ਮੁੰਬਈ- ਵਿੱਕੀ ਕੌਸ਼ਲ, ਰਸ਼ਮਿਕਾ ਮੰਡਾਨਾ ਸਟਾਰਰ ਫਿਲਮ 'ਛਾਵਾ' ਦਾ ਟੀਜ਼ਰ ਰਿਲੀਜ਼ ਹੋਣ ਤੋਂ ਬਾਅਦ ਤੋਂ ਹੀ ਲੋਕ ਇਸ ਫਿਲਮ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹਨ। ਫਿਲਮ ਦਾ ਅਧਿਕਾਰਤ ਟੀਜ਼ਰ 19 ਅਗਸਤ ਨੂੰ ਰਿਲੀਜ਼ ਹੋਇਆ ਸੀ। 'ਛਾਵਾ' ਦੀ ਤਾਜ਼ਾ ਅਪਡੇਟ ਤੋਂ ਬਾਅਦ ਲੋਕਾਂ ਦਾ ਉਤਸ਼ਾਹ ਹੋਰ ਵਧ ਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ 'ਛਾਵਾਂ' 'ਚ ਇਕ ਸ਼ਾਨਦਾਰ ਗੀਤ ਰੱਖਿਆ ਗਿਆ ਹੈ, ਜਿਸ ਦੀ ਸ਼ੂਟਿੰਗ ਹੋ ਚੁੱਕੀ ਹੈ, ਜਿਸ 'ਚ 700 ਡਾਂਸਰਾਂ ਨੇ ਹਿੱਸਾ ਲਿਆ ਸੀ।ਛਤਰਪਤੀ ਸੰਭਾਜੀ ਮਹਾਰਾਜ 17ਵੀਂ ਸਦੀ ਦੇ ਮਰਾਠਾ ਯੋਧੇ ਸਨ। ਇਹ ਫਿਲਮ ਸੰਭਾਜੀ ਅਤੇ ਮੁਗਲ ਬਾਦਸ਼ਾਹ ਔਰੰਗਜ਼ੇਬ ਦੀ ਕਹਾਣੀ 'ਤੇ ਆਧਾਰਿਤ ਹੈ। 'ਛਾਵਾ' 'ਚ ਰਸ਼ਮਿਕਾ ਮੰਡੰਨਾ ਸੰਭਾਜੀ ਮਹਾਰਾਜ ਦੀ ਪਤਨੀ 'ਯੇਸੂਬਾਈ' ਦਾ ਕਿਰਦਾਰ ਨਿਭਾਅ ਰਹੀ ਹੈ। ਲਕਸ਼ਮਣ ਉਟੇਕਰ ਫਿਲਮ ਦਾ ਨਿਰਦੇਸ਼ਨ ਕਰ ਰਹੇ ਹਨ, ਇਹ ਫਿਲਮ ਉਨ੍ਹਾਂ ਦਾ ਪਹਿਲਾ ਇਤਿਹਾਸਕ ਡਰਾਮਾ ਹੈ ਜੋ ਮਰਾਠਾ ਰਾਜਾ ਸੰਭਾਜੀ ਮਹਾਰਾਜ 'ਤੇ ਆਧਾਰਿਤ ਹੈ। ਟੀਜ਼ਰ 'ਚ ਵਿੱਕੀ ਕੌਸ਼ਲ ਦੇ ਲੁੱਕ ਅਤੇ ਸੈੱਟ ਦੀ ਕਾਫੀ ਤਾਰੀਫ ਕੀਤੀ ਗਈ ਸੀ।
ਇਹ ਖ਼ਬਰ ਵੀ ਪੜ੍ਹੋ - ਪ੍ਰੀਤੀ ਝੰਗਿਆਨੀ ਦੇ ਪਤੀ ਪਰਵੀਨ ਡਬਾਸ ਨੂੰ ਹਸਪਤਾਲ ਤੋਂ ਮਿਲੀ ਛੁੱਟੀ, ਪੋਸਟ ਕੀਤੀ ਸਾਂਝੀ
700 ਡਾਂਸਰਾਂ ਨਾਲ ਗੀਤ ਸ਼ੂਟ ਕੀਤਾ ਗਿਆ
'ਛਾਵਾ' ਕਹਾਣੀ ਦਾ ਸਭ ਤੋਂ ਮਹੱਤਵਪੂਰਨ ਹਿੱਸਾ 1681 ਦਾ ਹੈ, ਜਦੋਂ ਸੰਭਾਜੀ ਮਹਾਰਾਜ ਦੀ ਤਾਜਪੋਸ਼ੀ ਹੋਈ ਸੀ। ਇਸ ਸੀਨ ਨੂੰ ਸ਼ਾਨਦਾਰ ਦਿੱਖ ਦੇਣ ਲਈ, ਮੇਕਰਸ ਨੇ ਇਸ ਇਵੈਂਟ ਨੂੰ ਇੱਕ ਵੱਖਰੇ ਪੱਧਰ 'ਤੇ ਲਿਜਾਣ ਦਾ ਫੈਸਲਾ ਕੀਤਾ। ਰਿਪੋਰਟ 'ਚ ਦੱਸਿਆ ਜਾ ਰਿਹਾ ਹੈ ਕਿ ਇਸ ਸਾਲ ਮਈ 'ਚ ਸਮਾਰੋਹ ਦੇ ਇਸ ਸੀਨ ਲਈ ਇਕ ਗੀਤ ਤਿਆਰ ਕੀਤਾ ਗਿਆ ਸੀ, ਜਿਸ 'ਚ ਵਿੱਕੀ ਕੌਸ਼ਲ, ਰਸ਼ਮਿਕਾ ਮੰਡਾਨਾ ਦੇ ਨਾਲ ਕਰੀਬ 700 ਡਾਂਸਰ ਸ਼ਾਮਲ ਹਨ। ਸੂਤਰਾਂ ਮੁਤਾਬਕ ਇਸ ਗੀਤ ਲਈ ਫਿਲਮ ਸਿਟੀ ‘ਚ ਰਾਏਗੜ੍ਹ ਕਿਲੇ ਵਰਗਾ ਸ਼ਾਨਦਾਰ ਸੈੱਟ ਤਿਆਰ ਕੀਤਾ ਗਿਆ ਸੀ। ਸੈੱਟ ਨੂੰ ਡਿਜ਼ਾਈਨਰ ਸੁਬਰਤ ਚੱਕਰਵਰਤੀ ਅਤੇ ਅਮਿਤ ਰੇ ਦੁਆਰਾ ਤਿਆਰ ਕੀਤਾ ਗਿਆ ਸੀ।
ਇਹ ਖ਼ਬਰ ਵੀ ਪੜ੍ਹੋ - ਗੁਰੁ ਨਾਨਕ ਦੇਵ ਜੀ ਦਾ ਜੋਤੀ ਜੋਤਿ ਦਿਵਸ ਮੌਕੇ ਸੁਖਸ਼ਿੰਦਰ ਛਿੰਦਾ-ਦਰਸ਼ਨ ਔਲਖ ਨੇ ਕੀਤਾ ਗੁਰੁ ਸਾਹਿਬ ਨੂੰ ਯਾਦ
ਰਾਏਗੜ੍ਹ ਕਿਲ੍ਹੇ ਵਾਂਗ ਤਿਆਰ ਕੀਤਾ ਗਿਆ ਸੀ ਸੈੱਟ
ਨਿਰਦੇਸ਼ਕ ਇਸ ਫਿਲਮ ਨੂੰ ਤੱਥਾਂ 'ਤੇ ਆਧਾਰਿਤ ਬਣਾਉਣਾ ਚਾਹੁੰਦੇ ਹਨ। ਇਸ ਗੀਤ ਬਾਰੇ ਗੱਲ ਕਰਦਿਆਂ ਸੂਤਰ ਨੇ ਖੁਲਾਸਾ ਕੀਤਾ ਕਿ ਤਾਜਪੋਸ਼ੀ 16 ਜਨਵਰੀ, 1681 ਨੂੰ ਰਾਏਗੜ੍ਹ ਵਿੱਚ ਹੋਈ ਸੀ, ਜਿਸ ਬਾਰੇ ਲੰਡਨ ਦੇ ਇੱਕ ਅਖ਼ਬਾਰ ਵਿੱਚ ਇੱਕ ਲੇਖ ਛਪਿਆ ਸੀ। ਲੇਖ ਵਿਚ ਪੂਰੀ ਘਟਨਾ ਦਾ ਵੇਰਵਾ ਦਿੱਤਾ ਗਿਆ ਸੀ, ਜਿਸ ਨੇ ਸ਼ੂਟਿੰਗ ਵਿਚ ਬਹੁਤ ਮਦਦ ਕੀਤੀ। ਇਸ ਗੀਤ ਨੂੰ ਏ.ਆਰ ਰਹਿਮਾਨ ਨੇ ਕੰਪੋਜ਼ ਕੀਤਾ ਹੈ, ਜਿਸ ਦੀ ਸ਼ੂਟਿੰਗ ਉਨ੍ਹਾਂ ਨੇ ਸੈੱਟ 'ਤੇ 4 ਦਿਨਾਂ 'ਚ ਪੂਰੀ ਕਰ ਲਈ ਹੈ। ਫਿਲਮ ਦੇ ਨਿਰਦੇਸ਼ਕ ਵੀ ਫਿਲਮ ਦੇ ਹਰ ਕਿਰਦਾਰ ਦੀ ਲੁੱਕ 'ਤੇ ਸਖਤ ਮਿਹਨਤ ਕਰ ਰਹੇ ਹਨ। ਉਹਨਾਂ ਨੇ ਚਰਿੱਤਰ ਦੀ ਦਿੱਖ ਬਾਰੇ ਜਾਣਕਾਰੀ ਇਕੱਠੀ ਕਰਨ ਲਈ ਸਿਰਫ 1 ਸਾਲ ਬਿਤਾਇਆ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਗੁਰੁ ਨਾਨਕ ਦੇਵ ਜੀ ਦਾ ਜੋਤੀ ਜੋਤਿ ਦਿਵਸ ਮੌਕੇ ਸੁਖਸ਼ਿੰਦਰ ਛਿੰਦਾ-ਦਰਸ਼ਨ ਔਲਖ ਨੇ ਕੀਤਾ ਗੁਰੁ ਸਾਹਿਬ ਨੂੰ ਯਾਦ
NEXT STORY 
