ਨਵੀਂ ਦਿੱਲੀ - ਭਾਰਤ ਦੇ ਕਈ ਵੱਡੇ ਬੈਂਕਾਂ ਨੇ ਆਪਣੀ ਸੀਮਾਂਤ ਲਾਗਤ ਦੀ ਉਧਾਰ ਦਰਾਂ (MCLR) ਵਿੱਚ ਬਦਲਾਅ ਕੀਤੇ ਹਨ, ਜਿਸਦਾ ਸਿੱਧਾ ਅਸਰ ਕਰਜ਼ਦਾਰਾਂ ਨੂੰ ਕਰਜ਼ੇ ਦੀ ਲਾਗਤ 'ਤੇ ਪਵੇਗਾ। ਸਟੇਟ ਬੈਂਕ ਆਫ ਇੰਡੀਆ (SBI) ਅਤੇ IDBI ਬੈਂਕ ਨੇ ਆਪਣੀਆਂ ਦਰਾਂ ਸਥਿਰ ਰੱਖੀਆਂ ਹਨ, ਜਦੋਂ ਕਿ HDFC ਬੈਂਕ, ਬੈਂਕ ਆਫ ਬੜੌਦਾ, ਕੇਨਰਾ ਬੈਂਕ ਅਤੇ PNB ਵਰਗੇ ਬੈਂਕਾਂ ਨੇ MCLR ਦਰਾਂ ਵਿੱਚ 5 ਆਧਾਰ ਅੰਕਾਂ ਤੱਕ ਦਾ ਵਾਧਾ ਕੀਤਾ ਹੈ। ਇਨ੍ਹਾਂ ਨਵੇਂ ਬਦਲਾਅ ਤੋਂ ਬਾਅਦ ਕਰਜ਼ੇ ਦੀਆਂ ਵਿਆਜ ਦਰਾਂ ਪ੍ਰਭਾਵਿਤ ਹੋਣਗੀਆਂ ਅਤੇ ਇਹ ਦਰਾਂ 12 ਦਸੰਬਰ 2024 ਤੋਂ ਲਾਗੂ ਹੋ ਗਈਆਂ ਹਨ।
ਇਹ ਵੀ ਪੜ੍ਹੋ : ਨਵੇਂ ਸਾਲ 'ਤੇ ਔਰਤਾਂ ਨੂੰ ਵੱਡਾ ਤੋਹਫ਼ਾ, ਹਰ ਮਹੀਨੇ ਮਿਲਣਗੇ 7000 ਰੁਪਏ
SBI ਅਤੇ HDFC ਬੈਂਕ
ਭਾਰਤ ਦੇ ਸਭ ਤੋਂ ਵੱਡੇ ਬੈਂਕ, ਭਾਰਤੀ ਸਟੇਟ ਬੈਂਕ (SBI) ਨੇ ਦਸੰਬਰ 2024 ਤੱਕ ਆਪਣੀਆਂ MCLR ਦਰਾਂ ਨੂੰ ਕੋਈ ਬਦਲਾਅ ਨਹੀਂ ਕੀਤਾ ਹੈ। SBI ਦਾ MCLR 8.20% ਹੈ। ਜਦੋਂ ਕਿ ਇੱਕ ਸਾਲ ਦਾ MCLR 9.00% ਤੱਕ ਹੈ। ਇਸੇ ਤਰ੍ਹਾਂ HDFC ਬੈਂਕ ਨੇ ਆਪਣੇ MCLR ਨੂੰ ਸਿਰਫ 5 ਆਧਾਰ ਅੰਕ ਵਧਾ ਕੇ 9.20% ਕਰ ਦਿੱਤਾ ਹੈ।
ਇਹ ਵੀ ਪੜ੍ਹੋ : ਸ਼ੁਰੂ ਹੋਣ ਵਾਲੀਆਂ ਹਨ ਕ੍ਰਿਸਮਸ ਅਤੇ ਨਵੇਂ ਸਾਲ ਦੀਆਂ ਛੁੱਟੀਆਂ , ਜਾਣੋ 31 ਦਸੰਬਰ ਤੱਕ ਕਿੰਨੇ ਦਿਨ ਨਹੀਂ ਹੋਵੇਗਾ ਕੰਮਕ
ਬੈਂਕ ਆਫ ਬੜੌਦਾ ਅਤੇ ਕੇਨਰਾ ਬੈਂਕ
