ਮੁੰਬਈ - ਸ਼ੇਅਰ ਬਾਜ਼ਾਰ 'ਚ ਅੱਜ ਯਾਨੀ 3 ਅਪ੍ਰੈਲ ਨੂੰ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ। ਸੈਂਸੈਕਸ 311.29 ਅੰਕ ਭਾਵ 0.41% ਤੋਂ ਜ਼ਿਆਦਾ ਦੀ ਗਿਰਾਵਟ ਦੇ ਨਾਲ 76,306.15 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਹੈ। ਸੈਂਸੈਕਸ ਦੇ ਸਟਾਕ ਵਾਧੇ ਨਾਲ ਅਤੇ ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਦੇਖੇ ਜਾ ਰਹੇ ਹਨ।
ਦੂਜੇ ਪਾਸੇ ਨਿਫਟੀ 'ਚ 95.15 ਅੰਕ ਭਾਵ 0.41% ਦੀ ਗਿਰਾਵਟ ਦੇ ਨਾਲ ਇਹ 23,237.20 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਹੈ। ਅੱਜ ਆਈਟੀ, ਆਟੋ ਅਤੇ ਬੈਂਕਿੰਗ ਸ਼ੇਅਰਾਂ 'ਚ ਭਾਰੀ ਗਿਰਾਵਟ ਦੇਖਣ ਨੂੰ ਮਿਲੀ ਹੈ। ਨਿਫਟੀ ਦੇ 1,466 ਸਟਾਕ ਵਾਧੇ ਨਾਲ 1,049 ਸਟਾਕ ਗਿਰਾਵਟ ਨਾਲ ਅਤੇ 61 ਸਟਾਕ ਸਥਿਰ ਕਾਰੋਬਾਰ ਕਰਦੇ ਦੇਖੇ ਜਾ ਰਹੇ ਹਨ। ਨਿਫਟੀ ਵਿਚ ਕੁੱਲ 21,97,78,798 ਨਿਵੇਸ਼ਕ ਰਜਿਸਟਰ ਹਨ।
2 ਅਪ੍ਰੈਲ ਨੂੰ ਵਿਦੇਸ਼ੀ ਨਿਵੇਸ਼ਕਾਂ (ਐੱਫ.ਆਈ.ਆਈ.) ਨੇ 1,538 ਕਰੋੜ ਰੁਪਏ ਦੇ ਸ਼ੇਅਰ ਵੇਚੇ। ਇਸ ਦੇ ਨਾਲ ਹੀ ਘਰੇਲੂ ਨਿਵੇਸ਼ਕਾਂ (DIIs) ਨੇ 2,808 ਕਰੋੜ ਰੁਪਏ ਦੇ ਸ਼ੇਅਰ ਖਰੀਦੇ।
ਏਸ਼ੀਆਈ ਬਾਜ਼ਾਰ ਵਿਚ ਗਿਰਾਵਟ ਦਾ ਰੁਝਾਨ
ਏਸ਼ੀਆਈ ਬਾਜ਼ਾਰਾਂ 'ਚ ਜਾਪਾਨ ਦਾ ਨਿੱਕੇਈ 2.95%, ਚੀਨ ਦਾ ਸ਼ੰਘਾਈ ਕੰਪੋਜ਼ਿਟ 0.50% ਅਤੇ ਹਾਂਗਕਾਂਗ ਦਾ ਹੈਂਗ ਸੇਂਗ ਸੂਚਕ ਅੰਕ 1.77% ਹੇਠਾਂ ਰਿਹਾ।
