ਮੁੰਬਈ - ਹਫ਼ਤੇ ਦੇ ਤੀਜੇ ਕਾਰੋਬਾਰੀ ਦਿਨ 9 ਜੁਲਾਈ ਨੂੰ ਮਿਸ਼ਰਤ ਗਲੋਬਲ ਬਾਜ਼ਾਰ ਭਾਵਨਾ ਵਿਚਕਾਰ ਸ਼ੁਰੂਆਤੀ ਕਾਰੋਬਾਰ ਵਿੱਚ ਸੈਂਸੈਕਸ ਅਤੇ ਨਿਫਟੀ ਦੋਵੇਂ ਡਿੱਗ ਗਏ। ਟੈਰਿਫਾਂ ਨੂੰ ਲੈ ਕੇ ਅਨਿਸ਼ਚਿਤਤਾ ਕਾਰਨ ਨਿਵੇਸ਼ਕ ਸਾਵਧਾਨੀ ਵਾਲਾ ਰੁਖ਼ ਆਪਣਾ ਰਹੇ ਹਨ। ਇਸ ਰੁਝਾਨ ਦਰਮਿਆਨ ਅੱਜ ਹਫ਼ਤੇ ਦੇ ਤੀਜੇ ਕਾਰੋਬਾਰੀ ਦਿਨ ਦਿਨ ਭਰ ਬਾਜ਼ਾਰ ਵਿਚ ਗਿਰਾਵਟ ਦੇਖਣ ਨੂੰ ਮਿਲੀ ਹੈ। ਸੈਂਸੈਕਸ 176.43 ਅੰਕ ਭਾਵ 0.21 % ਡਿੱਗ ਕੇ 83,536.08 'ਤੇ ਬੰਦ ਹੋਇਆ ਹੈ। ਸੈਂਸੈਕਸ ਦੇ 13 ਸਟਾਕ ਵਾਧੇ ਨਾਲ ਅਤੇ 17 ਸਟਾਕ ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਦੇਖੇ ਗਏ। ਐਚਸੀਐਲ ਟੈਕ , ਟਾਟਾ ਸਟੀਲ , ਟੈੱਕ ਮਹਿੰਦਰਾ ਅਤੇ ਰਿਲਾਇੰਸ ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਦੇਖੇ ਗਏ।
ਇਹ ਵੀ ਪੜ੍ਹੋ : 8th Pay Commission: ਜਾਣੋ ਕਦੋਂ ਲਾਗੂ ਹੋਵੇਗਾ ਅੱਠਵਾਂ ਤਨਖਾਹ ਕਮਿਸ਼ਨ, ਤਨਖਾਹ 'ਚ ਹੋਵੇਗਾ ਰਿਕਾਰਡ ਤੋੜ ਵਾਧਾ!
ਦੂਜੇ ਪਾਸੇ ਨਿਫਟੀ ਵੀ 46.40 ਅੰਕ ਭਾਵ 0.18 ਫ਼ੀਸਦੀ ਡਿੱਗ ਕੇ 25,476.10 ਦੇ ਪੱਧਰ 'ਤੇ ਬੰਦ ਹੋਇਆ ਹੈ।
ਇਹ ਵੀ ਪੜ੍ਹੋ : 12 ਤੋਂ 20 ਜੁਲਾਈ ਦਰਮਿਆਨ 7 ਦਿਨ ਰਹਿਣਗੀਆਂ ਛੁੱਟੀਆਂ!
ਗਲੋਬਲ ਬਾਜ਼ਾਰਾਂ ਦਾ ਹਾਲ
ਏਸ਼ੀਆਈ ਬਾਜ਼ਾਰਾਂ ਵਿੱਚ, ਹਾਂਗ ਕਾਂਗ ਦਾ ਹੈਂਗ ਸੇਂਗ ਅਤੇ ਦੱਖਣੀ ਕੋਰੀਆ ਦਾ ਕੋਸਪੀ ਲਾਭ ਵਿੱਚ ਸੀ, ਜਦੋਂ ਕਿ ਜਾਪਾਨ ਦਾ ਨਿੱਕੇਈ 225 ਅਤੇ ਚੀਨ ਦਾ ਸ਼ੰਘਾਈ ਐਸਐਸਈ ਕੰਪੋਜ਼ਿਟ ਘਾਟੇ ਵਿੱਚ ਸੀ। ਮੰਗਲਵਾਰ ਨੂੰ ਅਮਰੀਕੀ ਬਾਜ਼ਾਰ ਇੱਕ ਫਲੈਟ ਰੁਝਾਨ ਨਾਲ ਬੰਦ ਹੋਏ।
ਅਮਰੀਕਾ ਦਾ ਡਾਓ ਜੋਨਸ 0.37% ਡਿੱਗ ਕੇ 44,241 'ਤੇ ਬੰਦ ਹੋਇਆ। ਇਸ ਦੌਰਾਨ, ਨੈਸਡੈਕ ਕੰਪੋਜ਼ਿਟ 0.029% ਡਿੱਗ ਕੇ 20,418 'ਤੇ ਅਤੇ ਐਸ ਐਂਡ ਪੀ 500 0.072% ਡਿੱਗ ਕੇ 6,226 'ਤੇ ਬੰਦ ਹੋਇਆ।
ਇਹ ਵੀ ਪੜ੍ਹੋ : Bike-Auto ਨੂੰ ਲੈ ਕੇ ਨਿਤਿਨ ਗਡਕਰੀ ਨੇ ਜਾਰੀ ਕੀਤੇ ਨਿਯਮ, ਇਨ੍ਹਾਂ ਸੜਕਾਂ 'ਤੇ ਹੋਵੇਗੀ ਪਾਬੰਦੀ
