ਨਵੀਂ ਦਿੱਲੀ— ਦੀਵਾਲੀ ਨੇੜੇ ਆਉਣ ਦੇ ਨਾਲ ਤੋਹਫੇ ਦੇਣ ਦੇ ਰੁਝਾਨ 'ਚ ਵਿਆਪਕ ਬਦਲਾਅ ਦੇਖਣ ਨੂੰ ਮਿਲ ਰਿਹਾ ਹੈ ਅਤੇ ਲੋਕ ਗਿਫਟ (ਤੋਹਫੇ) 'ਚ ਮਠਿਆਈ ਅਤੇ ਮੇਵੇ ਦੇਣ ਦੀ ਬਜਾਏ ਆਨਲਾਈਨ ਕੂਪਨ ਦੇਣਾ ਪਸੰਦ ਕਰ ਰਹੇ ਹਨ ਤਾਂ ਕਿ ਤੋਹਫਾ ਪ੍ਰਾਪਤ ਕਰਨ ਵਾਲਾ ਵਿਅਕਤੀ ਬਾਜ਼ਾਰ ਤੋਂ ਆਪਣੀ ਪਸੰਦ ਦੀਆਂ ਚੀਜ਼ਾਂ ਲੈ ਸਕੇ । ਡਿਜੀਟਲ ਗਿਫਟਿੰਗ ਸਾਲਿਊਸ਼ਨਜ਼ ਸਿਰਫ ਸਟਾਰਟਅਪਸ ਜਾਂ ਨਵੀਂ ਪੀੜ੍ਹੀ ਦੀਆਂ ਕੰਪਨੀਆਂ ਤੱਕ ਸੀਮਿਤ ਨਹੀਂ ਹੈ, ਸਗੋਂ ਵੱਡੇ ਉਦਯੋਗ ਘਰਾਣੇ ਵੀ ਆਪਣੇ ਕਾਰਪੋਰੇਟ ਗਿਫਟ ਲਈ ਇਸ ਮਾਧਿਅਮ ਨੂੰ ਅਪਣਾ ਰਹੇ ਹਨ।
ਇਨ੍ਹਾਂ ਐਪਸ ਅਤੇ ਕੂਪਨ ਦੀ ਵਰਤੋਂ ਕਿਸੇ ਵੀ ਡਿਜੀਟਲ ਪਲੇਟਫਾਰਮ ਜਿਵੇਂ ਕੰਪਿਊਟਰ ਜਾਂ ਮੋਬਾਇਲ 'ਤੇ ਕੀਤੀ ਜਾ ਸਕਦੀ ਹੈ ਅਤੇ ਇਹ ਹਰ ਤਰ੍ਹਾਂ ਦੇ ਵਰਗਾਂ 'ਚ ਹਰਮਨ ਪਿਆਰੇ ਹੋ ਰਹੇ ਹਨ । ਭੁਗਤਾਨ ਹੱਲ ਉਪਲੱਬਧ ਕਰਵਾਉਣ ਵਾਲੀ ਪਾਇਨ ਲੈਬਸ, ਈ-ਗਿਫਟਿੰਗ ਪਲੇਟਫਾਰਮ ਕੁਇਕਕਲੀਵਰ, ਆਨਲਾਈਨ ਗਿਫਟਿੰਗ ਪਲੇਟਫਾਰਮ ਗਿਫਟ ਐਕਸ. ਓ. ਐਕਸ. ਓ. ਅਤੇ ਆਫਿਸ ਸਪਲਾਈ ਈ-ਕਾਮਰਸ ਪੋਰਟਲ ਜੋਫੀਓ ਦਾ ਮੰਨਣਾ ਹੈ ਕਿ ਇਹ ਰੁਖ਼ ਬਣੇ ਰਹਿਣ ਦੀ ਸੰਭਾਵਨਾ ਹੈ ਅਤੇ ਆਉਣ ਵਾਲੇ ਸਾਲਾਂ 'ਚ ਕਈ ਉਦਯੋਗ ਘਰਾਣੇ ਇਸ ਮਾਧਿਅਮ ਨੂੰ ਅਪਣਾ ਸਕਦੇ ਹਨ।
"Gifts of the Season" 'ਚ ਇਹ ਹਨ ਸੈਮਸੰਗ ਦੇ ਸਪੈਸ਼ਲ ਤੋਹਫੇ
NEXT STORY 
