇ ਜੀ. ਐੱਸ. ਟੀ. ਸੁਧਾਰਾਂ ਦੁਆਰਾ ਬਲ ਮਿਲਿਆ ਹੈ। ਜ਼ਿਆਦਾਤਰ ਪ੍ਰੋਸੈੱਸਡ ਫੂਡ ਪ੍ਰੋਡਕਟਸ ’ਤੇ ਪੰਜ ਜਾਂ ਜ਼ੀਰੋ ਪ੍ਰਤੀਸ਼ਤ ਟੈਕਸ ਲਗਾ ਕੇ, ਇਨ੍ਹਾਂ ਸੁਧਾਰਾਂ ਨੇ ਇਸ ਖੇਤਰ ਲਈ ਇਕ ਅਨੁਕੂਲ ਅਤੇ ਪ੍ਰਤੀਯੋਗੀ ਮਾਹੌਲ ਤਿਆਰ ਕੀਤਾ ਹੈ।
ਇਸ ਪਿਛੋਕੜ ਦੇ ਨਾਲ, ਅਸੀਂ 25 ਤੋਂ 28 ਸਤੰਬਰ ਤੱਕ ਡਬਲਿਊ. ਐੱਫ. ਆਈ. 2025 ਦੀ ਮੇਜ਼ਬਾਨੀ ਲਈ ਤਿਆਰ ਹਾਂ। ਇਸ ਦਾ ਉਦਘਾਟਨ ਮਾਣਯੋਗ ਪ੍ਰਧਾਨ ਮੰਤਰੀ ਕਰਨਗੇ, ਜੋ ਇਸ ਖੇਤਰ ਲਈ ਸਰਕਾਰ ਦੀ ਉੱਚ ਪੱਧਰੀ ਤਰਜੀਹ ਨੂੰ ਦਰਸਾਉਂਦਾ ਹੈ। ਇਸ ਐਡੀਸ਼ਨ ਵਿਚ ਨਿਊਜ਼ੀਲੈਂਡ ਅਤੇ ਸਾਊਦੀ ਅਰਬ ਭਾਈਵਾਲ ਦੇਸ਼ ਹੋਣਗੇ, ਜਦਕਿ ਜਾਪਾਨ, ਸੰਯੁਕਤ ਅਰਬ ਅਮੀਰਾਤ (ਯੂ. ਏ. ਈ.), ਵੀਅਤਨਾਮ ਅਤੇ ਰੂਸ ਫੋਕਸ ਦੇਸ਼ ਹੋਣਗੇ। ਸਹਿਕਾਰੀ ਸੰਘਵਾਦ ਦੀ ਇਕ ਮਜ਼ਬੂਤ ਉਦਾਹਰਣ ਪੇਸ਼ ਕਰਦੇ ਹੋਏ, 21 ਰਾਜ ਅਤੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਸਥਾਨਕ ਵਿਸ਼ੇਸ਼ਤਾਵਾਂ ਨੂੰ ਪ੍ਰਦਰਸ਼ਿਤ ਕਰਨ ਵਾਲੇ ਪਵੇਲੀਅਨਾਂ ਨਾਲ ਸਮਾਗਮ ਨੂੰ ਖੁਸ਼ਹਾਲ ਕਰਨਗੇ।
ਡਬਲਿਊ. ਐੱਫ. ਆਈ. ਪੂਰੀ ਤਰ੍ਹਾਂ ਸਰਕਾਰੀ ਪ੍ਰਣਾਲੀ ਦੀ ਸ਼ਕਤੀ ਨਾਲ ਸੰਚਾਲਿਤ ਹੁੰਦਾ ਹੈ। ਜਿੱਥੇ ਇਕ ਪਾਸੇ, ਸਾਡਾ ਮੰਤਰਾਲਾ ਅਗਵਾਈ ਕਰਦਾ ਹੈ, ਉੱਥੇ ਹੀ ਅਸੀਂ ਵੈਲਿਊ ਚੇਨ ਦੇ ਸਾਰੇ ਮੰਤਰਾਲਿਆਂ ਅਤੇ ਉਨ੍ਹਾਂ ਅਧੀਨ ਏਜੰਸੀਆਂ ਦੇ ਨਾਲ ਮੋਢੇ ਨਾਲ ਮੋਢਾ ਮਿਲਾ ਕੇ ਕੰਮ ਕਰਦੇ ਹਨ ਤਾਂ ਜੋ ਉਤਪਾਦਨ, ਮਿਆਰ, ਵਪਾਰ ਅਤੇ ਨਿਵੇਸ਼ ਆਪਸੀ ਤਾਲਮੇਲ ਨਾਲ ਅੱਗੇ ਵਧ ਸਕਣ।
ਡਬਲਿਊ. ਐੱਫ. ਆਈ. ਦਾ ਏਜੰਡਾ ਪੰਜ ਮੁੱਖ ਥੰਮ੍ਹਾਂ-ਸਥਿਰਤਾ ਅਤੇ ਨੈੱਟ-ਜ਼ੀਰੋ ਫੂਡ ਪ੍ਰੋਸੈਸਿੰਗ; ਭਾਰਤ ਇਕ ਗਲੋਬਲ ਫੂਡ ਪ੍ਰੋਸੈਸਿੰਗ ਹੱਬ ਵਜੋਂ; ਫੂਡ ਪ੍ਰੋਸੈਸਿੰਗ, ਉਤਪਾਦ ਅਤੇ ਪੈਕੇਜਿੰਗ ਤਕਨਾਲੋਜੀਆਂ ਵਿਚ ਮੋਹਰੀ, ਪੋਸ਼ਣ ਅਤੇ ਸਿਹਤ ਲਈ ਪ੍ਰੋਸੈੱਸਡ ਫੂਡ, ਗ੍ਰਾਮੀਣ ਅਰਥਵਿਵਸਥਾ ਨੂੰ ਗਤੀ ਦੇਣ ਵਾਲੇ ਪਸ਼ੂਧਨ ਅਤੇ ਸਮੁੰਦਰੀ ਉਤਪਾਦ ’ਤੇ ਅਾਧਾਰਿਤ ਹੈ।
ਪੀ. ਐੱਮ. ਐੱਫ. ਐੱਮ. ਈ. ਲਘੂ ਉੱਦਮੀਆਂ ਦੀ ਜ਼ਿਕਰਯੋਗ ਸਫ਼ਲਤਾ ਡਬਲਿਊ. ਐੱਫ. ਆਈ. ਦੇ ਪ੍ਰਭਾਵ ਨੂੰ ਦਰਸਾਉਂਦੀ ਹੈ। ਮੁਫ਼ਤ ਸਟਾਲ ਉਨ੍ਹਾਂ ਨੂੰ ਸਮਾਗਮ ਦੇ ਕੇਂਦਰ ਵਿਚ ਬਣਾਏ ਰੱਖਦੇ ਹਨ, ਜਿਸ ਨਾਲ ਉਨ੍ਹਾਂ ਦਾ ਘਰੇਲੂ ਅਤੇ ਆਲਮੀ ਦਿੱਗਜਾਂ ਨਾਲ ਜੁੜਨਾ ਸੰਭਵ ਹੁੰਦਾ ਹੈ। ਉਨ੍ਹਾਂ ਦੀ ਭਾਈਵਾਲੀ ਨਾਲ ਕਰੋੜਾਂ ਦੇ ਵਪਾਰਕ ਆਰਡਰ ਅਤੇ ਸਥਾਈ ਸਾਂਝੇਦਾਰੀਆਂ ਪ੍ਰਾਪਤ ਹੋਈਆਂ ਹਨ। ਅਸੀਂ ਮਾਣ ਨਾਲ ਭਾਰਤ ਦੇ ਸਭ ਤੋਂ ਛੋਟੇ ਉੱਦਮੀਆਂ ਲਈ ਵੀ ਇਕੋ ਜਿਹੇ ਮੌਕੇ ਯਕੀਨੀ ਬਣਾਉਂਦੇ ਹਾਂ।
