ਮੁੰਬਈ - ਟਾਟਾ ਪਾਵਰ ਲਿਮਟਿਡ 1 ਲੱਖ ਕਰੋੜ ਰੁਪਏ ਦੀ ਮਾਰਕੀਟ ਕੈਪ ਨੂੰ ਪਾਰ ਕਰਨ ਵਾਲੀ ਟਾਟਾ ਗਰੁੱਪ ਦੀ ਛੇਵੀਂ ਕੰਪਨੀ ਬਣ ਗਈ ਹੈ। ਅੱਜ 7 ਦਸੰਬਰ ਨੂੰ ਟਾਟਾ ਪਾਵਰ ਦੇ ਸ਼ੇਅਰ 11.03% ਦੇ ਵਾਧੇ ਨਾਲ 326.60 ਰੁਪਏ ਦੇ ਸਭ ਤੋਂ ਉੱਚੇ ਪੱਧਰ 'ਤੇ ਬੰਦ ਹੋਏ। ਇਸ ਨਾਲ ਕੰਪਨੀ ਦਾ ਮਾਰਕੀਟ ਕੈਪ ਵੀ 1.04 ਲੱਖ ਕਰੋੜ ਰੁਪਏ ਤੋਂ ਪਾਰ ਹੋ ਗਿਆ ਹੈ। ਟਰੇਡਿੰਗ ਦੌਰਾਨ ਟਾਟਾ ਪਾਵਰ ਦੇ ਸ਼ੇਅਰਾਂ ਨੇ ਵੀ 332.15 ਰੁਪਏ ਦਾ 52 ਹਫਤੇ ਦਾ ਉੱਚ ਪੱਧਰ ਬਣਾਇਆ।
ਇਹ ਵੀ ਪੜ੍ਹੋ : ਅਮਰੀਕੀ ਜਾਂਚ 'ਚ ਅਡਾਨੀ ਪਾਸ ਤੇ ਹਿੰਡਨਬਰਗ ਹੋਇਆ ਫ਼ੇਲ੍ਹ, ਸਰਕਾਰ ਕਰੇਗੀ 4500 ਕਰੋੜ ਦਾ ਨਿਵੇਸ਼
ਸ਼ੇਅਰ 52-ਹਫ਼ਤੇ ਦੇ ਉੱਚੇ ਪੱਧਰ 'ਤੇ ਪਹੁੰਚਿਆ
ਸ਼ੇਅਰ ਬਾਜ਼ਾਰ 'ਚ ਪਿਛਲੇ ਕੁਝ ਦਿਨਾਂ ਤੋਂ ਚੱਲ ਰਹੀ ਜ਼ੋਰਦਾਰ ਤੇਜ਼ੀ ਦੇ ਵਿਚਾਲੇ ਦੂਜੀਆਂ ਕੰਪਨੀਆਂ ਦੇ ਸ਼ੇਅਰਾਂ ਦੇ ਨਾਲ-ਨਾਲ ਟਾਟਾ ਪਾਵਰ ਦੇ ਸ਼ੇਅਰ ਵੀ ਵਾਧੇ ਦੇ ਨਾਲ ਕਾਰੋਬਾਰ ਕਰ ਰਹੇ ਹਨ। ਬੁੱਧਵਾਰ ਨੂੰ ਟ੍ਰੇਡਿੰਗ ਦੌਰਾਨ ਇਹ ਕਰੀਬ 6 ਫੀਸਦੀ ਦੇ ਵਾਧੇ ਨਾਲ 298 ਰੁਪਏ ਦੇ ਪੱਧਰ 'ਤੇ ਪਹੁੰਚ ਗਿਆ ਸੀ, ਜਦੋਂ ਕਿ ਮਾਹਰ ਇਸ ਦੇ 300 ਰੁਪਏ ਦੇ ਪਾਰ ਜਾਣ ਦੀ ਭਵਿੱਖਬਾਣੀ ਕਰ ਰਹੇ ਸਨ। ਇਸ ਦੌਰਾਨ ਵੀਰਵਾਰ ਨੂੰ ਸ਼ੇਅਰ ਬਾਜ਼ਾਰ ਖੁੱਲ੍ਹਣ ਦੇ ਨਾਲ ਹੀ ਕੰਪਨੀ ਦੇ ਸ਼ੇਅਰਾਂ ਨੇ ਵੀ ਇਸ ਟੀਚੇ ਦੀ ਕੀਮਤ ਨੂੰ ਪਾਰ ਕਰ ਲਿਆ ਅਤੇ 52 ਹਫਤਿਆਂ ਦੇ ਨਵੇਂ ਉੱਚ ਪੱਧਰ ਨੂੰ ਛੂਹ ਲਿਆ।
