ਨਵੀਂ ਦਿੱਲੀ— ਫੰਡ ਦੀ ਕਮੀ ਨਾਲ ਜੂਝ ਰਹੀ ਸਰਕਾਰੀ ਜਹਾਜ਼ ਕੰਪਨੀ ਏਅਰ ਇੰਡੀਆ ਦੇ ਤਕਰੀਬਨ ਇਕ ਚੌਥਾਈ ਜਹਾਜ਼ ਇਨੀਂ ਦਿਨੀਂ ਜ਼ਮੀਨ 'ਤੇ ਹਨ ਅਤੇ ਉਡਾਣ ਨਹੀਂ ਭਰ ਰਹੇ। ਪਾਇਲਟਾਂ ਮੁਤਾਬਕ ਇਸ ਦੇ ਮੱਦੇਨਜ਼ਰ ਕੰਪਨੀ ਨੂੰ ਨੁਕਸਾਨ ਹੋ ਰਿਹਾ ਹੈ। ਸਾਰੀਆਂ ਕੰਪਨੀਆਂ ਵੱਲੋਂ ਕੁਝ ਜਹਾਜ਼ਾਂ ਨੂੰ ਉਡਾਣ ਤੋਂ ਵੱਖ ਰੱਖਿਆ ਜਾਂਦਾ ਹੈ, ਤਾਂ ਕਿ ਉਨ੍ਹਾਂ ਦੇ ਕੰਮ ਨੂੰ ਕੀਤਾ ਜਾ ਸਕੇ ਪਰ ਏਅਰ ਇੰਡੀਆ 'ਚ ਇਹ ਗਿਣਤੀ ਜ਼ਿਆਦਾ ਹੈ।
ਖਬਰਾਂ ਮੁਤਾਬਕ, ਪਾਇਲਟਾਂ ਨੇ ਇਸ ਗੱਲ 'ਤੇ ਹੈਰਾਨੀ ਜਤਾਈ ਹੈ ਕਿ ਪੂਰੇ ਮਸਲੇ 'ਤੇ ਹਵਾਬਾਜ਼ੀ ਡਾਇਰੈਕਟੋਰੇਟ ਜਨਰਲ ਨੇ ਵੀ ਚੁੱਪੀ ਧਾਰ ਰੱਖੀ ਹੈ ਅਤੇ ਏਅਰਲਾਈਨ ਕੋਲੋਂ ਕਿਸੇ ਵੀ ਤਰ੍ਹਾਂ ਦੀ ਸਫਾਈ ਨਹੀਂ ਮੰਗੀ ਹੈ। ਏਅਰ ਇੰਡੀਆ ਦੇ ਚੇਅਰਮੈਨ ਪੀ. ਐੱਸ. ਖਰੋਲਾ ਨੂੰ ਲਿਖੇ ਪੱਤਰ 'ਚ ਪਾਇਲਟ ਐਸੋਸੀਏਸ਼ਨ ਨੇ ਕਿਹਾ ਕਿ ਸਪੇਅਰਸ ਦੀ ਕਮੀ ਦੇ ਮੱਦੇਨਜ਼ਰ ਏਅਰ ਇੰਡੀਆ ਦੇ ਤਕਰੀਬਨ 23 ਫੀਸਦੀ ਜਹਾਜ਼ ਇਨੀਂ ਦਿਨੀਂ ਉਡਾਣ ਨਹੀਂ ਭਰ ਰਹੇ। 25,000 ਕਰੋੜ ਰੁਪਏ ਤਕ ਦੇ ਜਹਾਜ਼ਾਂ ਦਾ ਕੋਈ ਇਸਤੇਮਾਲ ਨਹੀਂ ਹੋ ਰਿਹਾ ਹੈ। ਹਰ ਦਿਨ ਵੱਡੀ ਗਿਣਤੀ 'ਚ ਫਲਾਈਟਸ ਨੂੰ ਰੱਦ ਅਤੇ ਰੀਸ਼ਡਿਊਲ ਕੀਤਾ ਜਾ ਰਿਹਾ ਹੈ। ਹਾਲਾਂਕਿ ਇਸ 'ਤੇ ਏਅਰ ਇੰਡੀਆ ਵੱਲੋਂ ਕੋਈ ਜਵਾਬ ਸਾਹਮਣੇ ਨਹੀਂ ਆਇਆ ਹੈ। ਪਾਇਲਟ ਐਸੋਸੀਏਸ਼ਨ ਮੁਤਾਬਕ ਕੰਪਨੀ ਦੇ 20 ਏਅਰਬੱਸ ਏ-321 ਜਹਾਜ਼ਾਂ 'ਚੋਂ ਸਿਰਫ 12 ਹੀ ਫਿਲਹਾਲ ਉਡਾਣ ਭਰਨ ਲਈ ਉਪਲੱਬਧ ਹਨ। ਸਪੇਅਰਸ ਦੀ ਕਮੀ ਦੇ ਮੱਦੇਨਜ਼ਰ ਵੱਖ-ਵੱਖ ਸਟੇਸ਼ਨਾਂ 'ਤੇ ਤਕਰੀਬਨ 40 ਫੀਸਦੀ ਜਹਾਜ਼ ਖੜ੍ਹੇ ਹਨ। ਬੇੜੇ 'ਚ ਸ਼ਾਮਲ 22 ਏਅਰਬੱਸ ਏ-319 ਜਹਾਜ਼ਾਂ 'ਚੋਂ 4 ਉਡਾਣ ਲਈ ਉਪਲੱਬਧ ਨਹੀਂ ਹਨ। ਏਅਰਬੱਸ ਏ-320 ਜਹਾਜ਼ਾਂ ਦੀ ਸਥਿਤੀ ਚੰਗੀ ਹੈ ਅਤੇ ਉਡਾਣ ਭਰ ਰਹੇ ਹਨ ਪਰ ਇਸ ਦੀ ਵਜ੍ਹਾ ਇਹ ਹੈ ਕਿ ਇਨ੍ਹਾਂ ਦੀ ਨਵੀਂ ਖੇਪ ਕੁਝ ਦਿਨਾਂ ਪਹਿਲਾਂ ਖਰੀਦੀ ਗਈ ਸੀ।
ਲੇਟ ਪ੍ਰਾਜੈਕਟ : ਰੇਲਵੇ ਨੂੰ 1.82 ਲੱਖ ਕਰੋੜ ਦਾ ਚੂਨਾ
NEXT STORY 