ਨਿਵੇਸ਼ਕਾਂ ਦਾ ਰੁਝਾਨ
ਅੰਤਰਰਾਸ਼ਟਰੀ ਮਿਆਰੀ ਬ੍ਰੈਂਟ ਕਰੂਡ 0.20 ਪ੍ਰਤੀਸ਼ਤ ਡਿੱਗ ਕੇ 70.01 ਡਾਲਰ ਪ੍ਰਤੀ ਬੈਰਲ 'ਤੇ ਆ ਗਿਆ। ਸਟਾਕ ਮਾਰਕੀਟ ਦੇ ਅੰਕੜਿਆਂ ਅਨੁਸਾਰ, ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕ (FII) ਮੰਗਲਵਾਰ ਨੂੰ ਵਿਕਰੇਤਾ ਸਨ ਅਤੇ 26.12 ਕਰੋੜ ਰੁਪਏ ਦੇ ਸ਼ੁੱਧ ਮੁੱਲ ਦੇ ਸ਼ੇਅਰ ਵੇਚੇ। ਦੂਜੇ ਪਾਸੇ, ਘਰੇਲੂ ਸੰਸਥਾਗਤ ਨਿਵੇਸ਼ਕਾਂ (DII) ਨੇ 1,366.82 ਕਰੋੜ ਰੁਪਏ ਦੇ ਸ਼ੇਅਰ ਖਰੀਦੇ। ਘਰੇਲੂ ਨਿਵੇਸ਼ਕਾਂ ਨੇ 1,367 ਕਰੋੜ ਰੁਪਏ ਦੇ ਸ਼ੇਅਰ ਖਰੀਦੇ।
ਜੂਨ ਮਹੀਨੇ ਵਿੱਚ, ਵਿਦੇਸ਼ੀ ਨਿਵੇਸ਼ਕਾਂ ਦੀ ਸ਼ੁੱਧ ਖਰੀਦ 7,488.98 ਕਰੋੜ ਰੁਪਏ ਸੀ। ਇਸ ਦੇ ਨਾਲ ਹੀ, ਘਰੇਲੂ ਨਿਵੇਸ਼ਕਾਂ ਨੇ ਵੀ ਪੂਰੇ ਮਹੀਨੇ ਵਿੱਚ ₹72,673.91 ਕਰੋੜ ਦੀ ਸ਼ੁੱਧ ਖਰੀਦ ਕੀਤੀ।
ਮਈ ਮਹੀਨੇ ਵਿੱਚ, ਵਿਦੇਸ਼ੀ ਨਿਵੇਸ਼ਕਾਂ ਦੀ ਸ਼ੁੱਧ ਖਰੀਦ 11,773.25 ਕਰੋੜ ਰੁਪਏ ਸੀ। ਇਸ ਦੇ ਨਾਲ ਹੀ, ਘਰੇਲੂ ਨਿਵੇਸ਼ਕਾਂ ਨੇ ਵੀ ਪੂਰੇ ਮਹੀਨੇ ਵਿੱਚ ₹67,642.34 ਕਰੋੜ ਦੀ ਸ਼ੁੱਧ ਖਰੀਦ ਕੀਤੀ।
ਇਹ ਵੀ ਪੜ੍ਹੋ : ਵਿਆਹ ਕਰਵਾਉਣ ਦੀ ਉਮਰ 'ਚ ਰਿਟਾਇਰਮੈਂਟ ਦੀ ਯੋਜਨਾ ਬਣਾ ਰਹੇ ਨੌਜਵਾਨ, ਔਰਤਾਂ ਹੋਈਆਂ ਜ਼ਿਆਦਾ ਗੰਭੀਰ
ਬੀਤੇ ਦਿਨ ਸ਼ੇਅਰ ਬਾਜ਼ਾਰ ਦਾ ਹਾਲ
ਬੀਤੇ ਦਿਨ ਮੰਗਲਵਾਰ 8 ਜੁਲਾਈ ਨੂੰ ਸੈਂਸੈਕਸ 270 ਅੰਕ ਵਧ ਕੇ 83,713 'ਤੇ ਬੰਦ ਹੋਇਆ। ਸੈਂਸੈਕਸ ਦੇ 30 ਸਟਾਕਾਂ ਵਿੱਚੋਂ 18 ਵਧੇ।
ਨਿਫਟੀ 61 ਅੰਕ ਵਧ ਕੇ 25,523 'ਤੇ ਬੰਦ ਹੋਇਆ। ਨਿਫਟੀ ਦੇ 50 ਸਟਾਕਾਂ ਵਿੱਚੋਂ 27 ਵਧੇ ਅਤੇ 23 ਡਿੱਗੇ। ਐਨਐਸਈ ਦੇ ਫਾਰਮਾ ਅਤੇ ਸਿਹਤ ਸੰਭਾਲ ਖੇਤਰ ਗਿਰਾਵਟ ਨਾਲ ਬੰਦ ਹੋਏ। ਆਈਟੀ, ਬੈਂਕਿੰਗ ਅਤੇ ਰੀਅਲਟੀ ਸਟਾਕ ਵਾਧੇ ਨਾਲ ਬੰਦ ਹੋਏ।
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
150 ਸਾਲਾਂ ਦਾ ਹੋਇਆ BSE, ਬੋਹੜ ਦੇ ਦਰਖਤ ਹੇਠੋਂ ਸ਼ੁਰੂ ਹੋਇਆ ਏਸ਼ੀਆ ਦੇ ਸਭ ਤੋਂ ਪੁਰਾਣੀ ਸਟਾਕ ਐਕਸਚੇਂਜ ਦਾ ਸਫ਼ਰ
NEXT STORY 
