ਨਵੀਂ ਦਿੱਲੀ — ਅਰਥਵਿਵਸਥਾ ਦੇ ਮੋਰਚੇ 'ਤੇ ਚੰਗੀ ਖਬਰ ਹੈ। ਦਰਅਸਲ ਟੈਕਸ ਵਸੂਲੀ ਨੂੰ ਲੈ ਕੇ ਰਾਹਤ ਦੀ ਖ਼ਬਰ ਹੈ। ਮੌਜੂਦਾ ਵਿੱਤੀ ਸਾਲ 'ਚ ਹੁਣ ਤੱਕ ਕੁੱਲ ਪ੍ਰਤੱਖ ਟੈਕਸ ਕੁਲੈਕਸ਼ਨ ਲਗਭਗ 26 ਫੀਸਦੀ ਵਧ ਕੇ 13.63 ਲੱਖ ਕਰੋੜ ਰੁਪਏ ਤੋਂ ਜ਼ਿਆਦਾ ਹੋ ਗਿਆ ਹੈ। TDS ਵਿੱਚ ਕਟੌਤੀ ਅਤੇ ਕਾਰਪੋਰੇਟ ਐਡਵਾਂਸ ਟੈਕਸ ਕਲੈਕਸ਼ਨ ਦੀ ਬਿਹਤਰ ਕਾਰਗੁਜ਼ਾਰੀ ਨੇ ਇਸ ਵਾਧੇ ਵਿੱਚ ਮਹੱਤਵਪੂਰਨ ਯੋਗਦਾਨ ਪਾਇਆ ਹੈ। ਇਹ ਜਾਣਕਾਰੀ ਇੱਕ ਅਧਿਕਾਰਤ ਬਿਆਨ ਵਿੱਚ ਦਿੱਤੀ ਗਈ। ਇਸ ਅਨੁਸਾਰ ਰਿਫੰਡ ਦੇ ਸਮਾਯੋਜਨ ਤੋਂ ਬਾਅਦ, ਚਾਲੂ ਵਿੱਤੀ ਸਾਲ ਵਿੱਚ ਹੁਣ ਤੱਕ ਸ਼ੁੱਧ ਪ੍ਰਤੱਖ ਟੈਕਸ ਕੁਲੈਕਸ਼ਨ 11.35 ਲੱਖ ਕਰੋੜ ਰੁਪਏ ਰਿਹਾ ਹੈ। ਇਸ ਵਿੱਚ ਨਿੱਜੀ ਅਤੇ ਕਾਰਪੋਰੇਟ ਟੈਕਸ ਸ਼ਾਮਲ ਹਨ।
ਇਹ ਵੀ ਪੜ੍ਹੋ : Twitter ਦੇ ਦਫ਼ਤਰਾਂ ਦਾ ਕਿਰਾਇਆ ਨਹੀਂ ਦੇ ਰਹੇ Elon Musk, ਵੇਚ ਰਹੇ ਰਸੋਈ ਦਾ ਸਮਾਨ
ਪੂਰੇ ਸਾਲ ਲਈ ਬਜਟ ਅਨੁਮਾਨ ਦਾ 80%
ਇਹ ਬਜਟ 'ਚ ਪੂਰੇ ਸਾਲ ਲਈ ਰੱਖੇ ਗਏ ਟੀਚੇ ਦਾ ਲਗਭਗ 80 ਫੀਸਦੀ ਹੈ। ਮੌਜੂਦਾ ਵਿੱਤੀ ਸਾਲ ਲਈ ਸਿੱਧੇ ਟੈਕਸ ਸੰਗ੍ਰਹਿ ਦਾ ਬਜਟ ਅਨੁਮਾਨ 14.20 ਲੱਖ ਕਰੋੜ ਰੁਪਏ ਸੀ। ਕੁੱਲ ਪ੍ਰਤੱਖ ਟੈਕਸ ਕੁਲੈਕਸ਼ਨ 1363649 ਕਰੋੜ ਰੁਪਏ ਰਿਹਾ, ਜੋ ਪਿਛਲੇ ਸਾਲ ਦੀ ਇਸੇ ਮਿਆਦ 'ਚ 1083150 ਕਰੋੜ ਰੁਪਏ ਸੀ। ਇਸ ਤਰ੍ਹਾਂ ਸਾਲਾਨਾ ਆਧਾਰ 'ਤੇ ਕੁੱਲ ਪ੍ਰਤੱਖ ਟੈਕਸ ਕੁਲੈਕਸ਼ਨ 'ਚ 25.90 ਫੀਸਦੀ ਦਾ ਵਾਧਾ ਹੋਇਆ ਹੈ।
