ਨਵੀਂ ਦਿੱਲੀ - ਬਾਲੀਵੁੱਡ ਅਦਾਕਾਰਾ ਅਤੇ ਸਿਆਸਤਦਾਨ ਕੰਗਨਾ ਰਣੌਤ ਨੇ ਹਾਲ ਹੀ 'ਚ ਜਾਰੀ ਹੋਈਆਂ ਜੈਫਰੀ ਐਪਸਟੀਨ ਫਾਈਲਾਂ 'ਤੇ ਆਪਣੀ ਸਖ਼ਤ ਪ੍ਰਤੀਕਿਰਿਆ ਦਿੱਤੀ ਹੈ। ਅਮਰੀਕੀ ਨਿਆਂ ਵਿਭਾਗ ਵੱਲੋਂ ਜਾਰੀ ਕੀਤੇ ਗਏ 30 ਲੱਖ ਤੋਂ ਵੱਧ ਪੰਨਿਆਂ ਦੇ ਦਸਤਾਵੇਜ਼ਾਂ ਅਤੇ ਹਜ਼ਾਰਾਂ ਵੀਡੀਓਜ਼ ਨੇ ਅਦਾਕਾਰਾ ਨੂੰ ਅੰਦਰ ਤੱਕ ਹਿਲਾ ਕੇ ਰੱਖ ਦਿੱਤਾ ਹੈ ਅਤੇ ਉਹ ਇਨ੍ਹਾਂ ਵੇਰਵਿਆਂ ਨੂੰ ਪੜ੍ਹ ਕੇ ਕਾਫੀ ਬੇਚੈਨ ਹਨ।
ਉੱਚ ਸਮਾਜ ਦੇ 'ਸ਼ੈਤਾਨੀ ਸੱਭਿਆਚਾਰ' 'ਤੇ ਚੁੱਕੇ ਸਵਾਲ
ਕੰਗਨਾ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ ਰਾਹੀਂ ਦੱਸਿਆ ਕਿ ਇਨ੍ਹਾਂ ਫਾਈਲਾਂ 'ਚ ਦਰਜ ਅਪਰਾਧ ਬਹੁਤ ਹੀ ਭਿਆਨਕ ਹਨ। ਉਨ੍ਹਾਂ ਲਿਖਿਆ ਕਿ ਇਹ ਸਭ ਦੇਖ ਕੇ ਅਜਿਹਾ ਲੱਗਦਾ ਹੈ ਜਿਵੇਂ ਉੱਚ ਸਮਾਜ 'ਚ ਇਹ ਕੋਈ "ਸ਼ੈਤਾਨੀ ਜਾਂ ਭਿਆਨਕ ਸੱਭਿਆਚਾਰਕ ਅਭਿਆਸ" ਹੋਵੇ। ਉਨ੍ਹਾਂ ਹੈਰਾਨੀ ਜਤਾਈ ਕਿ ਕਿਵੇਂ ਮਸ਼ਹੂਰ ਗਾਇਕ, ਫਿਲਮੀ ਸਿਤਾਰੇ, ਰਾਜਨੇਤਾ ਅਤੇ ਮਾਡਲਾਂ, ਜਿਨ੍ਹਾਂ ਬਾਰੇ ਲੋਕ ਪੜ੍ਹ ਕੇ ਵੱਡੇ ਹੋਏ ਹਨ, ਉਹ ਮਾਸੂਮ ਬੱਚਿਆਂ ਅਤੇ ਬੇਸਹਾਰਾ ਔਰਤਾਂ ਨੂੰ ਨੁਕਸਾਨ ਪਹੁੰਚਾਉਣ 'ਚ ਸ਼ਾਮਲ ਹੋ ਸਕਦੇ ਹਨ।
ਸਨਾਤਨ ਕਦਰਾਂ-ਕੀਮਤਾਂ 'ਚ ਦੇਖਿਆ ਦੁਨੀਆ ਦਾ ਹੱਲ
ਇਨ੍ਹਾਂ ਰਿਪੋਰਟਾਂ ਕਾਰਨ ਕੰਗਨਾ ਨੇ ਮਨੁੱਖਤਾ ਦੇ ਭਵਿੱਖ ਬਾਰੇ ਨਿਰਾਸ਼ਾ ਜ਼ਾਹਿਰ ਕਰਦਿਆਂ ਕਿਹਾ ਕਿ ਉਹ ਭਾਰਤ ਦੀ ਸੱਭਿਆਚਾਰ ਅਤੇ 'ਸਨਾਤਨ' ਮੁੱਲਾਂ 'ਚ ਵਿਸ਼ਵਾਸ ਰੱਖਦੀ ਹੈ। ਉਨ੍ਹਾਂ ਮੁਤਾਬਕ ਦੁਨੀਆ ਜਿਨ੍ਹਾਂ ਸਵਾਲਾਂ ਦੇ ਜਵਾਬ ਲੱਭ ਰਹੀ ਹੈ, ਉਹ ਸਨਾਤਨ ਧਰਮ 'ਚ ਹੀ ਹਨ। ਉਨ੍ਹਾਂ ਨੇ ਦੇਵਤਿਆਂ ਅਤੇ ਦੈਂਤਾਂ (ਸੁਰ/ਅਸੁਰ) ਦੀਆਂ ਪ੍ਰਾਚੀਨ ਕਹਾਣੀਆਂ ਦਾ ਹਵਾਲਾ ਦਿੰਦਿਆਂ ਕਿਹਾ ਕਿ ਇਹ ਅੱਜ ਦੇ ਸਮੇਂ 'ਚ ਵੀ ਪੂਰੀ ਤਰ੍ਹਾਂ ਢੁੱਕਵੀਂਆਂ ਹਨ।
ਫਿਲਮ 'ਈਥਾ' ਲਈ ਬਾਲੀਵੁੱਡ ਦੇ ਇਸ ਅਦਾਕਾਰ ਨੇ ਬਦਲਿਆ ਆਪਣਾ ਲੁਕ : ਵਧਾਇਆ ਭਾਰ ਤੇ ...
NEXT STORY 
