ਇੰਟਰਨੈਸ਼ਨਲ ਡੈਸਕ - ਕਿਊਬਾ 'ਚ ਐਤਵਾਰ ਨੂੰ 6.8 ਤੀਬਰਤਾ ਦਾ ਭੂਚਾਲ ਆਇਆ। ਹਫ਼ਤਿਆਂ ਦੇ ਤੂਫ਼ਾਨ ਅਤੇ ਬਲੈਕਆਊਟ ਤੋਂ ਬਾਅਦ ਆਏ ਤੀਬਰ ਭੂਚਾਲ ਕਾਰਨ ਲੋਕ ਡਰ ਗਏ ਸਨ। ਹਾਲਾਂਕਿ ਅਜੇ ਤੱਕ ਕਿਸੇ ਤਰ੍ਹਾਂ ਦੇ ਨੁਕਸਾਨ ਦੀ ਕੋਈ ਖਬਰ ਨਹੀਂ ਹੈ।
ਭੂਚਾਲ ਦਾ ਕੇਂਦਰ ਪੂਰਬੀ ਕਿਊਬਾ ਵਿੱਚ ਬਾਰਟੋਲੋਮੇ ਮਾਸੋ ਤੋਂ ਲਗਭਗ 40 ਕਿਲੋਮੀਟਰ ਦੱਖਣ ਵਿੱਚ ਸਥਿਤ ਸੀ, ਯੂਐਸ ਭੂ-ਵਿਗਿਆਨਕ ਸਰਵੇਖਣ ਨੇ ਦੱਸਿਆ। ਸੈਂਟੀਆਗੋ ਡੀ ਕਿਊਬਾ ਵਰਗੇ ਵੱਡੇ ਸ਼ਹਿਰਾਂ ਸਮੇਤ ਕਿਊਬਾ ਦੇ ਪੂਰਬੀ ਹਿੱਸੇ ਵਿੱਚ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ। ਇਸ ਦਾ ਕੁਝ ਅਸਰ ਗਵਾਂਤਾਨਾਮੋ ਅਤੇ ਜਮਾਇਕਾ ਵਿੱਚ ਵੀ ਦੇਖਿਆ ਗਿਆ।
ਲੋਕਾਂ 'ਚ ਦਹਿਸ਼ਤ ਦਾ ਮਾਹੌਲ
ਕਿਊਬਾ ਦੇ ਦੂਜੇ ਸਭ ਤੋਂ ਵੱਡੇ ਸ਼ਹਿਰ ਸੈਂਟੀਆਗੋ ਵਿੱਚ ਧਰਤੀ ਕੰਬਦੇ ਹੀ ਲੋਕਾਂ ਵਿੱਚ ਦਹਿਸ਼ਤ ਫੈਲ ਗਈ। ਲੋਕ ਘਰਾਂ ਤੋਂ ਬਾਹਰ ਨਿਕਲ ਕੇ ਸੜਕਾਂ 'ਤੇ ਆ ਗਏ। ਝਟਕਾ ਬੰਦ ਹੋਣ ਤੋਂ ਬਾਅਦ ਵੀ ਲੋਕ ਬਾਹਰ ਬੈਠੇ ਰਹੇ। ਲੋਕ ਇੰਨੇ ਡਰੇ ਹੋਏ ਸਨ ਕਿ ਉਨ੍ਹਾਂ ਨੇ ਘਰ ਵਿਚ ਜਾਣ ਦੀ ਹਿੰਮਤ ਨਹੀਂ ਕੀਤੀ।
'ਲੇਬਨਾਨ 'ਚ ਮੇਰੇ ਹੁਕਮਾਂ 'ਤੇ ਹੋਇਆ ਸੀ ਪੇਜਰ ਅਟੈਕ...', ਘਾਤਕ ਹਮਲੇ 'ਤੇ PM ਨੇਤਨਯਾਹੂ ਦਾ ਕਬੂਲਨਾਮਾ
NEXT STORY 
