ਨਵੀਂ ਦਿੱਲੀ : ਅਦਾਕਾਰਾ ਅਰਬਾਜ਼ ਖ਼ਾਨ ਨੂੰ ਆਪਣੀ ਦੂਜੀ ਪਤਨੀ ਸ਼ੂਰਾ ਖ਼ਾਨ ਨਾਲ ਕਈ ਵਾਰ ਜਨਤਕ ਥਾਵਾਂ 'ਤੇ ਦੇਖਿਆ ਗਿਆ ਹੈ। ਭਰੇ ਇਕੱਠ 'ਚ ਵੀ ਉਹ ਆਪਣੀ ਪਤਨੀ 'ਤੇ ਪਿਆਰ ਵਰਸਾਉਣ ਤੋਂ ਨਹੀਂ ਝਿਜਕਦਾ। ਅਰਬਾਜ਼ ਤੇ ਸ਼ੂਰਾ ਦਾ ਪ੍ਰੇਮ ਵਿਆਹ ਹੋਇਆ ਹੈ ਅਤੇ ਉਹ ਇੱਕ ਦੂਜੇ ਨਾਲ ਖੁਸ਼ਹਾਲ ਜੀਵਨ ਬਤੀਤ ਕਰ ਰਹੇ ਹਨ। ਹਾਲ ਹੀ 'ਚ ਅਰਬਾਜ਼ ਨੇ ਸ਼ੂਰਾ ਅਤੇ ਇੰਡਸਟਰੀ ਦੇ ਕੁਝ ਦੋਸਤਾਂ ਨਾਲ ਇਫਤਾਰ ਪਾਰਟੀ ਰੱਖੀ ਸੀ।
ਰਮਜ਼ਾਨ ਦੇ ਪਵਿੱਤਰ ਮਹੀਨੇ ਦੌਰਾਨ ਉਹ ਆਪਣੀ ਪਤਨੀ ਸ਼ੂਰਾ ਖ਼ਾਨ ਨਾਲ ਇਫਤਾਰ ਕਰਨ ਲਈ ਮੁੰਬਈ ਦੇ ਮੁਹੰਮਦ ਅਲੀ ਰੋਡ ਪਹੁੰਚੇ। ਨਵੇਂ ਵਿਆਹੇ ਜੋੜੇ ਅਰਬਾਜ਼ ਅਤੇ ਸ਼ੂਰਾ ਨੇ ਇਫਤਾਰ ਪਾਰਟੀ 'ਚ ਕਈ ਸੁਆਦੀ ਪਕਵਾਨਾਂ ਦਾ ਆਨੰਦ ਮਾਣਿਆ। ਇੰਨਾ ਹੀ ਨਹੀਂ ਅਰਬਾਜ਼ ਆਪਣੀ ਪਤਨੀ ਨੂੰ ਭੀੜ ਤੋਂ ਬਚਾਉਂਦੇ ਵੀ ਨਜ਼ਰ ਆਏ।
ਉਨ੍ਹਾਂ ਦੀ ਕਿਊਟ ਕੈਮਿਸਟਰੀ ਦੀਆਂ ਕੁਝ ਵੀਡੀਓਜ਼ ਸਾਹਮਣੇ ਆਈਆਂ ਹਨ, ਜੋ ਸੋਸ਼ਲ ਮੀਡੀਆ 'ਤੇ ਵੀ ਕਾਫ਼ੀ ਵਾਇਰਲ ਹੋ ਰਹੀਆਂ ਹਨ, ਜਿਨ੍ਹਾਂ 'ਚ ਅਰਬਾਜ਼ ਅਤੇ ਸ਼ੂਰਾ ਇੱਕ ਦੂਜੇ ਦੇ ਪਿਆਰ ਵਿੱਚ ਗੁਆਚੇ ਨਜ਼ਰ ਆਏ।
ਇਫਤਾਰ ਤੋਂ ਬਾਅਦ ਸ਼ੂਰਾ ਆਪਣੇ ਪਤੀ ਅਰਬਾਜ਼ ਦੇ ਚਿਹਰੇ ਤੋਂ ਕੁਝ ਖਾਣਾ ਸਾਫ਼ ਕਰਦੀ ਨਜ਼ਰ ਆਈ। ਇੰਨਾ ਹੀ ਨਹੀਂ ਅਰਬਾਜ਼ ਨੇ ਪਤਨੀ ਸ਼ੂਰਾ ਦੀ ਜੂਠ ਵੀ ਖਾਧੀ। ਇਸ ਜੋੜੇ ਦੀ ਕਿਊਟ ਕੈਮਿਸਟਰੀ ਨੂੰ ਦੇਖਣ ਤੋਂ ਬਾਅਦ ਪ੍ਰਸ਼ੰਸਕ ਉਨ੍ਹਾਂ ਦੀ ਤਾਰੀਫ ਕਰਨ ਤੋਂ ਆਪਣੇ ਆਪ ਨੂੰ ਰੋਕ ਨਹੀਂ ਸਕੇ। ਅਰਬਾਜ਼ ਅਤੇ ਸ਼ੂਰਾ ਦੀ ਕੈਮਿਸਟਰੀ ਨੇ ਲੋਕਾਂ ਦਾ ਦਿਲ ਜਿੱਤ ਲਿਆ ਹੈ। ਭੀੜ 'ਚ ਵੀ ਅਰਬਾਜ਼ ਨੇ ਸ਼ੂਰਾ ਦਾ ਖਿਆਲ ਰੱਖਿਆ। ਉਹ ਉਨ੍ਹਾਂ ਨੂੰ ਲੋਕਾਂ ਤੋਂ ਬਚਾ ਕੇ ਕਾਰ ਵੱਲ ਲਿਜਾਂਦਾ ਦੇਖਿਆ ਗਿਆ।
ਅਦਾਕਾਰਾ ਪ੍ਰਿਯੰਕਾ ਚੋਪੜਾ ਦੇ ਭਰਾ ਦੀ ਹੋਈ 'ਕੁੜਮਾਈ', ਸਾਹਮਣੇ ਆਈਆਂ ਖ਼ੂਬਸੂਰਤ ਤਸਵੀਰਾਂ
NEXT STORY 
