ਜਲੰਧਰ (ਬਿਊਰੋ)– ਅੱਜ ਦੇ ਸਮੇਂ ’ਚ ਹਰ ਵਿਅਕਤੀ ਆਪਣੀ ਰੋਜ਼ਾਨਾ ਦੀ ਰੁਟੀਨ ’ਚ ਇੰਨਾ ਰੁੱਝਿਆ ਹੋਇਆ ਹੈ ਕਿ ਉਹ ਆਪਣੇ ਸਰੀਰ ਪ੍ਰਤੀ ਲਾਪਰਵਾਹ ਹੋ ਗਿਆ ਹੈ। ਜਦੋਂ ਉਹ ਰੋਜ਼ਾਨਾ ਦੇ ਕੰਮ ’ਚ ਦੁਖੀ ਹੋ ਜਾਂਦਾ ਹੈ ਤਾਂ ਉਹ ਇਸ ਵੱਲ ਧਿਆਨ ਦੇਣ ਦੀ ਬਜਾਏ ਕਿਸੇ ਹੋਰ ਕੰਮ ’ਚ ਰੁੱਝ ਜਾਂਦਾ ਹੈ। ਫਿਰ ਇਹ ਛੋਟੀ ਜਿਹੀ ਸੱਟ ਬਾਅਦ ’ਚ ਵੱਡੇ ਜ਼ਖ਼ਮ ’ਚ ਬਦਲ ਸਕਦੀ ਹੈ। ਉਂਝ ਤੁਸੀਂ ਕੋਈ ਇਲਾਜ ਕਰਵਾਓ ਜਾਂ ਨਾ ਲਓ, ਸਰੀਰ ਜ਼ਖ਼ਮੀ ਹੁੰਦੇ ਹੀ ਜ਼ਖ਼ਮ ਨੂੰ ਠੀਕ ਕਰਨ ਦਾ ਕੰਮ ਸ਼ੁਰੂ ਕਰ ਦਿੰਦਾ ਹੈ। ਸਰੀਰ ਦੀਆਂ ਛੋਟੀਆਂ-ਮੋਟੀਆਂ ਝਰੀਟਾਂ ਆਪਣੇ ਆਪ ਠੀਕ ਹੋ ਜਾਂਦੀਆਂ ਹਨ ਪਰ ਜਦੋਂ ਇਹ ਛੋਟਾ ਜ਼ਖ਼ਮ ਵੱਡਾ ਬਣ ਜਾਂਦਾ ਹੈ ਤਾਂ ਮੁਸੀਬਤ ਦਿੰਦਾ ਹੈ। ਇਸ ਲਈ ਅੱਜ ਅਸੀਂ ਤੁਹਾਡੇ ਲਈ ਇਸ ਵੱਡੇ ਜ਼ਖ਼ਮ ਤੇ ਫੋੜੇ ਤੋਂ ਛੁਟਕਾਰਾ ਪਾਉਣ ਤੇ ਜ਼ਖ਼ਮ ਨੂੰ ਠੀਕ ਕਰਨ ਦੇ ਆਸਾਨ ਨੁਸਖ਼ੇ ਲੈ ਕੇ ਆਏ ਹਾਂ। ਆਓ ਜਾਣਦੇ ਹਾਂ ਜ਼ਖ਼ਮਾਂ ਨੂੰ ਜਲਦੀ ਠੀਕ ਕਰਨ ਦੇ ਆਸਾਨ ਨੁਸਖ਼ਿਆਂ ਬਾਰੇ–
ਹਲਦੀ ਤੇ ਗਊ ਮੂਤਰ