ਬੈਂਕ ਆਫ ਬੜੌਦਾ ਨੇ ਵੀ MCLR ਦਰਾਂ ਵਧਾ ਦਿੱਤੀਆਂ ਹਨ। ਉਨ੍ਹਾਂ ਦਾ ਓਵਰਨਾਈਟ MCLR 8.15% ਹੈ। ਜਦੋਂ ਕਿ ਇੱਕ ਸਾਲ ਦਾ MCLR 9.00% ਹੈ। ਕੇਨਰਾ ਬੈਂਕ ਨੇ ਸਾਰੇ ਕਾਰਜਕਾਲ ਲਈ MCLR ਦਰਾਂ ਵਿੱਚ 5 ਆਧਾਰ ਅੰਕਾਂ ਦਾ ਵਾਧਾ ਕੀਤਾ ਹੈ। ਹੁਣ ਉਨ੍ਹਾਂ ਦੀ ਓਵਰਨਾਈਟ MCLR 8.35% ਹੈ। ਇੱਕ ਸਾਲ ਦਾ MCLR 9.10% ਤੱਕ ਪਹੁੰਚ ਗਿਆ ਹੈ।
ਇਹ ਵੀ ਪੜ੍ਹੋ : Holidays 2025: BSE ਨੇ ਜਾਰੀ ਕੀਤਾ ਸਾਲ 2025 ਦੀਆਂ ਛੁੱਟੀਆਂ ਦਾ ਕੈਲੰਡਰ, ਜਾਣੋ ਕਿੰਨੇ ਦਿਨ ਨਹੀਂ ਹੋਵੇਗਾ ਕਾਰੋਬਾਰ
ਪੰਜਾਬ ਨੈਸ਼ਨਲ ਬੈਂਕ ਅਤੇ IDBI ਬੈਂਕ
ਪੰਜਾਬ ਨੈਸ਼ਨਲ ਬੈਂਕ (PNB) ਨੇ ਵੀ ਆਪਣੀਆਂ ਦਰਾਂ ਵਿੱਚ 5 ਆਧਾਰ ਅੰਕਾਂ ਦਾ ਵਾਧਾ ਕੀਤਾ ਹੈ। ਜਦੋਂ ਕਿ ਉਨ੍ਹਾਂ ਦਾ ਓਵਰਨਾਈਟ MCLR 8.35% ਹੋ ਗਿਆ ਹੈ ਅਤੇ ਇੱਕ ਸਾਲ ਦਾ MCLR 9.00% ਹੋ ਗਿਆ ਹੈ। IDBI ਬੈਂਕ ਨੇ ਆਪਣੇ MCLR ਦਰਾਂ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਹੈ। ਉਨ੍ਹਾਂ ਦਾ ਓਵਰਨਾਈਟ MCLR 8.45% ਹੈ ਜਦੋਂ ਕਿ ਇੱਕ ਸਾਲ ਦਾ MCLR 9.20% ਹੈ। ਇਹ ਦਰਾਂ 12 ਦਸੰਬਰ 2024 ਤੋਂ ਲਾਗੂ ਹਨ।
ਇਹ ਵੀ ਪੜ੍ਹੋ : Year Ender 2024:ਇਸ ਸਾਲ ਸੋਨੇ ਦੀਆਂ ਕੀਮਤਾਂ 'ਚ ਰਿਕਾਰਡ ਵਾਧਾ, 2025 'ਚ ਕਿਵੇਂ ਦਾ ਰਹੇਗਾ ਨਜ਼ਰੀਆ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਸੋਨਾ ਖ਼ਰੀਦਣ ਵਾਲਿਆਂ ਲਈ ਰਾਹਤ, ਸੋਨਾ ਹੋਇਆ 1900 ਰੁਪਏ ਸਸਤਾ, ਚਾਂਦੀ 'ਚ ਆਈ ਭਾਰੀ ਗਿਰਾਵਟ
NEXT STORY 