2 ਅਪ੍ਰੈਲ ਨੂੰ ਅਮਰੀਕਾ ਦਾ ਡਾਓ ਜੋਂਸ 0.56 ਫੀਸਦੀ ਵਧ ਕੇ 42,225 'ਤੇ ਬੰਦ ਹੋਇਆ ਸੀ। Nasdaq ਕੰਪੋਜ਼ਿਟ 0.87% ਵਧਿਆ ਜਦੋਂ ਕਿ S&P 500 ਇੰਡੈਕਸ 0.67% ਵੱਧ ਕੇ ਬੰਦ ਹੋਇਆ।
ਬਾਜ਼ਾਰ ਵਿਚ ਗਿਰਾਵਟ ਦੇ ਕਾਰਨ
ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕ (ਐੱਫ. ਆਈ. ਆਈ.) ਲਗਾਤਾਰ ਭਾਰਤੀ ਸ਼ੇਅਰ ਬਾਜ਼ਾਰ ਤੋਂ ਪੈਸਾ ਕਢਵਾ ਰਹੇ ਹਨ। ਇਹ ਵਿਕਰੀ ਬਾਜ਼ਾਰ ਵਿੱਚ ਦਬਾਅ ਵਧਾਉਣ ਦਾ ਇੱਕ ਵੱਡਾ ਕਾਰਨ ਹੋ ਸਕਦੀ ਹੈ, ਖਾਸ ਤੌਰ 'ਤੇ ਜੇਕਰ ਨਿਵੇਸ਼ਕ ਦੂਜੇ ਬਾਜ਼ਾਰਾਂ ਵੱਲ ਮੁੜ ਰਹੇ ਹਨ।
ਅਮਰੀਕਾ ਨੇ ਭਾਰਤ 'ਤੇ 26% ਟੈਰਿਫ ਲਗਾਉਣ ਦਾ ਐਲਾਨ ਕੀਤਾ ਹੈ। ਭਾਰਤ ਤੋਂ ਇਲਾਵਾ ਚੀਨ 'ਤੇ 34 ਫੀਸਦੀ, ਯੂਰਪੀ ਸੰਘ 'ਤੇ 20 ਫੀਸਦੀ, ਦੱਖਣੀ ਕੋਰੀਆ 'ਤੇ 25 ਫੀਸਦੀ, ਜਾਪਾਨ 'ਤੇ 24 ਫੀਸਦੀ, ਵੀਅਤਨਾਮ 'ਤੇ 46 ਫੀਸਦੀ ਅਤੇ ਤਾਈਵਾਨ 'ਤੇ 32 ਫੀਸਦੀ ਟੈਰਿਫ ਲਗਾਇਆ ਜਾਵੇਗਾ।
ਵਿਸ਼ਵ ਆਰਥਿਕ ਮੰਦੀ ਦੇ ਡਰ ਅਤੇ 2025 ਦੀ ਪਹਿਲੀ ਤਿਮਾਹੀ ਵਿੱਚ ਯੂਐਸ ਜੀਡੀਪੀ ਦੇ 2.8% ਤੱਕ ਡਿੱਗਣ ਦੀ ਭਵਿੱਖਬਾਣੀ ਨੇ ਨਿਵੇਸ਼ਕਾਂ ਦੇ ਵਿਸ਼ਵਾਸ ਨੂੰ ਘਟਾ ਦਿੱਤਾ ਹੈ। ਇਸ ਨਾਲ ਸ਼ੇਅਰ ਬਾਜ਼ਾਰ 'ਚ ਅਸਥਿਰਤਾ ਵਧ ਰਹੀ ਹੈ।
ਬੀਤੇ ਦਿਨ ਸ਼ੇਅਰ ਬਜ਼ਾਰ ਦਾ ਹਾਲ
ਕੱਲ੍ਹ ਯਾਨੀ 2 ਅਪ੍ਰੈਲ ਨੂੰ ਸ਼ੇਅਰ ਬਾਜ਼ਾਰ 'ਚ ਤੇਜ਼ੀ ਰਹੀ। ਸੈਂਸੈਕਸ 592 ਅੰਕ ਵਧ ਕੇ 76,617 ਦੇ ਪੱਧਰ 'ਤੇ ਬੰਦ ਹੋਇਆ। ਨਿਫਟੀ 'ਚ 166 ਅੰਕਾਂ ਦੀ ਤੇਜ਼ੀ ਦਰਜ ਕੀਤੀ ਗਈ, ਇਹ 23,332 ਦੇ ਪੱਧਰ 'ਤੇ ਬੰਦ ਹੋਇਆ।
ਭਾਰਤ ਦੇ ਇਨ੍ਹਾਂ ਸੈਕਟਰਾਂ 'ਤੇ ਸਭ ਤੋਂ ਵੱਧ ਅਸਰ ਦਿਖਾਏਗੀ ਟਰੰਪ ਦੀ 'ਟੈਰਿਫ਼ ਨੀਤੀ'
NEXT STORY 
