ਨਵੀਂ ਦਿੱਲੀ-ਦੀਵਾਲੀ ਵਾਲੇ ਦਿਨ ਸੋਮਵਾਰ ਨੂੰ ਦੇਸ਼ ਦੇ ਸ਼ੇਅਰ ਬਾਜ਼ਾਰਾਂ 'ਚ ਮਹੂਰਤ ਸੌਦੇ ਹੋਏ, ਜਦਕਿ ਅਮਰੀਕੀ ਬਾਜ਼ਾਰ 'ਚ ਪੂਰਾ ਦਿਨ ਆਮ ਕੰਮ ਹੋਇਆ ਰਿਹਾ। ਭਾਰਤ ਦੇ ਚੋਟੀ ਦੇ 10 ਉਦਯੋਗਪਤੀਆਂ ਨੇ ਇਸ ਦੌਰਾਨ ਚੰਗੀ ਕਮਾਈ ਕੀਤੀ, ਜਦਕਿ ਦੁਨੀਆ ਦੇ ਸਭ ਤੋਂ ਅਮੀਰ ਅਤੇ ਅਮਰੀਕੀ ਕਾਰੋਬਾਰੀ ਏਲਨ ਮਸਕ ਨੂੰ ਝਟਕਾ ਲੱਗਿਆ। ਮਸਕ ਦੀ ਕੰਪਨੀ ਟੇਸਲਾ ਦੇ ਸ਼ੇਅਰ ਦੀ ਕੀਮਤ 'ਚ ਕਰੀਬ ਡੇਢ ਫੀਸਦੀ ਦੀ ਗਿਰਾਵਟ ਆਈ।
ਸੋਮਵਾਰ ਨੂੰ ਦੇਸ਼ ਦੇ ਚੋਟੀ ਦੇ ਉਦਯੋਗਪਤੀ ਗੌਤਮ ਅਡਾਨੀ ਦੀ ਸੰਪਤੀ ਵਿੱਚ 42.80 ਕਰੋੜ ਡਾਲਰ ਦਾ ਵਾਧਾ ਹੋਇਆ। ਉਹ 123 ਬਿਲੀਅਨ ਡਾਲਰ ਦੀ ਕੁੱਲ ਜਾਇਦਾਦ ਦੇ ਨਾਲ ਦੁਨੀਆ ਭਰ ਦੇ ਅਮੀਰਾਂ ਵਿੱਚ ਚੌਥੇ ਸਥਾਨ 'ਤੇ ਸੀ। ਇਸੇ ਤਰ੍ਹਾਂ ਮੁਕੇਸ਼ ਅੰਬਾਨੀ, ਸ਼ਿਵ ਨਾਦਰ, ਅਜ਼ੀਮ ਪ੍ਰੇਮਜੀ, ਰਾਧਾਕ੍ਰਿਸ਼ਨ ਦਮਾਨੀ, ਲਕਸ਼ਮੀ ਮਿੱਤਲ, ਦਿਲੀਪ ਸੰਘਵੀ ਅਤੇ ਸਾਇਰਸ ਪੂਨਾਵਾਲਾ ਦੀ ਦੌਲਤ ਵਿੱਚ ਵੀ ਵਧੀ। ਅੰਬਾਨੀ ਦੀ ਦੌਲਤ ਵਿੱਚ 28.40 ਕਰੋੜ ਡਾਲਰ ਵਧੀ, ਜਦੋਂ ਕਿ ਸ਼ਿਵ ਨਾਦਰ ਨੇ 8.75 ਕਰੋੜ ਡਾਲਰ ਕਮਾਏ। ਇਸੇ ਤਰ੍ਹਾਂ, ਵਿਪਰੋ ਦੇ ਅਜ਼ੀਮ ਪ੍ਰੇਮਜੀ ਨੇ 8.90 ਕਰੋੜ ਡਾਲਰ ਅਤੇ ਡੀਮਾਰਟ ਦੇ ਰਾਧਾਕ੍ਰਿਸ਼ਨ ਦਮਾਨੀ ਨੇ 6.70 ਕਰੋੜ ਡਾਲਰ ਕਮਾਏ।
ਬੇਜੋਸ ਦੀ ਵੀ ਹੋਈ ਕਮਾਈ
ਅਮਰੀਕਾ ਅਤੇ ਹੋਰ ਵਿਦੇਸ਼ੀ ਸ਼ੇਅਰ ਬਾਜ਼ਾਰਾਂ 'ਚ ਸੋਮਵਾਰ ਨੂੰ ਆਮ ਕਾਰੋਬਾਰ ਹੋਇਆ। ਐਮਾਜ਼ੋਨ ਦੇ ਮੁਖੀ ਜੇਫ ਬੇਜੋਸ ਦੀ ਜਾਇਦਾਦ ਸੋਮਵਾਰ ਨੂੰ 57.30 ਕਰੋੜ ਡਾਲਰ ਵਧ ਕੇ 136 ਅਰਬ ਡਾਲਰ ਹੋ ਗਈ। ਉਧਰ,ਬਰਨਾਰਡ ਅਰਨਾਲਟ ਨੇ ਵੀ 69.60 ਕਰੋੜ ਡਾਲਰ ਕਮਾਏ। ਅਰਨਾਲਟ ਦੀ ਕੁੱਲ ਜਾਇਦਾਦ 136 ਅਰਬ ਡਾਲਰ ਹੋ ਗਈ ਹੈ। ਉਨ੍ਹਾਂ ਤੋਂ ਇਲਾਵਾ ਬਿਲ ਗੇਟਸ, ਵਾਰੇਨ ਬਫੇਟ, ਲੈਰੀ ਪੇਜ, ਸਰਗੀ ਬ੍ਰਿਨ, ਸਟੀਵ ਵੋਲਮਰ ਨੇ ਵੀ ਇਸ ਦਿਨ ਚੰਗੀ ਕਮਾਈ ਹੋਈ। ਉਨ੍ਹਾਂ ਦੀ ਜਾਇਦਾਦ ਵਿੱਚ ਇੱਕ-ਇੱਕ ਅਰਬ ਡਾਲਰ ਤੋਂ ਜ਼ਿਆਦਾ ਦਾ ਵਾਧਾ ਹੋਇਆ।
ਡਾਲਰ ਦੇ ਮੁਕਾਬਲੇ ਚੀਨ ਦਾ ਮੁਦਰਾ ਯੁਆਨ 15 ਸਾਲ ਦੇ ਹੇਠਲੇ ਪੱਧਰ 'ਤੇ, ਅੱਜ ਰੁਪਿਆ 25 ਪੈਸੇ ਮਜ਼ਬੂਤ
NEXT STORY 
