ਐਂਟਰਟੇਨਮੈਂਟ ਡੈਸਕ- ਸਾਬਕਾ ਭਾਰਤੀ ਕ੍ਰਿਕਟਰ ਯੁਵਰਾਜ ਸਿੰਘ ਦੀ ਬਾਇਓਪਿਕ ਦਾ ਐਲਾਨ ਇਸ ਸਾਲ ਅਗਸਤ 'ਚ ਕੀਤਾ ਗਿਆ ਸੀ। ਹਾਲਾਂਕਿ ਮੇਕਰਸ ਨੇ ਇਹ ਨਹੀਂ ਦੱਸਿਆ ਕਿ ਕਿਸ ਸਟਾਰ ਨੂੰ ਕਿਸ ਰੋਲ 'ਚ ਦੇਖਿਆ ਜਾਵੇਗਾ। ਹੁਣ ਬਾਲੀਵੁੱਡ ਅਭਿਨੇਤਾ ਸਿਧਾਂਤ ਚਤੁਰਵੇਦੀ ਨੇ ਹਿੰਟ ਦਿੱਤਾ ਹੈ ਕਿ ਉਹ ਯੁਵਰਾਜ ਸਿੰਘ ਦੀ ਬਾਇਓਪਿਕ 'ਚ ਕੰਮ ਕਰਨ ਲਈ ਕਾਫੀ ਉਤਸ਼ਾਹਿਤ ਹਨ।
ਇਹ ਵੀ ਪੜ੍ਹੋ-ਕੀ ਹੈ ਬ੍ਰੇਨ ਟਿਊਮਰ? ਲਗਾਤਾਰ ਹੋ ਰਹੇ ਸਿਰ ਦਰਦ ਨੂੰ ਨਾ ਕਰੋ ਨਜ਼ਰਅੰਦਾਜ਼
ਸਿਧਾਂਤ ਚਤੁਰਵੇਦੀ ਯੁਵਰਾਜ ਸਿੰਘ ਦੀ ਬਾਇਓਪਿਕ 'ਚ ਕਰਨਗੇ ਕੰਮ
ਸਿਧਾਂਤ ਚਤੁਰਵੇਦੀ ਨੇ ਇੰਸਟਾਗ੍ਰਾਮ 'ਤੇ ਨੋਟੀਜ਼ਮਸ ਨਾਲ ਇੱਕ ਸੈਸ਼ਨ ਆਯੋਜਿਤ ਕੀਤਾ। ਜਿਸ ਵਿੱਚ ਇੱਕ ਪ੍ਰਸ਼ੰਸਕ ਨੇ ਉਨ੍ਹਾਂ ਨੂੰ ਪੁੱਛਿਆ ਕਿ ਉਨ੍ਹਾਂ ਦਾ ਡਰੀਮ ਰੋਲ ਕੀ ਹੋਵੇਗਾ। ਇਸ 'ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਸਿਧਾਂਤ ਨੇ ਬਲੂ ਜਰਸੀ 'ਚ ਕ੍ਰਿਕਟਰ ਯੁਵਰਾਜ ਸਿੰਘ ਦੀ ਤਸਵੀਰ ਸ਼ੇਅਰ ਕੀਤੀ ਅਤੇ ਸ਼ੇਰ ਇਮੋਜੀ ਜੋੜਿਆ। ਸਟੋਰੀ ਦੇਖ ਕੇ ਪ੍ਰਸ਼ੰਸਕ ਉਤਸ਼ਾਹਿਤਹੋ ਗਏ ਕਿ ਅਦਾਕਾਰ ਯੁਵਰਾਜ ਸਿੰਘ ਦੀ ਕਹਾਣੀ ਵੱਡੇ ਪਰਦੇ 'ਤੇ ਲੈ ਕੇ ਆਉਣ ਵਾਲੇ ਹਨ।
ਯੁਵਰਾਜ ਸਿੰਘ ਇਸ ਅਦਾਕਾਰ ਨੂੰ ਆਪਣੀ ਬਾਇਓਪਿਕ ਵਿੱਚ ਦੇਖਣਾ ਚਾਹੁੰਦੇ ਹਨ
ਯੁਵਰਾਜ ਸਿੰਘ ਨੇ ਇੱਕ ਵਾਰ ਕਿਹਾ ਸੀ ਕਿ ਉਹ ਸਿਧਾਂਤ ਚਤੁਰਵੇਦੀ ਨੂੰ ਆਪਣੀ ਬਾਇਓਪਿਕ ਵਿੱਚ ਦੇਖਣਾ ਚਾਹੁੰਦੇ ਹਨ। ਅਸਲ 'ਚ ਸਾਲ 2020 'ਚ ਜਦੋਂ ਕ੍ਰਿਕਟਰ ਤੋਂ ਪੁੱਛਿਆ ਗਿਆ ਕਿ ਉਹ ਵੱਡੇ ਪਰਦੇ 