ਨਵੀਂ ਦਿੱਲੀ (ਬਿਊਰੋ) - ਅਕਤੂਬਰ 'ਚ ਭਾਰਤ ਦੇ ਮਾਲ ਦੀ ਬਰਾਮਦ 'ਚ ਭਾਰੀ ਵਾਧਾ ਹੋਇਆ ਹੈ। ਵੀਰਵਾਰ ਨੂੰ ਜਾਰੀ ਸਰਕਾਰੀ ਅੰਕੜਿਆਂ ਮੁਤਾਬਕ ਅਕਤੂਬਰ 'ਚ ਭਾਰਤ ਦਾ ਨਿਰਯਾਤ 17.25 ਫੀਸਦੀ ਵਧ ਕੇ 39.2 ਅਰਬ ਅਮਰੀਕੀ ਡਾਲਰ ਹੋ ਗਿਆ। ਅਕਤੂਬਰ 'ਚ ਭਾਰਤ ਦਾ ਵਪਾਰਕ ਨਿਰਯਾਤ 17.25 ਫੀਸਦੀ ਵਧ ਕੇ 39.2 ਅਰਬ ਅਮਰੀਕੀ ਡਾਲਰ ਹੋ ਗਿਆ, ਜੋ ਇਕ ਸਾਲ ਪਹਿਲਾਂ 33.43 ਅਰਬ ਅਮਰੀਕੀ ਡਾਲਰ ਸੀ।
ਪੀ. ਟੀ. ਆਈ. ਦੀ ਖ਼ਬਰ ਮੁਤਾਬਕ, ਅਕਤੂਬਰ 'ਚ ਦਰਾਮਦ 3.9 ਫੀਸਦੀ ਵਧ ਕੇ 66.34 ਅਰਬ ਅਮਰੀਕੀ ਡਾਲਰ ਹੋ ਗਈ, ਜਦੋਂ ਕਿ ਇੱਕ ਸਾਲ ਪਹਿਲਾਂ ਇਹ 63.86 ਅਰਬ ਅਮਰੀਕੀ ਡਾਲਰ ਸੀ। ਇਸ ਤੋਂ ਇਲਾਵਾ, ਸਰਕਾਰੀ ਸਹਾਇਤਾ ਅਤੇ ਘਰੇਲੂ ਕੰਪਨੀਆਂ ਦੇ ਪ੍ਰਤੀਯੋਗੀ ਉਤਪਾਦਾਂ ਦੇ ਕਾਰਨ ਮੌਜੂਦਾ ਵਿੱਤੀ ਸਾਲ 'ਚ ਦੇਸ਼ ਦੀਆਂ ਵਸਤੂਆਂ ਅਤੇ ਸੇਵਾਵਾਂ ਦਾ ਨਿਰਯਾਤ $800 ਬਿਲੀਅਨ ਨੂੰ ਪਾਰ ਕਰਨ ਦਾ ਅਨੁਮਾਨ ਹੈ।
ਇਹ ਖ਼ਬਰ ਵੀ ਪੜ੍ਹੋ - ਦਿਲਜੀਤ ਦੋਸਾਂਝ ਦੀ ਹੈਦਰਾਬਾਦ 'ਚ ਧੱਕ, ਅੱਜ ਲਾਉਣਗੇ ਰੌਣਕਾਂ ਤੇ ਨਚਾਉਣਗੇ ਲੋਕਾਂ ਨੂੰ
ਖ਼ਬਰਾਂ ਮੁਤਾਬਕ, ਅਕਤੂਬਰ 'ਚ ਵਪਾਰ ਘਾਟਾ ਜਾਂ ਦਰਾਮਦ ਅਤੇ ਬਰਾਮਦ 'ਚ ਅੰਤਰ 27.14 ਅਰਬ ਅਮਰੀਕੀ ਡਾਲਰ ਰਿਹਾ। ਸਤੰਬਰ 'ਚ ਭਾਰਤ ਦਾ ਵਪਾਰਕ ਨਿਰਯਾਤ ਮਾਮੂਲੀ ਤੌਰ 'ਤੇ 0.5 ਫੀਸਦੀ ਵਧ ਕੇ 34.58 ਅਰਬ ਡਾਲਰ ਹੋ ਗਿਆ। ਚਾਲੂ ਵਿੱਤੀ ਸਾਲ 'ਚ ਅਪ੍ਰੈਲ-ਅਕਤੂਬਰ ਦੌਰਾਨ ਬਰਾਮਦ 3.18 ਫੀਸਦੀ ਵਧ ਕੇ 252.28 ਅਰਬ ਡਾਲਰ ਹੋ ਗਈ, ਜਦਕਿ ਦਰਾਮਦ 5.77 ਫੀਸਦੀ ਵਧ ਕੇ 416.93 ਅਰਬ ਡਾਲਰ ਹੋ ਗਈ। ਅੰਕੜਿਆਂ 'ਤੇ ਟਿੱਪਣੀ ਕਰਦਿਆਂ ਵਣਜ ਸਕੱਤਰ ਸੁਨੀਲ ਬਰਥਵਾਲ ਨੇ ਕਿਹਾ ਕਿ ਇਹ ਮਹੀਨਾ ਬਰਾਮਦਾਂ ਲਈ ਬਹੁਤ ਵਧੀਆ ਰਿਹਾ ਹੈ। ਜੇਕਰ ਅਸੀਂ ਇਸੇ ਤਰ੍ਹਾਂ ਅੱਗੇ ਵਧਦੇ ਰਹੇ ਤਾਂ ਇਸ ਸਾਲ ਬਰਾਮਦ 800 ਬਿਲੀਅਨ ਡਾਲਰ ਨੂੰ ਪਾਰ ਕਰ ਜਾਵੇਗੀ।
ਇਹ ਖ਼ਬਰ ਵੀ ਪੜ੍ਹੋ - ਕੁੱਲ੍ਹੜ ਪਿੱਜ਼ਾ ਕੱਪਲ ਨੂੰ ਸਕਿਓਰਿਟੀ ਮਿਲਣ ਮਗਰੋਂ ਹੋ ਗਿਆ ਵੱਡਾ ਕਾਂਡ
ਵਿੱਤੀ ਸਾਲ 2023-24 'ਚ ਭਾਰਤ ਦਾ ਸਾਮਾਨ ਅਤੇ ਸੇਵਾਵਾਂ ਦਾ ਨਿਰਯਾਤ 778 ਅਰਬ ਡਾਲਰ ਰਿਹਾ ਹੈ। ਪਿਛਲੇ ਸੋਮਵਾਰ, ਵਣਜ ਅਤੇ ਉਦਯੋਗ ਮੰਤਰੀ ਪੀਯੂਸ਼ ਗੋਇਲ ਨੇ ਕਿਹਾ ਕਿ ਸਾਲ 2030 ਤੱਕ 2,000 ਬਿਲੀਅਨ ਡਾਲਰ ਦੇ ਵੱਡੇ ਨਿਰਯਾਤ ਟੀਚੇ ਨੂੰ ਹਾਸਲ ਕਰਨ ਲਈ ਸਮੂਹਿਕ ਯਤਨਾਂ ਦੀ ਲੋੜ ਹੈ। ਪਿਛਲੇ ਪੰਜ ਸਾਲਾਂ ਦੌਰਾਨ, ਪੈਟਰੋਲੀਅਮ, ਰਤਨ, ਖੇਤੀ ਰਸਾਇਣ ਅਤੇ ਖੰਡ ਵਰਗੇ ਖੇਤਰਾਂ 'ਚ ਭਾਰਤ ਦੀ ਨਿਰਯਾਤ ਪ੍ਰਤੀਯੋਗਤਾ ਤੇਜ਼ੀ ਨਾਲ ਵਧੀ ਹੈ। ਇਹ ਜਾਣਕਾਰੀ ਵਣਜ ਮੰਤਰਾਲੇ ਦੇ ਅੰਕੜਿਆਂ 'ਚ ਦਿੱਤੀ ਗਈ ਹੈ। ਭਾਰਤ ਨੇ 2018 ਅਤੇ 2023 ਦੌਰਾਨ ਇਨ੍ਹਾਂ ਖੇਤਰਾਂ 'ਚ ਵਿਸ਼ਵ ਵਪਾਰ 'ਚ ਆਪਣੀ ਹਿੱਸੇਦਾਰੀ ਵਧਾਉਣ ਦਾ ਅਨੁਮਾਨ ਲਗਾਇਆ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਸ਼ੇਅਰ ਮਾਰਕੀਟ ’ਚ ਖੁੱਲ੍ਹਿਆ ਇਕ ਹੋਰ ਪ੍ਰਸਿੱਧ IPO, ਕਰਨਾ ਪਵੇਗਾ 14,904 ਰੁਪਏ ਦਾ ਨਿਵੇਸ਼, 31 ਪ੍ਰੋਜੈਕਟਾਂ ਦਾ ਹੋਵੇਗ
NEXT STORY 