ਹਲਦੀ ਦੀ ਵਰਤੋਂ ਜ਼ਖ਼ਮ ਭਰਨ ’ਚ ਬਹੁਤ ਕਾਰਗਰ ਸਾਬਿਤ ਹੁੰਦੀ ਹੈ। ਹਲਦੀ ਦੇ ਐਂਟੀਸੈਪਟਿਕ ਗੁਣਾਂ ਦੇ ਕਾਰਨ, ਇਹ ਇੰਫੈਕਸ਼ਨ ਤੇ ਮਾੜੇ ਪ੍ਰਭਾਵਾਂ ਤੋਂ ਬਚਣ ’ਚ ਮਦਦ ਕਰਦੀ ਹੈ। ਜ਼ਖ਼ਮ ਨੂੰ ਸਾਫ਼ ਕਰਨ ਲਈ ਗਊ ਮੂਤਰ ਦੀ ਵਰਤੋਂ ਕਰੋ। ਅਜਿਹਾ ਕਰਨ ਨਾਲ ਜ਼ਖ਼ਮ ਜਲਦੀ ਠੀਕ ਹੋ ਜਾਂਦਾ ਹੈ ਤੇ ਦਰਦ ਤੋਂ ਵੀ ਆਰਾਮ ਮਿਲਦਾ ਹੈ। ਇਸ ਤਰ੍ਹਾਂ ਕਰਨ ਤੋਂ ਬਾਅਦ ਹਲਦੀ ਦਾ ਪੇਸਟ ਲਗਾਓ।
ਲਸਣ
ਖ਼ੂਨ ਨੂੰ ਰੋਕਣ ਤੇ ਦਰਦ ਨੂੰ ਘੱਟ ਕਰਨ ਦੇ ਨਾਲ-ਨਾਲ ਲਸਣ ਸਾਡੇ ਸਰੀਰ ਦੀ ਰੋਗ ਪ੍ਰਤੀਰੋਧਕ ਸਮਰੱਥਾ ਵਧਾਉਣ ਦਾ ਵੀ ਕੰਮ ਕਰਦਾ ਹੈ। ਲਸਣ ਦਾ ਪੇਸਟ ਬਣਾ ਕੇ ਸਿੱਧੇ ਜ਼ਖ਼ਮ ’ਤੇ ਲਗਾਓ। ਹੁਣ ਇਸ ’ਤੇ ਸਾਫ਼ ਪੱਟੀ ਬੰਨ੍ਹ ਲਓ। 20 ਮਿੰਟ ਬਾਅਦ ਪੱਟੀ ਨੂੰ ਉਤਾਰ ਕੇ ਉਸ ਹਿੱਸੇ ਨੂੰ ਧੋ ਲਓ। ਇਸ ਘਰੇਲੂ ਉਪਾਅ ਨੂੰ ਦਿਨ ’ਚ 2 ਵਾਰ ਕਰੋ।
ਐਲੋਵੇਰਾ
ਜੇਕਰ ਜ਼ਖ਼ਮ ਡੂੰਘਾ ਨਹੀਂ ਹੈ ਤਾਂ ਐਲੋਵੇਰਾ ਜੈੱਲ ਦੀ ਵਰਤੋਂ ਕਰੋ। ਇਸ ਨਾਲ ਜ਼ਖ਼ਮ ਦੀ ਸੋਜ ਘੱਟ ਹੁੰਦੀ ਹੈ, ਨਾਲ ਹੀ ਜ਼ਖ਼ਮ ਨੂੰ ਲੋੜੀਂਦੀ ਨਮੀ ਮਿਲਦੀ ਹੈ। ਐਲੋਵੇਰਾ ਦੀ ਵਰਤੋਂ ਡੂੰਘੇ ਤੇ ਖੁੱਲ੍ਹੇ ਜ਼ਖ਼ਮਾਂ ’ਤੇ ਨਹੀਂ ਕਰਨੀ ਚਾਹੀਦੀ। ਐਲੋਵੇਰਾ ਤੋਂ ਐਲਰਜੀ ਵਾਲੀ ਪ੍ਰਤੀਕਿਰਿਆ ਬਹੁਤ ਘੱਟ ਹੁੰਦੀ ਹੈ ਪਰ ਜੇ ਚਮੜੀ ਲਾਲ ਹੋ ਜਾਂਦੀ ਹੈ ਤਾਂ ਡਾਕਟਰ ਨੂੰ ਦਿਖਾਓ। ਐਲੋਵੇਰਾ ਦਾ ਗੁੱਦਾ ਕੱਟੇ ਹੋਏ ਛਿਲਕਿਆਂ ’ਤੇ ਬਹੁਤ ਫ਼ਾਇਦੇਮੰਦ ਹੁੰਦਾ ਹੈ।
