ਨਵੀਂ ਦਿੱਲੀ—ਦੇਸ਼ ਦੇ ਆਰਥਿਕ ਵਾਧੇ 'ਚ ਤੇਜ਼ੀ ਆਉਣ ਦੀ ਉਮੀਦ ਹੈ ਅਤੇ ਦਸੰਬਰ ਤਿਮਾਹੀ 'ਚ ਸਫਲ ਘਰੇਲੂ ਉਤਪਾਦ (ਜੀ.ਡੀ.ਪੀ.) ਵਾਧਾ ਦਰ 7 ਫੀਸਦੀ ਰਹਿ ਸਕਦੀ ਹੈ। ਵਿੱਤੀ ਸੇਵਾਵਾਂ ਦੇਣ ਵਾਲੀ ਗਲੋਬਲ ਸੰਸਥਾ ਮਾਰਗਨ ਸਟੇਨਲੀ ਨੇ ਇਕ ਰਿਪੋਰਟ 'ਚ ਜੁਲਾਈ-ਸਤੰਬਰ ਤਿਮਾਹੀ 'ਚ ਜੀ.ਡੀ.ਪੀ. ਵਾਧਾ ਦਰ 6.3 ਫੀਸਦੀ ਅਤੇ ਪਹਿਲੀ ਤਿਮਾਹੀ 'ਚ 5.7 ਫੀਸਦੀ ਰਹੀ ਸੀ।
ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਉਦਯੋਗ ਅਤੇ ਸੇਵਾ ਖੇਤਰ 'ਚ ਵਾਧਾ ਦਰ ਤੇਜ਼ ਹੋਣ ਅਤੇ ਖੇਤੀਬਾੜੀ ਖੇਤਰ 'ਚ ਘਟਣ ਦੇ ਅਨੁਮਾਨ ਹਨ। ਮਾਰਗਨ ਸਟੇਨਲੀ ਨੇ ਕਿਹਾ,' ਸਾਡਾ ਅਨੁਮਾਨ ਹੈ ਕਿ ਆਰਥਿਕ ਸੁਧਾਰ ਨੂੰ ਵਧਾਵਾ ਮਿਲਿਆ ਹੈ ਅਤੇ ਦਸੰਬਰ ਤਿਮਾਹੀ 'ਚ ਸਾਲਾਨਾ ਆਧਰ 'ਤੇ ਜੀ.ਡੀ.ਪੀ. ਵਾਧਾ ਦਰ 7 ਫੀਸਦੀ ਰਹੀ ਹੈ।' ਉਸ ਨੇ ਕਿਹਾ ਕਿ ਸਫਲ ਮੁੱਲ (ਜੀ.ਡੀ.ਪੀ.) ਦੇ ਸੰਦਰਭ 'ਚ ਵਾਧਾ ਦਰ ਸਾਲਾਨਾ ਆਧਾਰ 'ਤੇ ਦੂਸਰੀ ਤਿਮਾਹੀ ਦੇ 6.1 ਫੀਸਦੀ ਦੀ ਤੁਲਨਾ 'ਚ ਵਧਾ ਕੇ ਤੀਸਰੀ ਤਿਮਾਹੀ 'ਚ 6.7 ਫੀਸਦੀ ਰਹੀ ਹੈ। ਰਿਪੋਰਟ ਅਨੁਸਾਰ, ਕੰਪਨੀਆਂ ਦੀ ਆਮਦਨ 'ਚ ਵੀ ਦਸੰਬਰ ਤਿਮਾਹੀ ਦੇ ਦੌਰਾਨ ਸੁਧਾਰ ਹੋਇਆ ਹੈ। ਵਾਹਨ ਅਤੇ ਦੋਪਹੀਆ ਵਾਹਨਾਂ ਦੀ ਵਿਕਰੀ ਵੀ ਇਸ ਦੌਰਾਨ ਤੇਜ਼ੀ ਨਾਲ ਵਧੀ ਹੈ। ਵਸਤੂਆਂ ਦੇ ਨਿਰਯਾਤ ਦੇ ਵਾਧੇ 'ਚ ਵੀ ਦਸ ਅੰਕਾਂ 'ਚ ਵਾਧਾ ਦਰਜ ਕੀਤਾ ਗਿਆ ਹੈ।
IRCTC ਨੇ ਕੀਤਾ ਟਿਕਟ ਬੁਕਿੰਗ 'ਚ ਵੱਡਾ ਬਦਲਾਅ
NEXT STORY 
