ਨਵੀਂ ਦਿੱਲੀ : ਤੁਸੀਂ ਪਬਲਿਕ ਪ੍ਰੋਵੀਡੈਂਟ ਫੰਡ ਯਾਨੀ ਪੀਪੀਐੱਫ 'ਚ ਵੀ ਖਾਤਾ ਖੁਲ੍ਹਵਾਇਆ ਹੋਵੇਗਾ। ਹੁਣ ਤੱਕ ਇਸ ਖਾਤੇ 'ਚ ਤੁਹਾਨੂੰ ਦੋਹਰਾ ਲਾਭ ਮਿਲਦਾ ਸੀ। ਪਹਿਲਾ, ਤੁਸੀਂ ਆਪਣੇ ਨਾਂ 'ਤੇ ਖਾਤਾ ਖੋਲ੍ਹ ਕੇ ਉਸ 'ਤੇ ਪੂਰਾ ਵਿਆਜ ਲੈਂਦੇ ਸੀ ਅਤੇ ਦੂਜਾ, ਤੁਸੀਂ ਆਪਣੇ ਨਾਬਾਲਗ ਬੱਚੇ ਦੇ ਨਾਂ 'ਤੇ ਖਾਤਾ ਖੋਲ੍ਹ ਕੇ ਇਸ 'ਤੇ ਵਿਆਜ ਲੈਂਦੇ ਸੀ। ਪਰ, ਅੱਜ ਤੋਂ ਭਾਵ 1 ਅਕਤੂਬਰ 2024 ਤੋਂ, ਸਰਕਾਰ ਨੇ PPF ਖਾਤੇ 'ਤੇ ਉਪਲਬਧ ਇਸ ਦੋਹਰੇ ਲਾਭ ਨੂੰ ਰੋਕ ਦਿੱਤਾ ਹੈ। ਹੁਣ ਜੇਕਰ ਤੁਸੀਂ ਬੱਚੇ ਦੇ ਨਾਮ 'ਤੇ ਖਾਤਾ ਖੋਲ੍ਹਿਆ ਹੈ ਤਾਂ ਤੁਹਾਨੂੰ PPF 'ਤੇ ਵਿਆਜ ਉਦੋਂ ਤੱਕ ਨਹੀਂ ਮਿਲੇਗਾ ਜਦੋਂ ਤੱਕ ਉਹ 18 ਸਾਲ ਦੀ ਉਮਰ ਪੂਰੀ ਨਹੀਂ ਕਰ ਲੈਂਦਾ।
ਜੇਕਰ ਅਸੀਂ ਵਿੱਤ ਮੰਤਰਾਲੇ ਦੇ ਆਰਥਿਕ ਮਾਮਲਿਆਂ ਦੇ ਵਿਭਾਗ ਦੁਆਰਾ ਜਾਰੀ ਦਿਸ਼ਾ-ਨਿਰਦੇਸ਼ਾਂ 'ਤੇ ਨਜ਼ਰ ਮਾਰੀਏ ਤਾਂ ਇਹ ਸਪੱਸ਼ਟ ਹੋ ਜਾਂਦਾ ਹੈ ਕਿ PPF 'ਤੇ ਨਵਾਂ ਨਿਯਮ 1 ਅਕਤੂਬਰ ਤੋਂ ਲਾਗੂ ਹੋ ਗਿਆ ਹੈ। ਇਸ ਨਾਲ ਨਾ ਸਿਰਫ ਨਾਬਾਲਗਾਂ ਦੇ ਖਾਤਿਆਂ 'ਤੇ ਅਸਰ ਪਵੇਗਾ, ਸਗੋਂ ਪ੍ਰਵਾਸੀ ਭਾਰਤੀਆਂ ਨੂੰ ਵੀ ਪੀਪੀਐੱਫ ਖਾਤਿਆਂ 'ਤੇ ਨਵੇਂ ਨਿਯਮਾਂ ਦੀ ਪਾਲਣਾ ਕਰਨੀ ਪਵੇਗੀ। ਨਵਾਂ ਨਿਯਮ ਤੁਹਾਡੇ ਦੁਆਰਾ ਖੋਲ੍ਹੇ ਗਏ ਇੱਕ ਤੋਂ ਵੱਧ ਖਾਤਿਆਂ 'ਤੇ ਵੀ ਲਾਗੂ ਹੁੰਦਾ ਹੈ। ਆਉਣ ਜਾਣਦੇ ਹਾਂ ਇਸ ਦੇ ਅਸਰ ਬਾਰੇ।