ਇਹ ਵੀ ਪੜ੍ਹੋ : 42 ਫ਼ੀਸਦੀ ਤੱਕ ਡਿੱਗੀਆਂ ਕੱਚੇ ਤੇਲ ਦੀਆਂ ਕੀਮਤਾਂ , 2 ਰੁਪਏ ਵੀ ਨਹੀਂ ਘਟੇ ਪੈਟਰੋਲ-ਡੀਜ਼ਲ ਦੇ ਰੇਟ
17 ਦਸੰਬਰ, 2022 ਤੱਕ 2.28 ਲੱਖ ਕਰੋੜ ਰੁਪਏ ਦੇ ਰਿਫੰਡ ਜਾਰੀ ਕੀਤੇ ਗਏ
ਕੇਂਦਰੀ ਪ੍ਰਤੱਖ ਕਰ ਬੋਰਡ (ਸੀਬੀਡੀਟੀ) ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ 17 ਦਸੰਬਰ, 2022 ਤੱਕ 2.28 ਲੱਖ ਕਰੋੜ ਰੁਪਏ ਦੇ ਰਿਫੰਡ ਜਾਰੀ ਕੀਤੇ ਗਏ ਹਨ, ਜੋ ਇੱਕ ਸਾਲ ਪਹਿਲਾਂ ਦੇ ਮੁਕਾਬਲੇ 68 ਫੀਸਦੀ ਵੱਧ ਹੈ। ਬਿਆਨ ਮੁਤਾਬਕ 13,63,649 ਕਰੋੜ ਰੁਪਏ ਦੇ ਕੁੱਲ ਸੰਗ੍ਰਹਿ ਵਿੱਚ ਕਾਰਪੋਰੇਟ ਟੈਕਸ 7.25 ਲੱਖ ਕਰੋੜ ਰੁਪਏ ਅਤੇ ਨਿੱਜੀ ਆਮਦਨ ਕਰ (ਪੀਆਈਟੀ) 6.35 ਲੱਖ ਕਰੋੜ ਰੁਪਏ ਸ਼ਾਮਲ ਹਨ।
ਦੇਸ਼ ਦੀਆਂ ਆਰਥਿਕ ਗਤੀਵਿਧੀਆਂ ਦੀ ਸੂਚਕ ਹੁੰਦੀ ਹੈ ਟੈਕਸ ਉਗਰਾਹੀ
ਟੈਕਸ ਇਕੱਠਾ ਕਰਨਾ ਕਿਸੇ ਵੀ ਦੇਸ਼ ਦੀਆਂ ਆਰਥਿਕ ਗਤੀਵਿਧੀਆਂ ਦਾ ਸੂਚਕ ਹੁੰਦਾ ਹੈ। ਕੁੱਲ ਕੁਲੈਕਸ਼ਨ ਵਿੱਚ 5.21 ਲੱਖ ਕਰੋੜ ਰੁਪਏ ਦਾ ਐਡਵਾਂਸ ਟੈਕਸ ਕਲੈਕਸ਼ਨ, 6.44 ਲੱਖ ਕਰੋੜ ਰੁਪਏ ਦਾ ਟੀਡੀਐਸ ਅਤੇ 1.40 ਲੱਖ ਕਰੋੜ ਰੁਪਏ ਦਾ ਸਵੈ-ਮੁਲਾਂਕਣ ਟੈਕਸ ਸ਼ਾਮਲ ਹੈ।
ਇਹ ਵੀ ਪੜ੍ਹੋ : ਕੇਂਦਰ ਦੀ ਟੈਕਸ ਰਾਸ਼ੀ 'ਚ ਸੈੱਸ ਯੋਗਦਾਨ 7 ਸਾਲਾਂ ਵਿਚ ਦੁੱਗਣਾ ਹੋ ਕੇ 18% ਹੋਇਆ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
BMW ਮੋਟਰੈਡ ਨੂੰ ਅਗਲੇ ਸਾਲ ਭਾਰਤ 'ਚ ਦੋਹਾਈ ਅੰਕ 'ਚ ਵਿਕਰੀ ਦੀ ਉਮੀਦ
NEXT STORY 
