ਨਵੀਂ ਦਿੱਲੀ(ਇੰਟ.)-ਸਟੇਟ ਬੈਂਕ ਆਫ ਇੰਡੀਆ (ਐੱਸ. ਬੀ. ਆਈ.) ਦੇ ਏ. ਟੀ. ਐੱਮ. ਕਾਰਡ ਧਾਰਕਾਂ ਲਈ ਬਹੁਤ ਅਹਿਮ ਖਬਰ ਹੈ। ਖਬਰ ਇਹ ਹੈ ਕਿ ਐੱਸ. ਬੀ. ਆਈ. ਪੁਰਾਣੇ ਮੈਜਿਸਟਰਿਪ (ਮੈਗਨੈਟਿਕ) ਡੈਬਿਟ ਕਾਰਡ ਨੂੰ ਬੰਦ ਕਰਨ ਜਾ ਰਿਹਾ ਹੈ। ਇਸ ਦੀ ਜਾਣਕਾਰੀ ਬਾਕਾਇਦਾ ਐੱਸ. ਬੀ. ਆਈ. ਨੇ ਆਪਣੇ ਆਧਿਕਾਰਿਕ ਟਵਿਟਰ ਹੈਂਡਲ 'ਤੇ ਦਿੱਤੀ ਹੈ। ਇਸ ਜਾਣਕਾਰੀ ਮੁਤਾਬਕ ਗਾਹਕਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਰਿਜ਼ਰਵ ਬੈਂਕ ਆਫ ਇੰਡੀਆ ਦੇ ਨਿਰਦੇਸ਼ਾਂ ਅਨੁਸਾਰ ਉਹ ਆਪਣੇ ਮੈਜਿਸਟਰਿਪ ਡੈਬਿਟ ਕਾਰਡ ਨੂੰ ਈ. ਐੱਮ. ਵੀ. ਚਿੱਪ ਡੈਬਿਟ ਕਾਰਡ ਨਾਲ ਸਾਲ 2018 ਦੇ ਅੰਤ ਤੱਕ ਬਦਲਵਾ ਲੈਣ। ਹਾਲਾਂਕਿ ਡੈਬਿਟ ਕਾਰਡ ਦਾ ਕਨਵਰਜਨ ਪ੍ਰੋਸੈੱਸ ਪੂਰਨ ਰੂਪ ਨਾਲ ਸੁਰੱਖਿਅਤ ਦੱਸਿਆ ਗਿਆ ਹੈ ਅਤੇ ਨਵੇਂ ਕਾਰਡ ਲਈ ਗਾਹਕਾਂ ਨੂੰ ਕੋਈ ਭੁਗਤਾਨ ਵੀ ਨਹੀਂ ਕਰਨਾ ਹੋਵੇਗਾ। ਮਿਲੀ ਜਾਣਕਾਰੀ ਅਨੁਸਾਰ ਜਿਨ੍ਹਾਂ ਗਾਹਕਾਂ ਕੋਲ ਐੱਸ. ਬੀ. ਆਈ. ਦਾ ਪੁਰਾਣਾ ਮੈਜਿਸਟਰਿਪ ਡੈਬਿਟ ਕਾਰਡ ਹੈ, ਉਹ ਇਸ ਨੂੰ ਈ. ਐੱਮ. ਵੀ. ਚਿੱਪ ਡੈਬਿਟ ਕਾਰਡ ਨਾਲ ਇਸ ਸਾਲ 31 ਦਸੰਬਰ ਤੱਕ ਬਦਲ ਸਕਦੇ ਹਨ। ਬੈਂਕ ਵੱਲੋਂ ਇਹ ਵੀ ਦੱਸਿਆ ਗਿਆ ਹੈ ਕਿ ਜੇਕਰ ਤੁਸੀਂ 31 ਦਸੰਬਰ 2018 ਤੱਕ ਆਪਣਾ ਕਾਰਡ ਨਹੀਂ ਬਦਲਵਾਇਆ ਤਾਂ ਇਸ ਤੋਂ ਬਾਅਦ ਤੁਸੀਂ ਪੁਰਾਣੇ ਏ. ਟੀ. ਐੱਮ. ਕਾਰਡ ਨਾਲ ਕੋਈ ਵੀ ਕੰਮ ਨਹੀਂ ਕਰ ਸਕੋਗੇ। 31 ਦਸੰਬਰ ਤੋਂ ਬਾਅਦ ਐੱਸ. ਬੀ. ਆਈ. ਦੇ ਪੁਰਾਣੇ ਏ. ਟੀ. ਐੱਮ. ਕਾਰਡ ਨੂੰ ਕਿਸੇ ਵੀ ਬੈਂਕ ਦੀ ਏ. ਟੀ. ਐੱਮ. ਸਵੀਕਾਰ ਨਹੀਂ ਕਰੇਗੀ। ਪੁਰਾਣੇ ਏ. ਟੀ. ਐੱਮ. ਤੇ ਡੈਬਿਟ ਕਾਰਡ ਦੇ ਪਿਛਲੇ ਪਾਸੇ ਇਕ ਕਾਲੀ ਪੱਟੀ ਨਜ਼ਰ ਆਉਂਦੀ ਹੈ। ਇਹੀ ਕਾਲੀ ਪੱਟੀ ਮੈਗਨੈਟਿਕ ਸਟਰਿਪ ਹੈ, ਜਿਸ 'ਚ ਤੁਹਾਡੇ ਖਾਤੇ ਦੀ ਪੂਰੀ ਜਾਣਕਾਰੀ ਦਰਜ ਹੁੰਦੀ ਹੈ।
ਆਧਾਰ ਚੈਲੇਂਜ ਦਾ ਅਸਰ : UIDAI ਵਲੋਂ ਛੇਤੀ ਜਾਰੀ ਕੀਤੀ ਜਾਵੇਗੀ ਗਾਈਡਲਾਈਨ
NEXT STORY 