ਮਚਿਓਰਿਟੀ ਦੀ ਮਿਆਦ ਬਦਲੀ
ਸਰਕਾਰ ਨੇ ਨਾਬਾਲਗਾਂ ਦੇ PPF ਖਾਤੇ ਨੂੰ ਲੈ ਕੇ ਇਕ ਹੋਰ ਅਪਡੇਟ ਜਾਰੀ ਕੀਤਾ ਹੈ। ਨਵੀਂ ਦਿਸ਼ਾ-ਨਿਰਦੇਸ਼ ਦੇ ਤਹਿਤ, ਹੁਣ ਨਾਬਾਲਗ ਦੇ ਨਾਮ 'ਤੇ ਖੋਲ੍ਹੇ ਗਏ PPF ਖਾਤੇ ਦੀ ਮਚਿਓਰਿਟੀ ਦੀ ਮਿਤੀ ਉਸ ਦਿਨ ਤੋਂ ਗਿਣੀ ਜਾਵੇਗੀ ਜਦੋਂ ਉਹ ਬਾਲਗ ਹੋ ਜਾਵੇਗਾ ਭਾਵ 18 ਸਾਲ ਪੂਰੇ ਕਰ ਲਵੇਗਾ ਹੈ। ਇਹ ਬਦਲਾਅ ਇਸ ਲਈ ਕੀਤਾ ਗਿਆ ਹੈ ਤਾਂ ਜੋ ਬਾਲਗ ਹੋਣ ਤੋਂ ਬਾਅਦ, ਤੁਸੀਂ ਆਪਣੇ ਖਾਤੇ ਨੂੰ ਸਹੀ ਢੰਗ ਨਾਲ ਪ੍ਰਬੰਧਿਤ ਕਰ ਸਕੋ।
ਜੇਕਰ ਇੱਕ ਤੋਂ ਵੱਧ ਖਾਤੇ ਹਨ...
PPF ਖਾਤੇ ਨਾਲ ਜੁੜਿਆ ਇੱਕ ਹੋਰ ਬਦਲਾਅ ਅੱਜ ਤੋਂ ਲਾਗੂ ਹੋ ਗਿਆ ਹੈ। ਜੇਕਰ ਤੁਹਾਡੇ ਕੋਲ ਇੱਕ ਤੋਂ ਵੱਧ PPF ਖਾਤੇ ਹਨ, ਤਾਂ ਉਸ 'ਤੇ ਵਿਆਜ ਦੀ ਗਣਨਾ ਕਰਨ ਲਈ ਨਵੇਂ ਨਿਯਮ ਲਾਗੂ ਹੋਣਗੇ। ਇਸ 'ਚ ਸਿਰਫ ਪਹਿਲਾਂ ਖੋਲ੍ਹੇ ਗਏ ਖਾਤੇ 'ਚ 1.5 ਲੱਖ ਰੁਪਏ ਸਾਲਾਨਾ ਨਿਵੇਸ਼ ਦੀ ਛੋਟ ਮਿਲੇਗੀ ਅਤੇ ਇਸ 'ਤੇ ਤੁਹਾਨੂੰ PPF ਵਿਆਜ ਯਾਨੀ 7.1 ਫੀਸਦੀ ਰਿਟਰਨ ਦਿੱਤਾ ਜਾਵੇਗਾ। ਜੇਕਰ ਸਾਰੇ ਖਾਤਿਆਂ ਦਾ ਕੁੱਲ ਬਕਾਇਆ 1.5 ਲੱਖ ਰੁਪਏ ਤੋਂ ਘੱਟ ਹੈ ਤਾਂ ਬਾਕੀ ਖਾਤਿਆਂ ਦੇ ਪੈਸੇ ਵੀ ਪ੍ਰਾਇਮਰੀ ਖਾਤੇ 'ਚ ਟਰਾਂਸਫਰ ਕੀਤੇ ਜਾਣਗੇ ਅਤੇ ਇਸ 'ਤੇ ਵਿਆਜ ਪ੍ਰਾਪਤ ਕੀਤਾ ਜਾਵੇਗਾ। ਪਰ, ਜੇਕਰ ਕੁੱਲ ਬਕਾਇਆ 1.5 ਲੱਖ ਰੁਪਏ ਤੋਂ ਵੱਧ ਹੈ ਤਾਂ ਤੁਹਾਨੂੰ ਵਾਧੂ ਰਕਮ 'ਤੇ ਕੋਈ ਵਿਆਜ ਨਹੀਂ ਮਿਲੇਗਾ। ਖਾਸ ਗੱਲ ਇਹ ਹੈ ਕਿ ਪ੍ਰਾਇਮਰੀ ਅਤੇ ਸੈਕੰਡਰੀ ਖਾਤਿਆਂ ਤੋਂ ਇਲਾਵਾ, ਕਿਸੇ ਹੋਰ ਖਾਤੇ 'ਚ ਕੋਈ ਵਿਆਜ ਨਹੀਂ ਦਿੱਤਾ ਜਾਵੇਗਾ, ਭਾਵੇਂ ਤੁਹਾਡੀ ਸੀਮਾ ਕਿੰਨੀ ਵੀ ਹੋਵੇ।
NRI ਨੂੰ ਵੱਡਾ ਝਟਕਾ
ਸਰਕਾਰ ਨੇ NRIs ਦੇ PPF ਖਾਤੇ ਨੂੰ ਲੈ ਕੇ ਵੱਡਾ ਬਦਲਾਅ ਕੀਤਾ ਹੈ। ਨਵੀਂ ਗਾਈਡਲਾਈਨ 'ਚ ਕਿਹਾ ਗਿਆ ਹੈ ਕਿ ਜੇਕਰ ਪ੍ਰਵਾਸੀ ਭਾਰਤੀ ਆਪਣੇ ਫਾਰਮ ਐੱਚ 'ਚ ਨਾਗਰਿਕਤਾ ਬਾਰੇ ਸਪੱਸ਼ਟ ਜਾਣਕਾਰੀ ਨਹੀਂ ਦਿੰਦੇ ਹਨ ਤਾਂ 30 ਸਤੰਬਰ 2024 ਤੋਂ ਬਾਅਦ ਉਨ੍ਹਾਂ ਦੇ ਖਾਤਿਆਂ 'ਤੇ ਕੋਈ ਵਿਆਜ ਨਹੀਂ ਦਿੱਤਾ ਜਾਵੇਗਾ। ਇਸ ਸਮੇਂ ਤੱਕ, ਉਨ੍ਹਾਂ ਨੂੰ ਪੀਪੀਐੱਫ ਖਾਤੇ 'ਤੇ ਪੋਸਟ ਆਫਿਸ ਬਚਤ ਖਾਤੇ ਦੇ ਬਰਾਬਰ ਵਿਆਜ ਮਿਲੇਗਾ, ਜੋ ਕਿ 4 ਫੀਸਦੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
Flipkart ਤੋਂ ਔਰਤ ਨੇ ਆਰਡਰ ਕੀਤਾ iPhone 15, ਪਾਰਸਲ ਦੇਣ ਆ ਗਏ ਦੋ ਡਿਲੀਵਰੀ ਬੁਆਏ
NEXT STORY 
