ਜਲੰਧਰ- ਰੇਡੀਓ ਟ੍ਰਾਂਸਮਿਸ਼ਨ ਦੀ ਦੁਨੀਆ 'ਚ ਖੋਜਕਾਰਾਂ ਨੇ ਨਵਾਂ ਰਿਕਾਰਡ ਕਾਇਮ ਕੀਤਾ ਹੈ ।ਜਰਮਨੀ ਦੇ ਖੋਜਕਾਰਾਂ ਨੇ 37 ਕਿ.ਮੀ. ਦੀ ਦੂਰੀ 'ਤੇ ਰਿਕਾਰਡ 6 ਗੀਗਾਬਿੱਟ ਪ੍ਰਤੀ ਸੈਕੇਂਡ ਦੀ ਦਰ ਨਾਲ ਟ੍ਰਾਂਸਮਿਸ਼ਨ ਨੂੰ ਅੰਜਾਮ ਦਿੱਤਾ ਹੈ। ਖੋਜਕਾਰਾਂ ਨੇ ਇਕ ਡੀ.ਵੀ.ਡੀ. ਦਾ ਡਾਟਾ 10 ਸੈਕੇਂਡ 'ਚ ਟ੍ਰਾਂਸਫਰ ਕਰਨ 'ਚ ਸਫਲਤਾ ਹਾਸਲ ਕੀਤੀ ਹੈ । ਖੋਜਕਾਰਾਂ ਨੇ 36.7 ਕਿ.ਮੀ. ਦੀ ਦੂਰੀ 'ਤੇ ਸਥਿਤ ਸ਼ਹਿਰਾਂ ਕੋਲੋਨ ਅਤੇ ਵਾਚਬਰਗ ਦੇ ਵਿਚ ਇਸ ਟ੍ਰਾਂਸਮਿਸ਼ਨ ਨੂੰ ਅੰਜਾਮ ਦਿੱਤਾ ਹੈ । ਇਸ ਲਈ ਪ੍ਰਚੱਲਿਤ ਈ-ਬੈਂਡ 'ਚ 71-76 ਗੀਗਾਹਾਰਟਜ ਦੀ ਰੇਡੀਓ ਫ੍ਰਿਕੁਐਂਸੀ 'ਤੇ ਵਿਸ਼ੇਸ਼ ਟ੍ਰਾਂਸਮੀਟਰ ਅਤੇ ਰਿਸੀਵਰ ਦੀ ਵਰਤੋਂ ਕੀਤੀ ਗਈ ਹੈ ।
ਇਸ ਜਾਂਚ 'ਚ ਯੂਨੀਵਰਸਿਟੀ ਆਫ ਸਟੱਟਗਰਟ ਅਤੇ ਦ ਫਰਾਨਹੋਫਰ ਇੰਸਟੀਚਿਊਟ ਫਾਰ ਅਪਲਾਈਡ ਸਾਲਿਡ ਸਟੇਟ ਫਿਜ਼ਿਕਸ ਦੇ ਖੋਜਕਾਰਾਂ ਨੇ ਹਿੱਸਾ ਲਿਆ ਹੈ । ਰੇਡੀਓ ਫ੍ਰਿਕੁਐਂਸੀ ਦੇ ਜ਼ਰੀਏ ਲੰਬੀ ਦੂਰੀ ਤੱਕ ਡਾਟਾ ਭੇਜਣਾ ਕਈ ਗੱਲੋਂ ਮਹੱਤਵਪੂਰਨ ਹੈ । ਭਵਿੱਖ 'ਚ ਸੈਟੇਲਾਈਟ ਸੰਪਰਕ ਦੀ ਦਿਸ਼ਾ 'ਚ ਇਹ ਮਹੱਤਵਪੂਰਨ ਉਪਲੱਬਧੀ ਹੋ ਸਕਦੀ ਹੈ ।ਇਸਦੀ ਸਹਾਇਤਾ ਨਾਲ ਦੂਰ ਦੇ ਖੇਤਰਾਂ 'ਚ ਵੀ ਤੇਜ਼ ਇੰਟਰਨੈੱਟ ਪਹੁੰਚਾਉਣਾ ਸੰਭਵ ਹੋਵੇਗਾ ।
Hyundai ਨੇ ਲਾਂਚ ਕੀਤਾ ਗਰੈਂਡ i10 ਦਾ ਸਪੈਸ਼ਲ ਐਡੀਸ਼ਨ
NEXT STORY 
