ਮੁੰਬਈ- ਹਿਮਾਚਲ ਪ੍ਰਦੇਸ਼ ਦੇ ਮੰਡੀ ਤੋਂ ਭਾਜਪਾ ਸੰਸਦ ਮੈਂਬਰ ਅਤੇ ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਇਨ੍ਹੀਂ ਦਿਨੀਂ ਆਪਣੀ ਫਿਲਮ 'ਐਮਰਜੈਂਸੀ' ਨੂੰ ਲੈ ਕੇ ਸੁਰਖੀਆਂ 'ਚ ਹੈ। ਕੰਗਨਾ ਦੀ ਇਹ ਫਿਲਮ ਉਸ ਦੀ ਪਹਿਲੀ ਸੋਲੋ ਨਿਰਦੇਸ਼ਿਤ ਫਿਲਮ ਹੈ। ਹਾਲ ਹੀ 'ਚ ਦਿੱਤੇ ਇੱਕ ਇੰਟਰਵਿਊ 'ਚ ਅਦਾਕਾਰਾ ਨੇ ਕਿਹਾ ਕਿ ਫਿਲਮ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਕਰਨਾ ਇੱਕ ਗਲਤੀ ਸੀ। ਕੰਗਨਾ ਦੀ ਇਹ ਫਿਲਮ 17 ਜਨਵਰੀ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਣ ਜਾ ਰਹੀ ਹੈ। ਫਿਲਮ ਦੇ ਟ੍ਰੇਲਰ ਨੂੰ ਲੈ ਕੇ ਹੀ ਬਹੁਤ ਵਿਵਾਦ ਹੋਇਆ ਹੈ। ਹੁਣ, ਫਿਲਮ ਰਿਲੀਜ਼ ਹੋਣ ਤੋਂ ਬਾਅਦ ਕੀ ਚਮਤਕਾਰ ਦਿਖਾਏਗੀ, ਇਹ ਆਉਣ ਵਾਲੇ ਸਮੇਂ 'ਚ ਪਤਾ ਲੱਗੇਗਾ। ਹੁਣ ਲਈ, ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਕੰਗਨਾ ਨੇ ਕਿਉਂ ਕਿਹਾ ਕਿ ਇਸ ਫਿਲਮ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਕਰਨਾ ਇੱਕ ਗਲਤੀ ਸੀ?
ਇਹ ਵੀ ਪੜ੍ਹੋ-ਸਲਮਾਨ ਦੀ Ex-Girlfriend ਨਹੀਂ ਕਰਵਾਇਆ ਵਿਆਹ, ਹੁਣ ਮਾਂ ਬਣਨ ਦੀ ਜਾਗੀ ਇੱਛਾ
ਰਿਲੀਜ਼ 'ਚ ਦੇਰੀ ਕਾਰਨ ਡਰ ਗਈ ਸੀ ਕੰਗਨਾ
ਕੰਗਨਾ ਰਣੌਤ ਨੇ ਇੰਟਰਵਿਊ 'ਚ ਫਿਲਮ ਦੀ ਰਿਲੀਜ਼ 'ਚ ਦੇਰੀ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ। ਕੰਗਨਾ ਨੇ ਕਿਹਾ, 'ਜਦੋਂ ਫਿਲਮ ਦੀ ਰਿਲੀਜ਼ 'ਚ ਦੇਰੀ ਹੋਈ ਤਾਂ ਮੈਂ ਡਰ ਗਈ ਸੀ।' ਸੀ.ਬੀ.ਐਫ.ਸੀ. ਨੇ ਮਹੀਨਿਆਂ ਤੱਕ ਇਸ ਨੂੰ ਪ੍ਰਮਾਣਿਤ ਕਰਨ ਤੋਂ ਇਨਕਾਰ ਕਰ ਦਿੱਤਾ। ਅਦਾਕਾਰਾ ਨੇ ਅੱਗੇ ਕਿਹਾ ਕਿ ਇਸ ਤੋਂ ਬਾਅਦ ਸਾਨੂੰ ਡਰ ਲੱਗਣ ਲੱਗ ਪਿਆ। ਮੈਨੂੰ ਲੱਗਾ ਕਿ ਇਸ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਕਰਨਾ ਇੱਕ ਗਲਤੀ ਸੀ। ਜੇਕਰ ਇਹ OTT 'ਤੇ ਰਿਲੀਜ਼ ਕੀਤਾ ਜਾਂਦਾ, ਤਾਂ ਸਾਨੂੰ ਇੱਕ ਬਿਹਤਰ ਸੌਦਾ ਮਿਲਦਾ।
ਇਹ ਵੀ ਪੜ੍ਹੋ-ਇਸ ਗਲਤੀ ਤੋਂ ਨਾਰਾਜ਼ ਹੈ ਨੀਨਾ ਗੁਪਤਾ, ਨਹੀਂ ਜਤਾਇਆ Pritish Nandy ਦੀ ਮੌਤ 'ਤੇ ਸੋਗ