ਇਹ ਵੀ ਪੜ੍ਹੋ : ਬੀਮਾਰੀਆਂ ਦਾ ਕਾਰਨ ਬਣੇ Branded ਕੰਪਨੀਆਂ ਦੇ ਉਤਪਾਦ, 35 ਹਜ਼ਾਰ ਉਤਪਾਦ ਜਾਂਚ 'ਚ ਫ਼ੇਲ੍ਹ
ਦਿੱਤਾ 54% ਦਾ ਰਿਟਰਨ
ਪਿਛਲੇ ਛੇ ਮਹੀਨਿਆਂ ਵਿੱਚ ਟਾਟਾ ਪਾਵਰ ਦੇ ਸਟਾਕ ਵਿਚ 48.02% ਤੋਂ ਵੱਧ ਦਾ ਵਾਧਾ ਹੋਇਆ ਹੈ। ਜਦੋਂ ਕਿ ਪਿਛਲੇ ਇੱਕ ਮਹੀਨੇ ਵਿੱਚ ਇਸ ਵਿੱਚ ਲਗਭਗ 28.10% ਦਾ ਵਾਧਾ ਹੈ। ਟਾਟਾ ਪਾਵਰ ਨੇ 2023 ਵਿੱਚ 54.17% ਦਾ ਰਿਟਰਨ ਦਿੱਤਾ ਹੈ। ਪਿਛਲੇ 12 ਮਹੀਨਿਆਂ ਯਾਨੀ 1 ਸਾਲ 'ਚ ਕੰਪਨੀ ਦੇ ਸ਼ੇਅਰ 45.12 ਫੀਸਦੀ ਵਧੇ ਹਨ।
ਇਸ ਤੋਂ ਪਹਿਲਾਂ ਸ਼ੁੱਕਰਵਾਰ ਨੂੰ ਟ੍ਰੇਂਟ ਲਿਮਿਟੇਡ 1-ਲੱਖ ਕਰੋੜ ਰੁਪਏ ਦੀ ਮਾਰਕੀਟ ਕੈਪ ਦੇ ਨਾਲ ਟਾਟਾ ਗਰੁੱਪ ਦੀ 5ਵੀਂ ਕੰਪਨੀ ਬਣ ਗਈ। ਟਾਟਾ ਪਾਵਰ ਅਤੇ ਟ੍ਰੇਂਟ ਤੋਂ ਇਲਾਵਾ, 1 ਲੱਖ ਕਰੋੜ ਰੁਪਏ ਦੀ ਮਾਰਕੀਟ ਕੈਪ ਵਾਲੀਆਂ ਟਾਟਾ ਗਰੁੱਪ ਦੀਆਂ ਹੋਰ ਕੰਪਨੀਆਂ ਵਿੱਚ ਟਾਟਾ ਕੰਸਲਟੈਂਸੀ ਸਰਵਿਸਿਜ਼ (ਟੀਸੀਐਸ), ਟਾਈਟਨ, ਟਾਟਾ ਮੋਟਰਜ਼ ਅਤੇ ਟਾਟਾ ਸਟੀਲ ਸ਼ਾਮਲ ਹਨ।
Tata Power's market cap crosses 1 lakh crore, shares hit a new highਮਾਰਕਿਟ ਕੈਪ ਦੇ ਲਿਹਾਜ਼ ਨਾਲ ਰਿਲਾਇੰਸ ਇੰਡਸਟਰੀਜ਼ ਭਾਰਤ ਦੀਆਂ ਚੋਟੀ ਦੀਆਂ ਕੰਪਨੀਆਂ ਵਿੱਚ ਸਭ ਤੋਂ ਉੱਪਰ ਹੈ। ਇਸ ਦੀ ਮਾਰਕੀਟ ਕੈਪ 16.63 ਲੱਖ ਕਰੋੜ ਰੁਪਏ ਹੈ। TCS 13.24 ਲੱਖ ਕਰੋੜ ਰੁਪਏ ਨਾਲ ਦੂਜੇ ਸਥਾਨ 