ਮੁੰਬਈ (ਬਿਊਰੋ)– ਪਰਿਣੀਤੀ ਚੋਪੜਾ ਨੇ ‘ਹਸੀ ਤੋ ਫਸੀ’ ’ਚ ਸ਼ਾਨਦਾਰ ਅਭਿਨੈ ਨਾਲ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਸੀ। ਇਸ ਫ਼ਿਲਮ ਨੂੰ 2014 ਦੀ ਸਭ ਤੋਂ ਉੱਤਮ ਫ਼ਿਲਮ ਦੇ ਰੂਪ ’ਚ ਸਰਾਹਿਆ ਗਿਆ ਸੀ। ਇਸ ’ਚ ਪਰਿਣੀਤੀ ਨੇ ਹੁਣ ਤਕ ਦੀ ਆਪਣੀ ਸ਼ਾਨਦਾਰ ਪੇਸ਼ਕਾਰੀ ਦਿੱਤੀ ਹੈ।
ਸਕ੍ਰੀਨ ’ਤੇ ਪਰਿਣੀਤੀ ਦੇ ਰੋਲ ਦੀ ਸਭ ਨੇ ਪ੍ਰਸ਼ੰਸਾ ਕੀਤੀ ਸੀ। ਫ਼ਿਲਮ ਦੀ 8ਵੀਂ ਵਰ੍ਹੇਗੰਢ ’ਤੇ ਪਰਿਣੀਤੀ ਕਹਿੰਦੀ ਹੈ ਕਿ ਉਹ ਇਹ ਗੱਲ ਜਾਣਦੀ ਹੈ ਕਿ ਕਿਵੇਂ ਉਨ੍ਹਾਂ ਦੀ ਭੂਮਿਕਾ ਨੇ ਫ਼ਿਲਮ ਤੇ ਫ਼ਿਲਮ ਉਦਯੋਗ ਦੇ ਉਨ੍ਹਾਂ ਆਦਰਸ਼ਾਂ ਨੂੰ ਤੋਡ਼ ਦਿੱਤਾ ਕਿ ਇਕ ਨਾਇਕਾ ਨੂੰ ਪਰਦੇ ’ਤੇ ਕਿਵੇਂ ਦਾ ਹੋਣਾ ਚਾਹੀਦਾ ਹੈ।
ਇਹ ਖ਼ਬਰ ਵੀ ਪੜ੍ਹੋ : ਮਸ਼ਹੂਰ ਪੰਜਾਬੀ ਅਦਾਕਾਰਾ ਮਾਹੀ ਗਿੱਲ ਤੇ ਅਦਾਕਾਰ ਹੋਬੀ ਧਾਲੀਵਾਲ ਭਾਜਪਾ ’ਚ ਹੋਏ ਸ਼ਾਮਲ (ਵੀਡੀਓ)
ਪਰਿਣੀਤੀ ਕਹਿੰਦੀ ਹੈ, ‘ਹਸੀ ਤੋ ਫਸੀ’ ਮੇਰੀ ਫ਼ਿਲਮੋਗ੍ਰਾਫੀ ’ਚ ਬਹੁਤ ਖ਼ਾਸ ਫ਼ਿਲਮ ਹੈ। ‘ਮੀਤਾ’ ਦਾ ਕਿਰਦਾਰ ਮੇਰੇ ਦਿਲ ਦੇ ਬਹੁਤ ਕਰੀਬ ਹੈ ਕਿਉਂਕਿ ਮੈਨੂੰ ਫ਼ਿਲਮ ’ਚ ਇਕ ਅਨੋਖੇ ਕਿਸਮ ਦੀ ਵਿਗਿਆਨੀ ਦੀ ਭੂਮਿਕਾ ਨਿਭਾਉਣ ਦਾ ਮੌਕਾ ਮਿਲਿਆ ਹੈ।’
ਉਸ ਨੇ ਅੱਗੇ ਕਿਹਾ, ‘ਮੈਂ ਆਪਣੇ ਆਪ ਨੂੰ ਬਹੁਤ ਖ਼ੁਸ਼ਕਿਸਮਤ ਮੰਨਦੀ ਹਾਂ ਕਿ ਮੈਨੂੰ ‘ਮੀਤਾ’ ਦੀ ਭੂਮਿਕਾ ਨਿਭਾਉਣ ਦਾ ਮੌਕਾ ਮਿਲਿਆ, ਜਿਸ ਨੇ ਇਕ ਤਰ੍ਹਾਂ ਨਾਲ ਇਸ ਸਟੀਰੀਓਟਾਈਪ ਨੂੰ ਤੋਡ਼ ਦਿੱਤਾ ਕਿ ਇਕ ਅਦਾਕਾਰਾ ਨੂੰ ਕਿਵੇਂ ਦਾ ਹੋਣਾ ਚਾਹੀਦਾ ਹੈ ਜਾਂ ਸਕ੍ਰੀਨ ’ਤੇ ਕਿਵੇਂ ਦਿਸਣਾ ਚਾਹੀਦਾ ਹੈ।’ ਪਰਿਣੀਤੀ ਨੂੰ ਉਮੀਦ ਹੈ ਕਿ ਇਸ ਹਿੱਟ ਫ਼ਿਲਮ ਦਾ ਸੀਕੁਅਲ ਵੀ ਆਵੇਗਾ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਮਸ਼ਹੂਰ ਪੰਜਾਬੀ ਅਦਾਕਾਰਾ ਮਾਹੀ ਗਿੱਲ ਤੇ ਅਦਾਕਾਰ ਹੋਬੀ ਧਾਲੀਵਾਲ ਭਾਜਪਾ ’ਚ ਹੋਏ ਸ਼ਾਮਲ (ਵੀਡੀਓ)
NEXT STORY 
