ਨਵੀਂ ਦਿੱਲੀ - ਦੇਸ਼ ਦੀ ਸਭ ਤੋਂ ਵੱਡੀ ਸਰਕਾਰੀ ਬੀਮਾ ਕੰਪਨੀ ਲਾਈਫ ਇੰਸ਼ੋਰੈਂਸ ਕਾਰਪੋਰੇਸ਼ਨ ਆਫ ਇੰਡੀਆ (LIC) ਦੇ ਸ਼ੇਅਰ ਸ਼ੁੱਕਰਵਾਰ ਨੂੰ ਬੰਬਈ ਸਟਾਕ ਐਕਸਚੇਂਜ (BSE) 'ਤੇ 1178.60 ਰੁਪਏ ਦੇ ਨਵੇਂ ਲਾਈਫ ਟਾਈਮ ਉੱਚੇ ਪੱਧਰ ਨੂੰ ਛੂਹ ਗਏ। ਇਸ ਤੋਂ ਪਹਿਲਾਂ 9 ਫਰਵਰੀ 2024 ਨੂੰ ਸਟਾਕ 1175 ਰੁਪਏ ਪ੍ਰਤੀ ਸ਼ੇਅਰ ਦੇ ਲਾਈਫ ਟਾਈਮ ਉੱਚੇ ਪੱਧਰ ਨੂੰ ਛੂਹ ਗਿਆ ਸੀ। ਇਸ ਵਾਧੇ ਨਾਲ ਕੰਪਨੀ ਦਾ ਮਾਰਕੀਟ ਕੈਪ (Mcap) 7.34 ਲੱਖ ਕਰੋੜ ਰੁਪਏ ਤੱਕ ਪਹੁੰਚ ਗਿਆ ਅਤੇ ਇਹ ਭਾਰਤ ਦੀ ਅੱਠਵੀਂ ਸਭ ਤੋਂ ਵੱਡੀ ਸੂਚੀਬੱਧ ਕੰਪਨੀ ਬਣ ਗਈ ਅਤੇ ਸਰਕਾਰੀ ਸੂਚੀਬੱਧ PSU ਕੰਪਨੀਆਂ ਵਿਚ ਸਟੇਟ ਬੈਂਕ ਆਫ਼ ਇੰਡੀਆ ਦੇ ਬਾਅਦ ਦੂਜੇ ਸਥਾਨ ਉੱਤੇ ਆ ਗਈ ਹੈ।
LIC ਨੇ ਦਿੱਤਾ 38.61% ਦਾ ਰਿਟਰਨ
ਇਸ ਸ਼ਾਨਦਾਰ ਪ੍ਰਦਰਸ਼ਨ ਕਾਰਨ, ਐਲਆਈਸੀ ਸਟਾਕ ਨੇ ਸਾਲ ਦੀ ਸ਼ੁਰੂਆਤ ਤੋਂ ਲੈ ਕੇ ਹੁਣ ਤੱਕ 38.61% ਦਾ ਰਿਟਰਨ ਦਿੱਤਾ ਹੈ। ਇਹ ਅੰਕੜਾ ਬੈਂਚਮਾਰਕ ਸੂਚਕਾਂਕ ਸੈਂਸੈਕਸ ਅਤੇ ਨਿਫਟੀ ਦੇ ਕ੍ਰਮਵਾਰ 11.24% ਅਤੇ 12.86% ਦੇ ਰਿਟਰਨ ਤੋਂ ਬਹੁਤ ਜ਼ਿਆਦਾ ਹੈ।
ਨਿੱਜੀ ਜੀਵਨ ਬੀਮਾ ਕੰਪਨੀਆਂ ਦੀ ਕਾਰਗੁਜ਼ਾਰੀ
ਸਾਲ ਦੀ ਸ਼ੁਰੂਆਤ ਤੋਂ ਲੈ ਕੇ, ਨਿੱਜੀ ਜੀਵਨ ਬੀਮਾ ਕੰਪਨੀਆਂ ਜਿਵੇਂ ਕਿ HDFC ਲਾਈਫ ਇੰਸ਼ੋਰੈਂਸ ਕੰਪਨੀ ਲਿਮਟਿਡ ਨੇ 6.31%, ICICI ਪ੍ਰੂਡੈਂਸ਼ੀਅਲ ਲਾਈਫ ਇੰਸ਼ੋਰੈਂਸ ਨੂੰ 32.93% ਅਤੇ SBI Life Insurance Company 18.66% ਵਧੀ ਹੈ।
LIC ਨੇ IDFC ਫਸਟ ਬੈਂਕ ਵਿੱਚ ਹਿੱਸੇਦਾਰੀ ਵਧਾਈ
LIC ਨੇ ਨਿੱਜੀ ਖੇਤਰ ਦੇ IDFC ਫਸਟ ਬੈਂਕ 'ਚ ਆਪਣੀ ਹਿੱਸੇਦਾਰੀ 0.20 ਫੀਸਦੀ ਵਧਾ ਕੇ 2.68 ਫੀਸਦੀ ਕਰ ਦਿੱਤੀ ਹੈ। ਐਕਸਚੇਂਜ ਫਾਈਲਿੰਗਜ਼ ਦੇ ਮੁਤਾਬਕ ਐੱਲ.ਆਈ.ਸੀ. ਨੇ 4 ਜੁਲਾਈ ਨੂੰ IDFC ਫਸਟ ਬੈਂਕ 'ਚ ਹਿੱਸੇਦਾਰੀ 0.20 ਫੀਸਦੀ ਵਧਾ ਦਿੱਤੀ ਹੈ। ਬੀਮਾ ਕੰਪਨੀ ਨੇ 80.63 ਰੁਪਏ ਪ੍ਰਤੀ ਸ਼ੇਅਰ ਦੀ ਕੀਮਤ 'ਤੇ ਪ੍ਰਾਈਵੇਟ ਪਲੇਸਮੈਂਟ ਪੇਸ਼ਕਸ਼ (ਪੀਪੀਓ) ਰਾਹੀਂ ਨਿਵੇਸ਼ ਕਰਕੇ ਆਪਣੀ ਹਿੱਸੇਦਾਰੀ ਵਧਾ ਦਿੱਤੀ ਹੈ।
ਵਿੱਤੀ ਸਾਲ 2023-24 ਲਈ ਕੰਪਨੀ ਦਾ ਮਾਲੀਆ 8.46 ਲੱਖ ਕਰੋੜ ਰੁਪਏ ਰਿਹਾ ਹੈ, ਜੋ ਪਿਛਲੇ ਵਿੱਤੀ ਸਾਲ 2022-23 ਵਿੱਚ 7.84 ਲੱਖ ਕਰੋੜ ਰੁਪਏ ਸੀ। ਇਸ ਦੌਰਾਨ ਕੰਪਨੀ ਦਾ ਮੁਨਾਫਾ 35,997 ਕਰੋੜ ਰੁਪਏ ਤੋਂ ਵਧ ਕੇ 40,885 ਕਰੋੜ ਰੁਪਏ ਹੋ ਗਿਆ ਹੈ।
ਦੇਸ਼ ਭਰ 'ਚ ਇਕ ਕੀਮਤ 'ਤੇ ਵਿਕੇਗਾ ਸੋਨਾ, ਇੱਥੋਂ One Nation One Rate ਦੀ ਹੋਵੇਗੀ ਸ਼ੁਰੂਆਤ
NEXT STORY 