'ਤੇ ਕਿਸ ਅਦਾਕਾਰ ਨੂੰ ਆਪਣਾ ਕਿਰਦਾਰ ਨਿਭਾਉਂਦੇ ਦੇਖਣਾ ਚਾਹੁਣਗੇ ਤਾਂ ਉਨ੍ਹਾਂ ਨੇ ਪਹਿਲਾਂ ਮਜ਼ਾਕ 'ਚ ਕਿਹਾ ਕਿ ਸ਼ਾਇਦ ਇਹ ਕਿਰਦਾਰ ਉਹ ਖੁਦ ਨਿਭਾਉਣਗੇ, ਪਰ ਇਹ ਥੋੜ੍ਹਾ ਹੈਰਾਨ ਕਰਨ ਵਾਲਾ ਹੋਵੇਗਾ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਕਿਹਾ ਕਿ ਉਹ ਸਿਧਾਂਤ ਚਤੁਰਵੇਦੀ ਨੂੰ ਦੇਖਣਾ ਪਸੰਦ ਕਰਨਗੇ।
ਇਹ ਵੀ ਪੜ੍ਹੋ- 'ਪੁਸ਼ਪਾ 2' ਦਾ ਬਾਕਸ ਆਫਿਸ 'ਤੇ ਦਬਦਬਾ, 18ਵੇਂ ਦਿਨ ਵੀ ਕੀਤੀ ਛੱਪੜਫਾੜ ਕਮਾਈ
ਯੁਵਰਾਜ ਸਿੰਘ ਦੀ ਬਾਇਓਪਿਕ ਬਾਰੇ
ਟੀ-ਸੀਰੀਜ਼ ਦੇ ਮੁਖੀ ਭੂਸ਼ਣ ਕੁਮਾਰ ਨਿਰਮਾਤਾ ਰਵੀ ਭਾਗਚੰਦਕਾ ਦੇ ਨਾਲ ਮਿਲ ਕੇ ਯੁਵਰਾਜ ਸਿੰਘ ਦੀ ਕਹਾਣੀ ਨੂੰ ਜੀਵਨ ਵਿੱਚ ਲਿਆਉਣ ਲਈ ਕੰਮ ਕਰ ਰਹੇ ਹਨ। ਟੀ-ਸੀਰੀਜ਼ ਫਿਲਮਜ਼ ਦੇ ਅਧਿਕਾਰਤ ਸੋਸ਼ਲ ਮੀਡੀਆ ਹੈਂਡਲ ਨੇ ਅਗਸਤ ਵਿੱਚ ਯੁਵਰਾਜ ਸਿੰਘ ਦੀ ਬਾਇਓਪਿਕ ਦੀ ਘੋਸ਼ਣਾ ਸਾਂਝੀ ਕੀਤੀ ਸੀ। ਉਨ੍ਹਾਂ ਨੇ ਲਿਖਿਆ, "ਪਿਚ ਤੋਂ ਲੱਖਾਂ ਲੋਕਾਂ ਦੇ ਦਿਲਾਂ ਤੱਕ ਲੀਜੈਂਡ ਦੇ ਸਫ਼ਰ ਨੂੰ ਮੁੜ ਸੁਰਜੀਤ ਕਰੋ- ਯੁਵਰਾਜ ਸਿੰਘ ਦੀ ਹਿੰਮਤ ਅਤੇ ਮਾਣ ਦੀ ਕਹਾਣੀ ਜਲਦੀ ਹੀ ਵੱਡੇ ਪਰਦੇ 'ਤੇ ਆ ਰਹੀ ਹੈ!" ਇਸ ਬਾਇਓਪਿਕ 'ਚ 2007 ਦੇ ਟੀ-20 ਵਿਸ਼ਵ ਕੱਪ ਦੇ 6 ਛੱਕੇ ਅਤੇ ਮੈਦਾਨ ਦੇ ਬਾਹਰ ਯੁਵਰਾਜ ਸਿੰਘ ਦੀਆਂ ਸਾਹਸੀ ਲੜਾਈਆਂ ਨੂੰ ਵੱਡੇ ਪਰਦੇ 'ਤੇ ਦਿਖਾਇਆ ਜਾਵੇਗਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਅੱਲੂ ਅਰਜੁਨ ਤੋਂ ਪੁੱਛਗਿੱਛ, ਪੁਲਸ ਨੇ ਅਦਾਕਾਰ ਤੋਂ ਪੁੱਛੇ ਕੀ ਸਵਾਲ? ਜਾਣੋ
NEXT STORY 
