ਮੁੰਬਈ: ਕੋਰੋਨਾ ਵਾਇਰਸ ਦਾ ਵੱਧਦਾ ਪ੍ਰਕੋਪ ਹਾਲੇ ਪੂਰੀ ਤਰ੍ਹਾਂ ਨਾਲ ਖ਼ਤਮ ਨਹੀਂ ਹੋਇਆ ਜਿਸ ਦੇ ਚੱਲਦੇ ਸਿਹਤ ਵਿਭਾਗ ਅਤੇ ਡਾਕਟਰ ਕੋਰੋਨਾ ਤੋਂ ਸੁਰੱਖਿਅਤ ਰਹਿਣ ਲਈ ਫੇਸ ਮਾਸਕ ਪਾਉਣ ਦੀ ਸਲਾਹ ਦੇ ਰਹੇ ਹਨ ਪਰ ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਬਾਜ਼ਾਰ ’ਚ ਉਪਲੱਬਧ ਇਨ੍ਹਾਂ ਮਾਸਕਾਂ ਦੀ ਜ਼ਿਆਦਾ ਤੋਂ ਜ਼ਿਆਦਾ ਕੀਮਤ ਕੀ ਹੋਵੇਗੀ? 10 ਰੁਪਏ? 200 ਰੁਪਏ? ਜਾਂ 500 ਰੁਪਏ? ਤੁਸੀਂ ਸ਼ਾਇਦ ਹੀ ਇਸ ਤੋਂ ਮਹਿੰਗਾ ਮਾਸਕ ਖਰੀਦਣ ਬਾਰੇ ਕਦੇ ਸੋਚਿਆ ਹੋਵੇ ਪਰ ਬਾਲੀਵੁੱਡ ਸਿਤਾਰਿਆਂ ਵੱਲੋਂ ਵਰਤੋਂ ਜਾਣ ਵਾਲੇ ਮਾਸਕ ਦੀ ਕੀਮਤ ਸੁਣ ਕੇ ਤੁਸੀਂ ਹੈਰਾਨ ਰਹਿ ਜਾਓਗੇ।
ਹਾਲ ਹੀ ’ਚ ਅਦਾਕਾਰਾ ਦੀਪਿਕਾ ਪਾਦੁਕੋਣ ਨੇ ਇਕ ਮਾਸਕ ਪਾਇਆ ਸੀ ਜੋ ਕਾਲੇ ਰੰਗ ਦਾ ਸੀ। ਇਸ ਮਾਸਕ ਦੀ ਕੀਮਤ ਹਰ ਪਾਸੇ ਚਰਚਾ ’ਚ ਹੈ। ਦਰਅਸਲ ਦੀਪਿਕਾ ਇਕ ਪਾਰਟੀ ’ਚ ਪਹੁੰਚੀ ਸੀ। ਜਿਥੇ ਉਸ ਨੇ ਕਾਲੇ ਰੰਗ ਦੇ ਬਾਡੀਸੂਟ ਦੇ ਨਾਲ ਕਾਲੀ ਪੈਂਟ ਅਤੇ ਕਾਲਾ ਮਾਸਕ ਪਾਇਆ ਹੋਇਆ ਸੀ। ਹੁਣ ਤੁਸੀਂ ਸੋਚ ਰਹੇ ਹੋਵੇਗੋ ਕਿ ਇਸ ’ਚ ਕੀ ਖ਼ਾਸ ਹੈ ਤਾਂ ਤੁਹਾਨੂੰ ਦੱਸ ਦੇਈ ਦੀਪਿਕਾ ਨੇ ਜੋ ਕਾਲੇ ਰੰਗ ਦਾ ਮਾਸਕ ਪਾਇਆ ਸੀ ਉਸ ਦੀ ਕੀਮਤ 1 ਜਾਂ 2 ਹਜ਼ਾਰ ਨਹੀਂ ਸਗੋਂ ਪੂਰੇ 25 ਹਜ਼ਾਰ ਹੈ। ਅਜਿਹੇ ’ਚ ਦੀਪਿਕਾ ਦਾ ਇਹ ਮਾਕਸ ਇਸ ਦੀ ਕੀਮਤ ਦੇ ਕਾਰਨ ਚਰਚਾ ’ਚ ਹੈ।
ਮੀਡੀਆ ਰਿਪੋਰਟ ਮੁਤਾਬਕ ਦੀਪਿਕਾ ਦਾ ਇਹ ਮਾਸਕ ਲੁਈਸ ਵੇਟਾਨ ਦਾ ਹੈ ਅਤੇ ਇਹ ਕੰਪਨੀ ਮਹਿੰਗੀ ਕੀਮਤ ਦੀਆਂ ਚੀਜ਼ਾਂ ਲਈ ਜਾਣੀ ਜਾਂਦੀ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਜੇਕਰ ਤੁਸੀਂ ਦਿਨ ਭਰ ਵੀ ਇਸ ਕੰਪਨੀ ਵੱਲੋਂ ਬਣਾਏ ਗਏ ਮਾਸਕ ਦੀ ਵਰਤੋਂ ਕਰਦੇ ਹੋ ਤਾਂ ਵੀ ਤੁਹਾਨੂੰ ਕਿਸੇ ਤਰ੍ਹਾਂ ਦੀ ਅਸੁਰੱਖਿਅਤ ਮਹਿਸੂਸ ਨਹੀਂ ਕਰੋਗੇ। ਭਾਵ ਤੁਸੀਂ ਦਿਨ ਭਰ ਇਸ ਮਾਸਕ ਨੂੰ ਪਾ ਕੇ ਰੱਖ ਸਕਦੇ ਹੋ।
ਵੈਲੇਂਟਾਈਨ ਡੇਅ ’ਤੇ ਅਰਜੁਨ ਕਪੂਰ ਦਾ ਕੈਂਸਰ ਪੀੜਤਾਂ ਨੂੰ ਤੋਹਫ਼ਾ, ਚੁੱਕਣਗੇ 100 ਜੋੜਿਆਂ ਦੇ ਇਲਾਜ ਦਾ ਖ਼ਰਚ
NEXT STORY 
