ਮੁੰਬਈ- ਅਦਾਕਾਰਾ ਸੁਸ਼ਮਿਤਾ ਸੇਨ ਨੇ ਬਾਲੀਵੁੱਡ 'ਚ ਆਪਣੀ ਖਾਸ ਥਾਂ ਬਣਾਈ ਹੈ। ਅਦਾਕਾਰਾ ਨੇ ਇੰਡਸਟਰੀ ਨੂੰ ਕਈ ਹਿੱਟ ਫਿਲਮਾਂ ਦਿੱਤੀਆਂ ਹਨ। ਅਦਾਕਾਰਾ ਅੱਜ ਜਿਸ ਮੁਕਾਮ 'ਤੇ ਹੈ ਉਥੇ ਤੱਕ ਪਹੁੰਚਣ ਲਈ ਉਨ੍ਹਾਂ ਨੇ ਕਾਫੀ ਮਿਹਨਤ ਕੀਤੀ ਹੈ। ਇਕ ਅਜਿਹਾ ਸਮਾਂ ਵੀ ਆਇਆ ਜਦੋਂ ਸੁਸ਼ਮਿਤਾ ਸੇਨ ਨੂੰ ਮਨ ਮੁਤਾਬਕ ਕੰਮ ਨਹੀਂ ਮਿਲ ਪਾ ਰਿਹਾ ਸੀ ਤੇ ਇਸ ਦੌਰਾਨ ਅਦਾਕਾਰਾ ਨੇ 10 ਸਾਲ ਦਾ ਲੰਬਾ ਗੈਪ ਲੈ ਲਿਆ ਸੀ। ਐਕਟਿੰਗ ਦੀ ਦੁਨੀਆ ਤੋਂ ਕਈ ਸਾਲ ਤੱਕ ਦੂਰ ਰਹਿਣ ਤੋਂ ਬਾਅਦ ਸੁਸ਼ਮਿਤਾ ਸੇਨ ਨੇ ਵੈੱਬ ਸੀਰੀਜ਼ ਨਾਲ ਵਾਪਸੀ ਕੀਤੀ। ਹਾਲ ਹੀ 'ਚ ਸੁਸ਼ਮਿਤਾ ਨੇ ਆਪਣੀ ਦਰਦ ਭਰੀ ਦਾਸਤਾਂ ਸੁਣਾਈ ਹੈ।
ਸੁਸ਼ਮਿਤਾ ਨੇ ਕਿਹਾ-'ਮੈਨੂੰ ਲੱਗਦਾ ਹੈ ਕਿ 10 ਸਾਲ ਦੇ ਗੈਪ ਨੇ ਪਹਿਲ ਨੂੰ ਲੜੀ 'ਚ ਰੱਖਿਆ। ਇਸ ਨੇ ਮੈਨੂੰ ਦੱਸਿਆ ਕਿ ਮੈਂ ਕੀ ਕਰਨਾ ਹੈ ਅਤੇ ਕੀ ਨਹੀਂ ਕਰਨਾ ਹੈ। ਸਿਨੇਮਾ ਮੈਨੂੰ ਉਹ ਨਹੀਂ ਦੇ ਰਿਹਾ ਸੀ ਜੋ ਮੈਂ ਚਾਹੁੰਦੀ ਸੀ। ਇਸ 'ਚੋਂ ਬਹੁਤ ਕੁਝ ਮੇਰੀ ਉਮਰ ਅਤੇ ਮੇਰੀ ਸਕ੍ਰੀਨ ਉਮਰ ਦੀ ਧਾਰਨਾ ਸੀ ਅਤੇ ਮੈਂ 10 ਸਾਲ ਤੱਕ ਕੰਮ ਨਹੀਂ ਕੀਤਾ ਸੀ। ਸੁਸ਼ਮਿਤਾ ਨੇ ਅੱਗੇ ਕਿਹਾ-'ਮੈਨੂੰ ਨਹੀਂ ਪਤਾ ਕਿ ਮਾਨਸਿਕਤਾ ਕੀ ਸੀ ਜਾਂ ਸ਼ਾਇਦ ਮੈਂ ਖੁਦ ਨੂੰ ਉਥੋਂ ਬਾਹਰ ਨਹੀਂ ਰੱਖ ਰਹੀ ਸੀ। ਮੈਂ ਉਸ 'ਤੇ ਕਦੀ ਚੰਗੀ ਨਹੀਂ ਰਹੀ। ਮੈਂ ਨੈੱਟਵਰਕਿੰਗ 'ਚ ਚੰਗੀ ਨਹੀਂ ਹਾਂ। ਇਹ ਮੇਰੇ ਕੰਮ ਨਹੀਂ ਆਇਆ। ਐਕਟਿੰਗ ਤੋਂ ਬ੍ਰੇਕ ਲੈਣ ਤੋਂ ਪਹਿਲਾਂ ਸੁਸ਼ਮਿਤਾ ਦੀ ਆਖਿਰੀ ਫਿਲਮ 2010 ਦੀ ਕਾਮੇਡੀ 'ਦੁੱਲ੍ਹਾ ਮਿਲ ਗਿਆ' ਸੀ ਜਿਸ 'ਚ ਸ਼ਾਹਰੁਖ ਖਾਨ ਦੇ ਨਾਲ ਫਰਦੀਨ ਖਾਨ ਨੇ ਵੀ ਵਿਸ਼ੇਸ਼ ਭੂਮਿਕਾ ਨਿਭਾਈ ਸੀ। 2020 'ਚ ਵੈੱਬ ਸੀਰੀਜ਼ 'ਆਰੀਆ' ਨਾਲ ਸੁਸ਼ਮਿਤਾ ਨੇ ਐਕਟਿੰਗ 'ਚ ਵਾਪਸੀ ਕੀਤੀ। 'ਆਰੀਆ' ਦੇ ਦੋ ਸੀਜ਼ਨ ਹੋ ਚੁੱਕੇ ਹਨ ਅਤੇ ਤੀਜਾ ਆਉਣ ਵਾਲਾ ਹੈ।
'ਹੁਨਰਬਾਜ਼' ਦੇ ਸੈੱਟ 'ਤੇ ਮਿਥੁਨ ਚੱਕਰਵਰਤੀ ਨੇ ਕੀਤਾ ਹੇਮਾ ਮਾਲਿਨੀ ਨਾਲ ਡਾਂਸ, ਵੀਡੀਓ ਵਾਇਰਲ
NEXT STORY 
