ਮੁੰਬਈ (ਬਿਊਰੋ) : ਅਦਾਕਾਰ ਸੁਨੀਲ ਸ਼ੈੱਟੀ ਦੀ ਧੀ ਆਥੀਆ ਸ਼ੈੱਟੀ ਅਤੇ ਕੇ. ਐੱਲ. ਰਾਹੁਲ ਤੋਂ ਬਾਅਦ ਹੁਣ 'ਸ਼ੇਰਸ਼ਾਹ' ਫੇਮ ਜੋੜਾ ਕਿਆਰਾ ਅਡਵਾਨੀ ਅਤੇ ਸਿਧਾਰਥ ਮਲਹੋਤਰਾ ਵਿਆਹ ਦੇ ਬੰਧਨ 'ਚ ਬੱਝ ਚੁੱਕਿਆ ਹੈ। ਦੋਵਾਂ ਦਾ ਵਿਆਹ 7 ਫਰਵਰੀ 2022 ਨੂੰ ਜੈਸਲਮੇਰ ਦੇ ਸੂਰਿਆਗੜ੍ਹ ਪੈਲੇਸ 'ਚ ਹੋਇਆ ਸੀ।
ਇਸ ਦੌਰਾਨ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰ ਅਤੇ ਕਰੀਬੀ ਦੋਸਤ ਹੀ ਮੌਜੂਦ ਸਨ। ਹਾਲ ਹੀ 'ਚ ਇਸ ਨਵ-ਵਿਆਹੀ ਜੋੜੀ ਦੀਆਂ ਤਸਵੀਰਾਂ, ਵਿਆਹ ਦੇ ਆਊਟਫਿੱਟਸ ਅਤੇ ਗਹਿਣੇ ਚਰਚਾ ਦਾ ਵਿਸ਼ਾ ਬਣੇ ਹੋਏ ਹਨ।
ਸਿਧਾਰਥ ਮਲਹੋਤਰਾ ਤੇ ਕਿਆਰਾ ਅਡਵਾਨੀ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਵਾਇਰਲ ਹੋ ਰਹੀਆਂ ਹਨ। ਇਸ ਨਵ ਵਿਆਹੀ ਜੋੜੀ ਦੇ ਵੈਡਿੰਗ ਆਊਟਫਿੱਟਸ ਤੇ ਗਹਿਣੇ ਚਰਚਾ ਦਾ ਵਿਸ਼ਾ ਬਣੇ ਹੋਏ ਹਨ।
ਸਿਧਾਰਥ ਤੇ ਕਿਆਰਾ ਦੀ ਆਊਟਫਿੱਟ
ਡਿਜ਼ਾਈਨਰ ਮਨੀਸ਼ ਮਲਹੋਤਰਾ ਨੇ ਦੋਵਾਂ ਦੀ ਡਰੈੱਸ ਬਾਰੇ ਖੁਲਾਸਾ ਕੀਤਾ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਕਿਆਰਾ ਦਾ ਲਹਿੰਗੇ 'ਤੇ ਰੋਮਨ ਆਰਕੀਟੈਕਚਰ ਦੀ ਕਢਾਈ ਕੀਤੀ ਗਈ ਸੀ ਕਿਉਂਕਿ ਜੋੜੇ ਨੂੰ ਅਜਿਹੇ ਸ਼ਹਿਰ ਪਸੰਦ ਹਨ। ਇਨ੍ਹਾਂ ਡਰੈੱਸ 'ਚ ਅਸਲੀ ਸਵੈਰੋਵਸਕੀ ਕ੍ਰਿਸਟਲ ਦਾ ਕੰਮ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ ਕਿਆਰਾ ਨੇ ਮਨੀਸ਼ ਮਲਹੋਤਰਾ ਬ੍ਰਾਂਡ ਦੇ ਗਹਿਣਿਆਂ ਨਾਲ ਆਪਣਾ ਲੁੱਕ ਪੂਰਾ ਕੀਤਾ।
ਕਿਆਰਾ ਵੱਲੋਂ ਪਹਿਨਿਆ ਹੋਇਆ ਇਹ ਸੈੱਟ ਬਿਲਕੁਲ ਨਵੀਂ ਕੁਲੈਕਸ਼ਨ ਦਾ ਹੈ ਅਤੇ ਇਹ ਦੁਰਲੱਭ ਜ਼ੈਂਬੀਅਨ ਪੰਨਿਆਂ ਨਾਲ ਜੜੇ ਅਲਟ੍ਰਾ ਫਾਈਨ ਹੈਂਡਕੱਟ ਹੀਰਿਆਂ ਨਾਲ ਡਿਜ਼ਾਈਨ ਕੀਤਾ ਗਿਆ ਸੀ। ਉਥੇ ਹੀ ਸਿਧਾਰਥ ਨੇ ਵਿਆਹ ਲਈ ਰਾਇਲ ਲੁੱਕ ਦੀ ਗੋਲਡਨ ਸ਼ੇਰਵਾਨੀ ਪਹਿਨੀ ਸੀ।
