ਨਵੀਂ ਦਿੱਲੀ — ਯੂਰਪੀ ਸੰਘ ਦੀ ਕਰੰਸੀ ਯੂਰੋ ਦੀ ਕੀਮਤ ਇਸ ਸਾਲ ਕਰੀਬ 12 ਫੀਸਦੀ ਡਿੱਗ ਗਈ ਹੈ ਅਤੇ ਇਸ ਦੀ ਐਕਸਚੇਂਜ ਦਰ 20 ਸਾਲਾਂ 'ਚ ਪਹਿਲੀ ਵਾਰ ਅਮਰੀਕੀ ਡਾਲਰ ਦੇ ਬਰਾਬਰ ਪਹੁੰਚ ਗਈ ਹੈ। ਦੋਵਾਂ ਮੁਦਰਾਵਾਂ ਵਿੱਚ ਅੰਤਰ ਇੱਕ ਸੈਂਟ ਤੋਂ ਵੀ ਘੱਟ ਦਾ ਰਹਿ ਗਿਆ ਹੈ।
ਸੋਮਵਾਰ ਨੂੰ, ਯੂਰੋ ਦੀ ਕੀਮਤ ਲਗਭਗ 1.004 ਡਾਲਰ ਤੱਕ ਆ ਗਈ। ਰੂਸ-ਯੂਕਰੇਨ ਯੁੱਧ ਅਤੇ ਮਹਿੰਗਾਈ ਕਾਰਨ ਊਰਜਾ ਸਪਲਾਈ ਬਾਰੇ ਅਨਿਸ਼ਚਿਤਤਾ ਕਾਰਨ ਯੂਰਪ ਵਿੱਚ ਮੰਦੀ ਦਾ ਡਰ ਹੋਰ ਤੇਜ਼ ਹੋ ਗਿਆ ਹੈ। ਇਸ ਦਾ ਕਾਰਨ ਯੂਰੋ ਦੇ ਮੁੱਲ ਵਿੱਚ ਤੇਜ਼ੀ ਨਾਲ ਗਿਰਾਵਟ ਹੈ। ਯੁੱਧ ਤੋਂ ਪਹਿਲਾਂ, ਯੂਰਪੀਅਨ ਯੂਨੀਅਨ ਦੀ 40 ਪ੍ਰਤੀਸ਼ਤ ਗੈਸ ਰੂਸ ਤੋਂ ਆਉਂਦੀ ਸੀ। ਪਰ ਹੁਣ ਇਹ ਸਥਿਤੀ ਬਦਲ ਗਈ ਹੈ।
ਯੂਰਪੀ ਦੇਸ਼ ਰੂਸੀ ਤੇਲ ਅਤੇ ਗੈਸ 'ਤੇ ਆਪਣੀ ਨਿਰਭਰਤਾ ਨੂੰ ਘੱਟ ਕਰਨ ਲਈ ਕੰਮ ਕਰ ਰਹੇ ਹਨ। ਇਸ ਦੇ ਨਾਲ ਹੀ ਰੂਸ ਨੇ ਕੁਝ ਯੂਰਪੀ ਦੇਸ਼ਾਂ ਨੂੰ ਗੈਸ ਦੀ ਸਪਲਾਈ ਵੀ ਘਟਾ ਦਿੱਤੀ ਹੈ। ਹਾਲ ਹੀ ਵਿੱਚ, ਇਸਨੇ ਨੋਰਡ ਸਟ੍ਰੀਮ ਪਾਈਪਲਾਈਨ ਰਾਹੀਂ ਜਰਮਨੀ ਨੂੰ ਆਪਣੀ ਗੈਸ ਸਪਲਾਈ ਵਿੱਚ 60 ਪ੍ਰਤੀਸ਼ਤ ਦੀ ਕਟੌਤੀ ਕਰ ਦਿੱਤੀ ਹੈ। ਊਰਜਾ ਸੰਕਟ ਦੇ ਨਾਲ-ਨਾਲ ਯੂਰਪ ਵੀ ਆਰਥਿਕ ਮੰਦੀ ਦੇ ਦੌਰ ਵਿੱਚੋਂ ਗੁਜ਼ਰ ਰਿਹਾ ਹੈ। ਯੂਰਪੀ ਕੇਂਦਰੀ ਬੈਂਕ ਨੇ ਮਹਿੰਗਾਈ 'ਤੇ ਲਗਾਮ ਲਗਾਉਣ ਲਈ ਇਸ ਮਹੀਨੇ ਵਿਆਜ ਦਰਾਂ ਵਧਾਉਣ ਦਾ ਸੰਕੇਤ ਦਿੱਤਾ ਹੈ। 2011 ਤੋਂ ਬਾਅਦ ਇਹ ਪਹਿਲੀ ਵਾਰ ਹੈ ਕਿ ਯੂਰਪ ਦਾ ਕੇਂਦਰੀ ਬੈਂਕ ਵਿਆਜ ਦਰਾਂ ਵਿਚ ਵਾਧਾ ਕਰਨ ਜਾ ਰਿਹਾ ਹੈ।
ਇਹ ਵੀ ਪੜ੍ਹੋ : ਰੁਪਇਆ ਨਵੇਂ ਰਿਕਾਰਡ ਹੇਠਲੇ ਪੱਧਰ ’ਤੇ, ਜੁਲਾਈ ’ਚ ਹੀ 80 ਪ੍ਰਤੀ ਡਾਲਰ ਦਾ ਪੱਧਰ ਤੋੜ ਸਕਦੀ ਹੈ ਘਰੇਲੂ ਕਰੰਸੀ
ਜਰਮਨੀ ਨੂੰ 30 ਸਾਲਾਂ ਵਿੱਚ ਪਹਿਲੀ ਵਾਰ ਘਾਟਾ