ਸ਼ਹਿਦ
ਸ਼ਹਿਦ ਇਕ ਬਹੁਤ ਹੀ ਕਾਰਗਰ ਔਸ਼ਧੀ ਹੈ, ਜਿਸ ਦੀ ਵਰਤੋਂ ਪੁਰਾਣੇ ਸਮੇਂ ਤੋਂ ਕਈ ਬੀਮਾਰੀਆਂ ’ਚ ਕੀਤੀ ਜਾਂਦੀ ਰਹੀ ਹੈ। ਸ਼ਹਿਦ ’ਚ ਐਂਟੀ-ਬੈਕਟੀਰੀਅਲ ਤੱਤ ਹੁੰਦੇ ਹਨ, ਜੋ ਕਿ ਜ਼ਖ਼ਮ ਨੂੰ ਬੈਕਟੀਰੀਆ ਤੋਂ ਬਚਾਉਣ ’ਚ ਮਦਦ ਕਰਦੇ ਹਨ। ਜੇਕਰ ਜ਼ਖ਼ਮ ਹਲਕਾ ਹੋਵੇ ਤਾਂ ਉਸ ਨੂੰ ਸਾਫ਼ ਕਰਨ ਤੋਂ ਬਾਅਦ ਸ਼ਹਿਦ ਲਗਾ ਕੇ ਉਸ ’ਤੇ ਪੱਟੀ ਬੰਨ੍ਹ ਲਓ, ਅਜਿਹਾ ਕਰਨ ਨਾਲ ਜ਼ਖ਼ਮ ਸੁੱਕਣ ’ਚ ਘੱਟ ਸਮਾਂ ਲੱਗਦਾ ਹੈ।
ਸਿਰਕਾ
ਸਿਰਕੇ ਦੀ ਵਰਤੋਂ ਜ਼ਖ਼ਮਾਂ ਦੇ ਇਲਾਜ ’ਚ ਵੀ ਇਕ ਬਹੁਤ ਹੀ ਜ਼ਰੂਰੀ ਉਪਾਅ ਹੈ। ਜੇਕਰ ਚਮੜੀ ਸੜ ਗਈ ਹੋਵੇ ਜਾਂ ਕੱਟੀ ਹੋਈ ਹੋਵੇ ਤਾਂ ਸਿਰਕੇ ਦੀਆਂ ਇਕ ਤੋਂ ਦੋ ਬੂੰਦਾਂ ਰੂੰ ’ਤੇ ਲਗਾ ਕੇ ਜ਼ਖ਼ਮ ਵਾਲੀ ਥਾਂ ’ਤੇ ਲਗਾਓ, ਇਸ ਨਾਲ ਜਲਦੀ ਆਰਾਮ ਮਿਲੇਗਾ।
ਨੋਟ– ਇਹ ਆਰਟੀਕਲ ਸਿਰਫ ਆਮ ਜਾਣਕਾਰੀ ਹੈ। ਹਮੇਸ਼ਾ ਕਿਸੇ ਵੀ ਨੁਸਖ਼ੇ ਨੂੰ ਅਪਣਾਉਣ ਤੋਂ ਪਹਿਲਾਂ ਮਾਹਿਰ ਦੀ ਸਲਾਹ ਜ਼ਰੂਰ ਲਓ।
Child Care: ਜੇਕਰ ਬੱਚਿਆਂ ਨੂੰ ਭੁੱਖ ਨਹੀਂ ਲੱਗ ਰਹੀ ਤਾਂ ਮਾਪੇ ਜ਼ਰੂਰ ਅਜ਼ਮਾਉਣ ਇਹ ਸੌਖੇ ਤਰੀਕੇ
NEXT STORY 
