ਮੋਗਾਦਿਸ਼ੂ (ਭਾਸ਼ਾ)- ਸੋਮਾਲੀਆ ਵਿੱਚ ਬੁੱਧਵਾਰ ਤੜਕੇ ਦੋ ਆਤਮਘਾਤੀ ਕਾਰ ਬੰਬ ਧਮਾਕਿਆਂ ਵਿੱਚ ਘੱਟੋ-ਘੱਟ 10 ਲੋਕਾਂ ਦੀ ਮੌਤ ਹੋ ਗਈ। ਪੁਲਸ ਨੇ ਕਿਹਾ ਕਿ ਅਲ-ਸ਼ਬਾਬ ਦੇ ਕੱਟੜਪੰਥੀਆਂ ਨੇ ਇੱਕ ਫੌਜੀ ਖੇਤਰ ਨੂੰ ਨਿਸ਼ਾਨਾ ਬਣਾ ਕੇ ਇਹ ਹਮਲਾ ਕੀਤਾ। ਇਹ ਹਮਲਾ ਹਿਰਨ ਖੇਤਰ ਦੇ ਮਹਾਸ ਜ਼ਿਲ੍ਹੇ ਵਿੱਚ ਸਵੇਰ ਦੀ ਨਮਾਜ਼ ਤੋਂ ਬਾਅਦ ਹੋਇਆ। ਇਲਾਕੇ ਦੇ ਰਹਿਣ ਵਾਲੇ ਓਸਮਾਨ ਅਬਦੁੱਲਾਹੀ ਨੇ ਐਸੋਸੀਏਟਡ ਪ੍ਰੈਸ ਨੂੰ ਦੱਸਿਆ, ''ਧਮਾਕੇ ਦੀ ਆਵਾਜ਼ ਉੱਚੀ ਸੀ ਅਤੇ ਪੂਰੇ ਸ਼ਹਿਰ ਵਿੱਚ ਸੁਣਾਈ ਦਿੱਤੀ। ਮੈਂ ਹਮਲੇ ਵਿੱਚ ਜ਼ਖ਼ਮੀ ਹੋਏ ਬਹੁਤ ਸਾਰੇ ਲੋਕਾਂ ਨੂੰ ਬਚਾਇਆ, ਜਿਨ੍ਹਾਂ ਵਿੱਚ ਫੌਜ ਦੇ ਜਵਾਨ ਅਤੇ ਸੈਨਿਕਾਂ ਨਾਲ ਕੰਮ ਕਰ ਰਹੇ ਪੱਤਰਕਾਰ ਵੀ ਸ਼ਾਮਲ ਸਨ।'
ਪੁਲਸ ਅਧਿਕਾਰੀ ਮਹਾਦ ਅਬਦੁੱਲੇ ਨੇ ਦੱਸਿਆ ਕਿ ਵਿਅਸਤ ਖੇਤਰ ਵਿੱਚ ਵਾਹਨਾਂ ਵਿੱਚ ਧਮਾਕਾ ਕੀਤਾ ਗਿਆ ਅਤੇ ਘੱਟੋ-ਘੱਟ 10 ਲੋਕ ਮਾਰੇ ਗਏ। ਅਲ-ਸ਼ਬਾਬ ਨੇ ਹਮਲੇ ਦੀ ਜ਼ਿੰਮੇਵਾਰੀ ਲਈ ਹੈ। ਮਹਾਸ ਅਲ-ਕਾਇਦਾ ਨਾਲ ਜੁੜੇ ਸਮੂਹ ਅਲ-ਸ਼ਬਾਬ ਦੇ ਖਿਲਾਫ ਚੱਲ ਰਹੀ ਸਰਕਾਰੀ ਕਾਰਵਾਈ ਦੇ ਕੇਂਦਰ ਵਿੱਚ ਹੈ। ਕਈ ਸਾਲਾਂ ਤੋਂ ਅਲ-ਸ਼ਬਾਬ ਨੇ ਮੱਧ ਅਤੇ ਦੱਖਣੀ ਸੋਮਾਲੀਆ ਦੇ ਕੁਝ ਹਿੱਸਿਆਂ 'ਤੇ ਆਪਣਾ ਕੰਟਰੋਲ ਕਾਇਮ ਰੱਖਿਆ ਸੀ। ਸੋਮਾਲੀਅਨ ਸਰਕਾਰ ਨੇ ਇਸ ਸਾਲ ਸਮੂਹ ਨੂੰ ਖਤਮ ਕਰਨ ਦਾ ਸੰਕਲਪ ਲਿਆ ਹੈ।
ਬਾਈਡੇਨ ਨੇ ਇਕ ਵਾਰ ਮੁੜ ਏਰਿਕ ਗਾਰਸੇਟੀ ਨੂੰ ਭਾਰਤ ’ਚ ਅਗਲੇ ਰਾਜਦੂਤ ਵਜੋਂ ਕੀਤਾ ਨਾਮਜ਼ਦ
NEXT STORY 