'ਤੇ, HDFC ਬੈਂਕ 12.38 ਲੱਖ ਕਰੋੜ ਰੁਪਏ ਨਾਲ ਤੀਜੇ ਸਥਾਨ 'ਤੇ ਹੈ। ICICI ਬੈਂਕ 7.01 ਲੱਖ ਕਰੋੜ ਰੁਪਏ ਦੇ ਨਾਲ ਚੌਥੇ ਸਥਾਨ 'ਤੇ ਹੈ ਅਤੇ ਇਨਫੋਸਿਸ 6.08 ਲੱਖ ਕਰੋੜ ਰੁਪਏ ਦੇ ਨਾਲ ਪੰਜਵੇਂ ਸਥਾਨ 'ਤੇ ਹੈ।
ਟਾਟਾ-ਪਾਵਰ ਨੇ ਐਨਰਜੀ ਪ੍ਰੋਜੈਕਟ ਹਾਸਲ ਕੀਤਾ
5 ਦਿਨ ਪਹਿਲਾਂ ਟਾਟਾ ਪਾਵਰ ਲਿਮਟਿਡ ਨੇ ਬੀਕਾਨੇਰ ਟਰਾਂਸਮਿਸ਼ਨ ਰੀਨਿਊਏਬਲ ਐਨਰਜੀ ਪ੍ਰੋਜੈਕਟ ਐਕੁਆਇਰ ਕੀਤਾ ਸੀ। ਕੰਪਨੀ ਨੇ ਕਿਹਾ ਸੀ ਕਿ ਉਸ ਨੇ ਬੀਕਾਨੇਰ-III ਨੀਮਰਾਨਾ-2 ਟਰਾਂਸਮਿਸ਼ਨ ਰੀਨਿਊਏਬਲ ਐਨਰਜੀ ਪ੍ਰੋਜੈਕਟ ਦੇ ਐਕਵਾਇਰ ਲਈ ਲਗਭਗ 1,544 ਕਰੋੜ ਰੁਪਏ ਦੀ ਬੋਲੀ ਜਿੱਤ ਲਈ ਹੈ।
ਇਹ ਊਰਜਾ ਪ੍ਰੋਜੈਕਟ ਪਾਵਰ ਫਾਈਨਾਂਸ ਕਾਰਪੋਰੇਸ਼ਨ ਦੀ ਸਹਾਇਕ ਕੰਪਨੀ ਪੀਐਫਸੀ ਕੰਸਲਟਿੰਗ ਲਿਮਿਟੇਡ ਦੁਆਰਾ ਸਥਾਪਤ ਇੱਕ ਵਿਸ਼ੇਸ਼ ਉਦੇਸ਼ ਵਾਹਨ (SPV) ਹੈ। SPV ਨੂੰ ਸਪੈਸ਼ਲ ਪਰਪਜ਼ ਐਂਟਿਟੀ ਯਾਨੀ SPE ਵੀ ਕਿਹਾ ਜਾਂਦਾ ਹੈ। ਇਹ ਆਪਣੇ ਵਿੱਤੀ ਜੋਖਮਾਂ ਨੂੰ ਵੱਖ ਕਰਨ ਲਈ ਮੂਲ ਕੰਪਨੀ ਦੁਆਰਾ ਬਣਾਈ ਗਈ ਇੱਕ ਸਹਾਇਕ ਕੰਪਨੀ ਹੈ।
ਇਹ ਵੀ ਪੜ੍ਹੋ : ਹੁਣ ਰਿਜ਼ਰਵ ਸੀਟ 'ਤੇ ਨਹੀਂ ਬੈਠ ਸਕਣਗੇ ਵੇਟਿੰਗ ਲਿਸਟ ਵਾਲੇ ਯਾਤਰੀ, ਦਰਜ ਹੋਵੇਗੀ ਸ਼ਿਕਾਇਤ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਸੱਤ ਮਹੀਨਿਆਂ ਬਾਅਦ ਨਵੰਬਰ ਦੇ ਮਹੀਨੇ ਚੀਨ ਦੀ ਬਰਾਮਦ 'ਚ ਹੋਇਆ ਵਾਧਾ, ਦਰਾਮਦ ਘਟੀ
NEXT STORY 