ਡਬਲਿਊ. ਐੱਫ. ਆਈ. ਦੀ ਭਰੋਸੇਯੋਗਤਾ ਇਸ ਦੇ ਕੰਮ ਦੇ ਪ੍ਰਦਰਸ਼ਨ ’ਤੇ ਅਾਧਾਰਿਤ ਹੈ। 2017 ਤੋਂ, ਇਸ ਨੇ 38,000 ਕਰੋੜ ਰੁਪਏ ਤੋਂ ਵੱਧ ਦਾ ਨਿਵੇਸ਼ ਹਾਸਲ ਕੀਤਾ ਹੈ। 2024 ਦੇ ਐਡੀਸ਼ਨ ਵਿਚ 1,500 ਤੋਂ ਵੱਧ ਪ੍ਰਦਰਸ਼ਕ ਅਤੇ 20 ਕੰਟਰੀ ਪਵੇਲੀਅਨ ਸ਼ਾਮਲ ਹੋਏ ਸਨ, ਜਿਸ ਨਾਲ 93 ਮਿਲੀਅਨ ਡਾਲਰ ਦੇ ਵਪਾਰਕ ਆਰਡਰ ਮਿਲੇ। 50 ਤੋਂ ਵੱਧ ਨਵੀਆਂ ਪ੍ਰੋਸੈਸਿੰਗ ਯੂਨਿਟਾਂ ਦਾ ਉਦਘਾਟਨ ਕੀਤਾ ਗਿਆ, 25,000 ਸੂਖਮ-ਉੱਦਮਾਂ ਨੂੰ ਸਬਸਿਡੀ ਦਿੱਤੀ ਗਈ ਅਤੇ 245 ਕਰੋੜ ਰੁਪਏ ਦੇ ਸ਼ੁਰੂਆਤੀ ਨਿਵੇਸ਼ ਨਾਲ 70,000 ਮਹਿਲਾ ਸਵੈ-ਸਹਾਇਤਾ ਸਮੂਹਾਂ ਨੂੰ ਮਦਦ ਮਿਲੀ। 1,100 ਤੋਂ ਵੱਧ ਕਿਊ. ਆਰ.-ਕੋਡ ਵਾਲੀਆਂ ਅਚਾਰ ਦੀਆਂ ਕਿਸਮਾਂ ਵਾਲੀ ਇਕ ਵਾਲ (ਦੀਵਾਰ), ਜੋ ਆਪਣੇ ਆਪ ਵਿਚ ਇਕ ਰਿਕਾਰਡ ਹੈ, ਛੋਟੇ ਉਤਪਾਦਕਾਂ ਲਈ ਸਿੱਧੀ ਮਾਰਕੀਟ ਪਹੁੰਚ ਨੂੰ ਦਰਸਾਉਂਦੀ ਹੈ।
ਵਰਲਡ ਫੂਡ ਇੰਡੀਆ 2025 ਇਕ ਸਰਲ ਤਰਕ :
ਜਦ ਨਵੀਨਤਾ ਨਿਵੇਸ਼ ਅਤੇ ਮਿਆਰਾਂ ਨਾਲ ਮਿਲਦੀ ਹੈ, ਤਾਂ ਖੁਸ਼ਹਾਲੀ ਆਪਣੇ ਆਪ ਆਉਂਦੀ ਹੈ, ਨੂੰ ਸਾਕਾਰ ਕਰਦਾ ਹੈ। ਇਹ ਉਹੀ ਥਾਂ ਹੈ, ਜਿੱਥੇ ਇਕ ਸਟਾਰਟਅੱਪ ਅੰਤਰਰਾਸ਼ਟਰੀ ਨਿਵੇਸ਼ਕਾਂ ਦੇ ਸਾਹਮਣੇ ਆਪਣੇ ਵਿਚਾਰ ਪੇਸ਼ ਕਰ ਸਕਦਾ ਹੈ, ਇਕ ਐੱਸ. ਐੱਚ. ਜੀ. ਆਰਗੈਨਿਕ ਅਚਾਰ ਲਈ ਖਰੀਦਦਾਰ ਲੱਭ ਸਕਦਾ ਹੈ ਅਤੇ ਰਾਜ ਬਹੁਰਾਸ਼ਟਰੀ ਪਲਾਂਟਾਂ ਨੂੰ ਆਕਰਸ਼ਿਤ ਕਰ ਸਕਦੇ ਹਨ। ਜਿਵੇਂ ਕਿ ਪ੍ਰਧਾਨ ਮੰਤਰੀ ਨੇ ਕਿਹਾ ਹੈ, ਭਾਰਤ ਦੀ ਖੁਰਾਕ ਵਿਭਿੰਨਤਾ ਹਰੇਕ ਆਲਮੀ ਨਿਵੇਸ਼ਕ ਲਈ ਲਾਭਅੰਸ਼ ਹੈ। ਫੂਡ ਪ੍ਰੋਸੈਸਿੰਗ ਹੀ ਉਹ ਕੜੀ ਹੈ, ਜੋ ਇਸ ਸਮਰੱਥਾ ਨੂੰ ਰੁਜ਼ਗਾਰ, ਕਿਸਾਨਾਂ ਲਈ ਬਿਹਤਰ ਆਮਦਨ ਅਤੇ ਵਧੇਰੇ ਵੈਲਿਊ–ਐਡਿਡ ਐਕਸਪੋਰਟ ਬਾਸਕਿਟ ਵਿਚ ਬਦਲਦੀ ਹੈ।
ਸਾਰੇ ਪਾਠਕਾਂ, ਹਿੱਤਧਾਰਕਾਂ ਅਤੇ ਸ਼ੁੱਭਚਿੰਤਕਾਂ ਲਈ :
ਵਰਲਡ ਫੂਡ ਇੰਡੀਆ 2025 ਵਿਚ ਸਾਡੇ ਨਾਲ ਜੁੜੋ ਅਤੇ ਇਸ ਗੱਲ ਦੇ ਗਵਾਹ ਬਣੋ ਕਿ ਕਿਸ ਤਰ੍ਹਾਂ ਨਾਲ 1.4 ਬਿਲੀਅਨ ਆਬਾਦੀ ਵਾਲਾ ਰਾਸ਼ਟਰ ਤਕਨੀਕ, ਨਵੀਨਤਾ ਅਤੇ ਸਮਰਪਣ ਨਾਲ ‘ਖੁਸ਼ਹਾਲੀ ਲਈ ਪ੍ਰੋਸੈਸਿੰਗ’ ਕਰ ਰਿਹਾ ਹੈ। ਤਾਂ ਤਿਆਰ ਹੋ ਜਾਓ, ਇਕ ਅਜਿਹੇ ਆਯੋਜਨ ਲਈ –ਜਿੱਥੇ ਸਾਹਸੀ ਦ੍ਰਿਸ਼ਟੀਕੋਣ ਅਤੇ ਸ਼ਾਨਦਾਰ ਸੁਆਦ ਮਿਲ ਕੇ ਸੰਭਾਵਨਾਵਾਂ ਦੀ ਇਕ ਨਵੀਂ ਦੁਨੀਆ ਨੂੰ ਪ੍ਰੇਰਿਤ ਕਰਦੇ ਹਨ।
-ਚਿਰਾਗ ਪਾਸਵਾਨ
(ਕੇਂਦਰੀ ਫੂਡ ਪ੍ਰੋਸੈਸਿੰਗ ਉਦਯੋਗ ਮੰਤਰੀ)
ਲੀਡਰਸ਼ਿਪ ਦਾ ਮੁਲਾਂਕਣ ਕਰਦੇ ਸਮੇਂ ਵੋਟਰ ਉਮਰ ਨਹੀਂ ਦੇਖਦੇ
NEXT STORY 