ਮਨੀਸ਼ ਨੇ ਖੁਲਾਸਾ ਕੀਤਾ ਕਿ ਸ਼ੇਰਵਾਨੀ 'ਚ ਉਨ੍ਹਾਂ ਦਾ ਕਲਾਸਿਕ ਹਸਤਾਖਰ, ਹਾਥੀ ਦੰਦ ਦੇ ਧਾਗੇ ਦਾ ਕੰਮ, ਸੋਨੇ ਦੀ ਜ਼ਰਦੋਜ਼ੀ ਸੀ ਅਤੇ ਇਹ ਸ਼ੇਰਵਾਨੀ ਵੀ ਕਿਆਰਾ ਦੇ ਲਹਿੰਗੇ ਵਾਂਗ ਹੀ ਪੂਰੀ ਤਰ੍ਹਾਂ ਹੈਂਡਮੇਡ ਸੀ। ਲਾੜੇ ਰਾਜਾ ਨੇ ਆਪਣੇ ਲੁੱਕ ਨੂੰ ਰਾਣੀਵਾਲਾ 1881 ਵੱਲੋਂ ਮਨੀਸ਼ ਮਲਹੋਤਰਾ ਪੋਲਕੀ ਗਹਿਣਿਆਂ ਤੇ ਅਲਟਰਾ ਫਾਈਨ ਅਨਕੱਟ ਹੀਰਿਆਂ ਨਾਲ ਪੂਰਾ ਕੀਤਾ ਸੀ।
ਚੂੜੇ ਤੇ ਕਲੀਰੇ ਬਣੇ ਚਰਚਾ ਦਾ ਵਿਸ਼ਾ
ਕੱਪੜਿਆਂ 'ਚ ਕਿਆਰਾ ਅਤੇ ਸਿਧਾਰਥ ਸ਼ਾਨਦਾਰ ਲੱਗ ਰਹੇ ਸਨ। ਸਾਹਮਣੇ ਆਈਆਂ ਤਸਵੀਰਾਂ 'ਚ ਕਿਆਰਾ ਦੇ ਮੱਥੇ 'ਤੇ ਸਿੰਦੂਰ ਅਤੇ ਗਲੇ 'ਚ ਮੰਗਲਸੂਤਰ ਦੇਖਿਆ ਜਾ ਸਕਦਾ ਹੈ। ਹਾਲਾਂਕਿ, ਜਿਸ ਚੀਜ਼ ਨੇ ਜ਼ਿਆਦਾਤਰ ਲੋਕਾਂ ਦਾ ਧਿਆਨ ਖਿੱਚਿਆ ਉਹ ਸੀ ਉਨ੍ਹਾਂ ਦੀ ਮੰਗਣੀ ਦੀਆਂ ਅੰਗੂਠੀਆਂ ਤੇ ਕਿਆਰਾ ਦੇ ਹੱਥ 'ਚ ਪਹਿਨੇ ਗਏ 'ਕਲੀਰੇ'।
ਕਿਆਰਾ ਦੇ ਚੂੜੇ ਅਤੇ ਕਲੀਰਿਆਂ ਨੇ ਪ੍ਰਸ਼ੰਸਕਾਂ ਦਾ ਮਨ ਮੋਹ ਲਿਆ। ਕਿਆਰਾ ਦਾ ਚੂੜਾ ਤੇ ਕਲੀਰੇ ਮਸ਼ਹੂਰ ਜਿਊਲਰੀ ਡਿਜ਼ਾਈਨਰ ਮ੍ਰਿਣਾਲਿਨੀ ਚੰਦਰ ਨੇ ਤਿਆਰ ਕੀਤੇ ਸਨ। ਇਹ ਕਲੀਰੇ ਬੇਹੱਦ ਖ਼ਾਸ ਤੌਰ 'ਤੇ ਕਿਆਰਾ ਤੇ ਸਿਧਾਰਥ ਦੀ ਪਸੰਦ ਨੂੰ ਧਿਆਨ 'ਚ ਰੱਖ ਕੇ ਤਿਆਰ ਕੀਤੇ ਗਏ ਸਨ।
ਕਿਆਰਾ ਵੱਲੋਂ ਤਿਆਰ ਕਰਵਾਏ ਗਏ ਇਸ ਖ਼ਾਸ ਕਲੀਰੇ ਨੇ ਇਸ ਜੋੜੇ ਦੇ ਵਿਆਹ ਸਮਾਗਮ ਨੂੰ ਹੋਰ ਵੀ ਖ਼ਾਸ ਬਣਾ ਦਿੱਤਾ। ਕਿਉਂਕ ਆਸਕਰ ਸਿਡ ਦਾ ਬੇਹੱਦ ਪਿਆਰਾ ਤੇ ਕਰੀਬੀ ਸੀ। ਆਪਣੇ ਵਿਆਹ ਦੇ ਖ਼ਾਸ ਮੌਕੇ 'ਤੇ ਕਿਆਰਾ ਤੇ ਸਿਡ ਨੇ ਆਪਣੇ ਬੇਜ਼ੁਬਾਨ ਦੋਸਤ ਨੂੰ ਵੀ ਯਾਦ ਕੀਤਾ ਤੇ ਇਸ ਨੇ ਸਿਡ ਦੀਆਂ ਅੱਖਾਂ 'ਚ ਹੁੰਝੂ ਲਿਆ ਦਿੱਤੇ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਪ੍ਰਸ਼ੰਸਕ ਹੀ ਨਹੀਂ ‘ਬਿੱਗ ਬੌਸ’ ਵੀ ਮੰਨਦੇ ਨੇ ਪ੍ਰਿਅੰਕਾ ਨੂੰ ਲੀਡਰ, ਕੀ ਟੀ. ਵੀ. ਦੀ ਨੂੰਹ ਜਿੱਤੇਗੀ ਟ੍ਰਾਫੀ?
NEXT STORY 
