ਨਵੀਂ ਦਿੱਲੀ— ਪੰਜਾਬ ਨੈਸ਼ਨਲ ਬੈਂਕ (ਪੀ. ਐੱਨ. ਬੀ.) ਦੇ ਗਾਹਕਾਂ ਨੂੰ ਹੁਣ 5000 ਤੋਂ ਵਧ ਰੁਪਏ ਜਮ੍ਹਾ ਕਰਾਉਣਾ ਮਹਿੰਗਾ ਪਵੇਗਾ ਕਿਉਂਕਿ ਬੈਂਕ ਦੇ ਨਵੇਂ ਨਿਯਮਾਂ ਮੁਤਾਬਕ, ਜਿਹੜੇ ਗਾਹਕ ਆਪਣੀ ਹੋਮ ਬਰਾਂਚ ਤੋਂ ਇਲਾਵਾ ਉਸੇ ਸ਼ਹਿਰ 'ਚ ਬੈਂਕ ਦੀ ਦੂਜੀ ਬਰਾਂਚ 'ਚ ਪੈਸੇ ਜਮ੍ਹਾ ਕਰਾਉਣਗੇ ਉਨ੍ਹਾਂ ਨੂੰ ਜ਼ਿਆਦਾ ਚਾਰਜ ਦਾ ਭੁਗਤਾਨ ਕਰਨਾ ਪਵੇਗਾ। ਹੁਣ ਤਕ ਪੀ. ਐੱਨ. ਬੀ. ਦੇ ਗਾਹਕਾਂ ਨੂੰ 25,000 ਰੁਪਏ ਤੋਂ ਵਧ ਰੁਪਏ ਉਸੇ ਸ਼ਹਿਰ ਦੀ ਦੂਜੀ ਬਰਾਂਚ 'ਚ ਜਮ੍ਹਾ ਕਰਾਉਣ 'ਤੇ ਚਾਰਜ ਦੇਣਾ ਹੁੰਦਾ ਹੈ। ਨਵਾਂ ਨਿਯਮ 1 ਸਤੰਬਰ 2017 ਤੋਂ ਲਾਗੂ ਹੋਵੇਗਾ।
ਨਕਦ ਪੈਸੇ ਜਮ੍ਹਾ ਕਰਾਉਣ 'ਤੇ ਲੱਗੇਗਾ ਇੰਨਾ ਚਾਰਜ
ਜੇਕਰ ਹੁਣ ਤੁਸੀਂ ਆਪਣੇ ਸ਼ਹਿਰ 'ਚ ਪੀ. ਐੱਨ. ਬੀ. ਦੀ ਦੂਜੀ ਬਰਾਂਚ ਯਾਨੀ ਜਿੱਥੇ ਤੁਹਾਡਾ ਖਾਤਾ ਨਹੀਂ ਹੈ, ਉੱਥੇ 5000 ਤੋਂ ਵਧ ਰੁਪਏ ਜਮ੍ਹਾ ਕਰਵਾਉਗੇ ਤਾਂ ਹਰ ਹਜ਼ਾਰ ਰੁਪਏ ਪਿੱਛੇ ਤੁਹਾਨੂੰ 1 ਰੁਪਏ ਦਾ ਚਾਰਜ ਦੇਣਾ ਹੋਵੇਗਾ, ਇਸ ਤਹਿਤ ਘੱਟੋ-ਘੱਟ ਚਾਰਜ 25 ਰੁਪਏ ਹੋਵੇਗਾ। ਉੱਥੇ ਹੀ, ਦੂਜੇ ਸ਼ਹਿਰ ਦੀ ਬਰਾਂਚ 'ਚ ਵੀ ਪੈਸੇ ਜਮ੍ਹਾ ਕਰਾਉਣ ਦੀ ਲਿਮਟ ਨੂੰ 25 ਹਜ਼ਾਰ ਤੋਂ ਘਟਾ ਕੇ 5000 ਰੁਪਏ ਕਰ ਦਿੱਤਾ ਗਿਆ ਹੈ, ਇਸ ਲਿਮਟ ਤੋਂ ਉਪਰ ਪੈਸੇ ਜਮ੍ਹਾ ਕਰਾਉਣ 'ਤੇ ਹਰ 1,000 ਰੁਪਏ ਪਿੱਛੇ 2 ਰੁਪਏ ਚਾਰਜ ਜਾਂ ਘੱਟੋ-ਘੱਟ 25 ਰੁਪਏ ਪ੍ਰਤੀ ਟ੍ਰਾਂਜੈਕਸ਼ਨ ਲੱਗਣਗੇ।
ਇਸ ਦੇ ਇਲਾਵਾ ਪੀ. ਐੱਨ. ਬੀ. ਨੇ ਵੱਖ-ਵੱਖ ਲਾਕਰਾਂ ਦਾ ਕਿਰਾਇਆ 25 ਫੀਸਦੀ ਤਕ ਵਧਾ ਦਿੱਤਾ ਹੈ। ਵੱਡੇ ਸ਼ਹਿਰਾਂ 'ਚ ਛੋਟੇ, ਦਰਮਿਆਨੇ, ਵੱਡੇ ਅਤੇ ਜ਼ਿਆਦਾ ਵੱਡੇ ਆਕਾਰ ਦੇ ਲਾਕਰਾਂ ਦੇ ਚਾਰਜ ਵਧਾ ਕੇ 1,500 ਰੁਪਏ, 3,500 ਰੁਪਏ, 5,500 ਰੁਪਏ ਅਤੇ 10,000 ਰੁਪਏ ਕਰ ਦਿੱਤੇ ਗਏ ਹਨ। ਇਨ੍ਹਾਂ ਸਾਰੇ ਚਾਰਜਾਂ 'ਚ ਜੀ. ਐੱਸ. ਟੀ. ਸ਼ਾਮਲ ਨਹੀਂ ਕੀਤਾ ਗਿਆ ਹੈ। ਜ਼ਿਕਰਯੋਗ ਹੈ ਕਿ 1 ਜੁਲਾਈ ਤੋਂ ਬੈਂਕਿੰਗ ਸੇਵਾਵਾਂ 'ਤੇ 18 ਫੀਸਦੀ ਜੀ. ਐੱਸ. ਟੀ. ਲਾਗੂ ਕੀਤਾ ਗਿਆ ਹੈ, ਜਿੱਥੇ ਪਹਿਲਾਂ 15 ਫੀਸਦੀ ਸਰਵਿਸ ਚਾਰਜ ਲੱਗਦਾ ਸੀ।
7 ਕੰਪਨੀਆਂ ਦਾ ਬਾਜ਼ਾਰ ਪੂੰਜੀਕਰਣ 40,799 ਕਰੋੜ ਰੁਪਏ ਵਧਿਆ
NEXT STORY 
