ਐਂਟਰਟੇਨਮੈਂਟ ਡੈਸਕ : ਟੀ. ਵੀ. ਸ਼ੋਅ 'ਅੰਬਰ ਧਾਰਾ' ਫੇਮ ਅਦਾਕਾਰਾ ਕਸ਼ਮੀਰਾ ਇਰਾਨੀ ਨੇ ਹਾਲ ਹੀ 'ਚ ਆਪਣੇ ਪ੍ਰੇਮੀ ਅਕਸ਼ਤ ਸਕਸੈਨਾ ਨਾਲ ਵਿਆਹ ਕਰਵਾ ਲਿਆ ਹੈ। ਜੋੜੇ ਨੇ ਦੋਸਤਾਂ ਅਤੇ ਪਰਿਵਾਰ ਦੀ ਮੌਜੂਦਗੀ 'ਚ ਮੁੰਬਈ ਤੋਂ ਦੂਰ ਰਾਜਸਥਾਨ 'ਚ ਵਿਆਹ ਕਰਵਾਇਆ ਹੈ। ਟੀ. ਵੀ. ਐਕਟਰ ਨਕੁਲ ਮਹਿਤਾ ਨੇ ਇੱਕ ਤਸਵੀਰ ਸ਼ੇਅਰ ਕਰਕੇ ਇਹ ਜਾਣਕਾਰੀ ਦਿੱਤੀ ਹੈ।
ਇੱਕ-ਦੂਜੇ ਦੇ ਬਣੇ ਕਸ਼ਮੀਰਾ ਤੇ ਅਕਸ਼ਤ
ਕਸ਼ਮੀਰੀ ਇਰਾਨੀ ਦਾ ਅਕਸ਼ਤ ਸਕਸੈਨਾ ਨਾਲ 10 ਫਰਵਰੀ ਨੂੰ ਰਣਥੰਬੋਰ, ਸਵਾਈ ਮਾਧੋਪੁਰ, ਰਾਜਸਥਾਨ 'ਚ ਸ਼ਾਹੀ ਵਿਆਹ ਹੋਇਆ ਸੀ। ਇਸ ਵਿਆਹ 'ਚ ਨਕੁਲ ਮਹਿਤਾ ਆਪਣੀ ਪਤਨੀ ਜਾਨਕੀ ਨਾਲ ਸ਼ਾਮਲ ਹੋਏ। ਨਕੁਲ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਵਿਆਹ ਦੀਆਂ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਨਕੁਲ ਮਹਿਤਾ ਨੇ ਤਸਵੀਰਾਂ ਸਾਂਝੀਆਂ ਕੀਤੀਆਂ ਅਤੇ ਕੈਪਸ਼ਨ 'ਚ ਲਿਖਿਆ, ''ਵੀਕਐਂਡ 'ਤੇ ਸਭ ਤੋਂ ਖੁਸ਼ਹਾਲ, ਸਭ ਤੋਂ ਪਿਆਰੇ ਅਤੇ ਨਿੱਘੇ ਲੋਕਾਂ ਦੇ ਮਿਲਾਪ ਦਾ ਜਸ਼ਨ ਮਨਾਉਂਦੇ ਹੋਏ ਬਿਤਾਇਆ, ਜਿਨ੍ਹਾਂ ਨੂੰ ਅਸੀਂ ਜਾਣਦੇ ਹਾਂ... ਕਾਸ਼ੂ ਅਤੇ ਅਕਸ਼ਾ।''
ਕਸ਼ਮੀਰਾ ਇਰਾਨੀ ਦੇ ਵਿਆਹ ਦਾ ਲੁੱਕ
ਇਸ ਖਾਸ ਮੌਕੇ 'ਤੇ ਕਸ਼ਮੀਰਾ ਨੇ ਲਾਲ ਰੰਗ ਦਾ ਲਹਿੰਗਾ ਪਾਇਆ ਸੀ। ਉਸ ਨੇ ਸੋਨੇ ਦੇ ਗਹਿਣਿਆਂ ਨਾਲ ਆਪਣਾ ਲੁੱਕ ਪੂਰਾ ਕੀਤਾ। ਉਥੇ ਹੀ ਲਾੜਾ ਰਾਜਾ ਯਾਨੀਕਿ ਅਕਸ਼ਤ ਸਕਸੈਨਾ ਕ੍ਰੀਮ ਕਲਰ ਦੀ ਕਢਾਈ ਵਾਲੀ ਸ਼ੇਰਵਾਨੀ 'ਚ ਨਜ਼ਰ ਆਏ।
ਵਿਆਹ ਤੋਂ ਪਹਿਲਾਂ ਫੰਕਸ਼ਨ
ਵਿਆਹ ਤੋਂ ਇਲਾਵਾ ਕਸ਼ਮੀਰਾ ਅਤੇ ਅਕਸ਼ਤ ਦੇ ਪ੍ਰੀ-ਵੈਡਿੰਗ ਫੰਕਸ਼ਨ ਦੀਆਂ ਤਸਵੀਰਾਂ ਵੀ ਸਾਹਮਣੇ ਆਈਆਂ ਹਨ। ਮਹਿੰਦੀ ਤੋਂ ਲੈ ਕੇ ਹਲਦੀ ਤੱਕ, ਨਕੁਲ ਮਹਿਤਾ ਨੇ ਇਕ-ਇਕ ਕਰਕੇ ਸਾਰੇ ਫੰਕਸ਼ਨਾਂ ਦੀਆਂ ਝਲਕੀਆਂ ਸਾਂਝੀਆਂ ਕੀਤੀਆਂ ਹਨ। ਕੁਝ ਤਸਵੀਰਾਂ 'ਚ ਕਸ਼ਮੀਰਾ ਪੀਲੇ ਰੰਗ ਦੀ ਸਾੜ੍ਹੀ 'ਚ ਬੇਹੱਦ ਖ਼ੂਬਸੂਰਤ ਲੱਗ ਰਹੀ ਹੈ, ਜਿਸ 'ਤੇ ਉਸ ਨੇ ਫੁੱਲਾਂ ਦੇ ਗਹਿਣੇ ਵੀ ਪਾਏ ਹੋਏ ਹਨ।
ਕਸ਼ਮੀਰਾ ਦਾ ਐਕਟਿੰਗ ਕਰੀਅਰ
ਕਸ਼ਮੀਰਾ ਇਰਾਨੀ ਦੇ ਐਕਟਿੰਗ ਕਰੀਅਰ ਦੀ ਗੱਲ ਕਰੀਏ ਤਾਂ ਉਸ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਟੀਵੀ ਸ਼ੋਅ 'ਅੰਬਰ ਧਾਰਾ' ਨਾਲ ਕੀਤੀ ਸੀ। ਇਸ ਤੋਂ ਇਲਾਵਾ ਉਹ ਸਲਮਾਨ ਖ਼ਾਨ ਦੀਆਂ 'ਟਾਈਗਰ ਜ਼ਿੰਦਾ ਹੈ', 'ਰੰਗੂਨ' ਅਤੇ 'ਭਾਰਤ' ਵਰਗੀਆਂ ਫ਼ਿਲਮਾਂ 'ਚ ਵੀ ਕੰਮ ਕਰ ਚੁੱਕੀ ਹੈ।
ਮਸ਼ਹੂਰ ਸਾਹਿਤਕਾਰ ਊਸ਼ਾ ਕਿਰਨ ਖ਼ਾਨ ਦਾ ਦਿਹਾਂਤ
NEXT STORY 