OTT 'ਤੇ ਰਿਲੀਜ਼ ਕਰਨਾ ਇੱਕ ਚੰਗਾ ਵਿਕਲਪ ਸੀ
ਅਦਾਕਾਰਾ ਨੇ ਅੱਗੇ ਕਿਹਾ, 'ਜੇਕਰ ਇਹ OTT 'ਤੇ ਰਿਲੀਜ਼ ਹੁੰਦੀ, ਤਾਂ ਇਸ ਨੂੰ ਕਦੇ ਵੀ ਸੈਂਸਰਸ਼ਿਪ 'ਚੋਂ ਨਹੀਂ ਲੰਘਣਾ ਪੈਂਦਾ ਅਤੇ ਫਿਲਮ ਬਾਰੇ ਇੰਨੀ ਜ਼ਿਆਦਾ ਜਾਂਚ ਨਾ ਹੁੰਦੀ।' ਸਾਨੂੰ ਨਹੀਂ ਪਤਾ ਸੀ ਕਿ ਸੀ.ਬੀ.ਐਫ.ਸੀ. ਸਾਨੂੰ ਕਿਹੜੇ ਦ੍ਰਿਸ਼ ਹਟਾਉਣ ਲਈ ਕਹੇਗਾ ਅਤੇ ਕਿਹੜੇ ਰੱਖਣੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਸੈਂਟਰਲ ਬੋਰਡ ਆਫ਼ ਫਿਲਮ ਸਰਟੀਫਿਕੇਸ਼ਨ (ਸੀਬੀਐਫਸੀ) ਭਾਰਤ 'ਚ ਫਿਲਮਾਂ ਨੂੰ ਰਿਲੀਜ਼ ਤੋਂ ਪਹਿਲਾਂ ਪ੍ਰਮਾਣੀਕਰਣ ਦਿੰਦਾ ਹੈ ਤਾਂ ਜੋ ਇਹ ਨਿਰਧਾਰਤ ਕੀਤਾ ਜਾ ਸਕੇ ਕਿ ਦਰਸ਼ਕਾਂ ਲਈ ਕੀ ਬਿਹਤਰ ਹੈ ਅਤੇ ਕੀ ਨਹੀਂ। ਇਸ ਤੋਂ ਬਾਅਦ ਇਹ ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਨੂੰ ਜਾਣਕਾਰੀ ਦਿੰਦਾ ਹੈ।
ਇਹ ਵੀ ਪੜ੍ਹੋ-Kumar Sanu ਨਾਲ ਪਤਨੀ ਵਾਂਗ ਰਹਿੰਦੀ ਸੀ ਇਹ ਅਦਾਕਾਰਾ, ਖੋਲ੍ਹਿਆ ਭੇਤ
ਨਿਰਮਾਣ 'ਚ ਵੱਡੀ ਗਲਤੀ
ਅਦਾਕਾਰਾ ਨੇ ਇੰਟਰਵਿਊ ਦੌਰਾਨ ਕਿਹਾ, 'ਮੈਂ ਪ੍ਰੋਡਿਊਸ ਕਰਦੇ ਸਮੇਂ ਵੀ ਬਹੁਤ ਸਾਰੀਆਂ ਗਲਤੀਆਂ ਕੀਤੀਆਂ ਹਨ।' ਸ਼ੁਰੂ 'ਚ ਹੀ ਫਿਲਮ ਦਾ ਨਿਰਮਾਣ ਕਰਨਾ ਮੇਰੇ ਲਈ ਇੱਕ ਗਲਤ ਫੈਸਲਾ ਸੀ। ਮੈਂ ਪਹਿਲਾਂ ਇੱਕ ਫਿਲਮ 'ਕਿੱਸਾ ਕੁਰਸੀ ਕਾ' ਦਾ ਜ਼ਿਕਰ ਕੀਤਾ ਸੀ, ਇਹ ਫਿਲਮ ਅੱਜ ਤੱਕ ਕਿਸੇ ਨੇ ਨਹੀਂ ਦੇਖੀ ਅਤੇ ਨਾਲ ਹੀ ਇਸ ਦੇ ਸਾਰੇ ਪ੍ਰਿੰਟ ਵੀ ਸੜ ਗਏ। ਮੈਂ ਸੋਚਿਆ ਕਿ 'ਐਮਰਜੈਂਸੀ' ਦੇਖਣ ਤੋਂ ਬਾਅਦ, ਨੌਜਵਾਨ ਹੈਰਾਨ ਹੋਣਗੇ ਕਿ ਇਹ ਕਿਵੇਂ ਬਣਿਆ? ਆਖ਼ਰਕਾਰ, ਇੰਦਰਾ ਗਾਂਧੀ ਜੀ ਤਿੰਨ ਵਾਰ ਸਾਡੇ ਦੇਸ਼ ਦੀ ਪ੍ਰਧਾਨ ਮੰਤਰੀ ਰਹੀ। ਹਾਲਾਂਕਿ, 'ਐਮਰਜੈਂਸੀ' ਦੌਰਾਨ ਮੈਂ ਚੀਜ਼ਾਂ ਨੂੰ ਹਲਕੇ 'ਚ ਲਿਆ ਅਤੇ ਸੋਚਿਆ ਕਿ ਮੈਂ ਬਚ ਜਾਵਾਂਗੀ। ਸਾਡੀ ਟੀਮ ਨੇ ਬਹੁਤ ਕੁਝ ਝੱਲਿਆ ਪਰ ਹਾਰ ਨਹੀਂ ਮੰਨੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
Kumar Sanu ਨਾਲ ਪਤਨੀ ਵਾਂਗ ਰਹਿੰਦੀ ਸੀ ਇਹ ਅਦਾਕਾਰਾ, ਖੋਲ੍ਹਿਆ ਭੇਤ
NEXT STORY 