ਯੂਰੋਜ਼ੋਨ ਮਹਿੰਗਾਈ ਦਰ 8.6% ਹੈ। ਜਰਮਨੀ ਵਿੱਚ 1991 ਤੋਂ ਬਾਅਦ ਪਹਿਲੀ ਵਾਰ ਵਪਾਰ ਘਾਟਾ ਹੋਇਆ ਹੈ। ਇਹ ਇਸ ਲਈ ਹੈ ਕਿਉਂਕਿ ਤੇਲ ਦੀਆਂ ਕੀਮਤਾਂ ਵਿੱਚ ਕਾਫ਼ੀ ਵਾਧਾ ਹੋਇਆ ਹੈ ਅਤੇ ਸਪਲਾਈ ਲੜੀ ਦੀਆਂ ਰੁਕਾਵਟਾਂ ਨੇ ਦਰਾਮਦ ਦੀ ਲਾਗਤ ਵਿੱਚ ਵਾਧਾ ਕੀਤਾ ਹੈ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਅਮਰੀਕੀ ਫੈੱਡ ਰਿਜ਼ਰਵ ਸਮੇਤ ਕਈ ਦੇਸ਼ਾਂ ਦੇ ਰਿਜ਼ਰਵ ਬੈਂਕਾਂ ਨੇ ਵਿਆਜ ਦਰਾਂ ਵਧਾ ਦਿੱਤੀਆਂ ਹਨ। ਇਸ ਦੇ ਨਾਲ ਹੀ ਆਰਥਿਕ ਵਿਕਾਸ 'ਚ ਵੀ ਮੰਦੀ ਹੈ। ਇਸ ਨਾਲ ਯੂਰੋ 'ਤੇ ਦਬਾਅ ਹੋਰ ਵਧ ਸਕਦਾ ਹੈ। ਇਸ ਨਾਲ ਨਿਵੇਸ਼ਕ ਸੁਰੱਖਿਅਤ ਨਿਵੇਸ਼ ਵਜੋਂ ਅਮਰੀਕੀ ਡਾਲਰ ਵੱਲ ਰੁਖ਼ ਕਰ ਸਕਦੇ ਹਨ।
ਯੂਐਸ ਫੈਡਰਲ ਰਿਜ਼ਰਵ ਨੇ ਹਾਲ ਹੀ ਵਿੱਚ ਵਿਆਜ ਦਰਾਂ ਵਿੱਚ 75 ਅਧਾਰ ਅੰਕ ਦਾ ਵਾਧਾ ਕੀਤਾ ਹੈ ਅਤੇ ਇਸ ਮਹੀਨੇ ਹੋਰ ਵਾਧੇ ਦੇ ਸੰਕੇਤ ਦਿੱਤੇ ਹਨ। ਡਿਊਸ਼ ਗਲੋਬਲ ਦੇ ਐਫਐਕਸ ਖੋਜ ਦੇ ਮੁਖੀ ਜਾਰਜ ਸਾਰਾਵੇਲੋਸ ਨੇ ਪਿਛਲੇ ਹਫ਼ਤੇ ਇੱਕ ਨੋਟ ਵਿੱਚ ਕਿਹਾ ਸੀ ਕਿ ਜੇਕਰ ਯੂਰਪ ਅਤੇ ਅਮਰੀਕਾ ਮੰਦੀ ਦਾ ਸ਼ਿਕਾਰ ਹੁੰਦੇ ਹਨ ਤਾਂ ਅਮਰੀਕੀ ਡਾਲਰ ਪ੍ਰਤੀ ਰੁਝਾਨ ਵਧੇਗਾ। ਉਨ੍ਹਾਂ ਕਿਹਾ ਕਿ ਯੂਰੋ ਦੀ ਕੀਮਤ 0.95 ਡਾਲਰ ਤੋਂ 0.97 ਡਾਲਰ ਤੱਕ ਜਾ ਸਕਦੀ ਹੈ। ਯੂਰਪ ਦਾ ਦੌਰਾ ਕਰਨ ਦੀ ਯੋਜਨਾ ਬਣਾ ਰਹੇ ਅਮਰੀਕੀਆਂ ਲਈ ਇਹ ਚੰਗੀ ਖ਼ਬਰ ਹੋ ਸਕਦੀ ਹੈ, ਪਰ ਇਹ ਆਰਥਿਕ ਗਲੋਬਲ ਸਥਿਰਤਾ ਲਈ ਵਧੀਆ ਖ਼ਬਰ ਨਹੀਂ ਹੋਵੇਗੀ।
ਇਹ ਵੀ ਪੜ੍ਹੋ : ਅਮਰੀਕੀ ਡਾਲਰ ਦੇ ਮੁਕਾਬਲੇ ਰੁਪਿਆ 13 ਪੈਸੇ ਟੁੱਟ ਕੇ ਰਿਕਾਰਡ ਹੇਠਲੇ ਪੱਧਰ 'ਤੇ ਪੁੱਜਿਆ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਹੁਣ Spicejet ਦੀ Dubai ਜਾਣ ਵਾਲੀ ਫਲਾਈਟ 'ਚ ਸਾਹਮਣੇ ਆਈ ਖ਼ਰਾਬੀ
NEXT STORY 
